<p>ರಜನಿಕಾಂತ್, ಕಮಲ್ ಹಾಸನ್ರಂಥ ಸ್ಟಾರ್ಗಳಿಗೆ ಪೈಪೋಟಿ ನೀಡಿದ್ದ, ಒಂದೇ ವರ್ಷದಲ್ಲಿ 14 ಹಿಟ್ ಚಿತ್ರಗಳನ್ನ ನೀಡಿದ್ದ ಮೈಕ್ ಮೋಹನ್ ಈಗ ಎಲ್ಲಿದ್ದಾರೆ ಗೊತ್ತಾ?</p><p> </p><img><p>ಒಂದು ಕಾಲದಲ್ಲಿ ಸ್ಟಾರ್ಗಳಾಗಿದ್ದ ಹಲವರು ಮಧ್ಯದಲ್ಲೇ ಕಣ್ಮರೆಯಾದರು. ಸೂಪರ್ ಸ್ಟಾರ್ ಆಗಬೇಕಿದ್ದವರು ಕೆರಿಯರ್ ಕಳೆದುಕೊಂಡು ತೆರೆಮರೆಗೆ ಸರಿದರು. ಚಿರಂಜೀವಿ, ರಜನಿಕಾಂತ್, ಕಮಲ್ ಹಾಸನ್ ಮೊದಲು ಸ್ಟಾರ್ ಆಗಿದ್ದವರಲ್ಲಿ ಮೈಕ್ ಮೋಹನ್ ಒಬ್ಬರು.</p><img><p>ಒಂದೇ ವರ್ಷದಲ್ಲಿ 14 ಹಿಟ್ ಚಿತ್ರಗಳನ್ನ ನೀಡಿದ ಮೈಕ್ ಮೋಹನ್ 80ರ ದಶಕದಲ್ಲಿ ಸ್ಟಾರ್ ನಟ. ರಜನಿಕಾಂತ್, ಕಮಲ್ ಹಾಸನ್ರಿಗೆ ಪೈಪೋಟಿ ನೀಡಿದ್ದರು. ಸಿಲ್ವರ್ ಜ್ಯೂಬಿಲಿ ಹೀರೋ ಎಂದೇ ಖ್ಯಾತರಾಗಿದ್ದರು. ಕಡಿಮೆ ಬಜೆಟ್ನಲ್ಲಿ ಚಿತ್ರ ನಿರ್ಮಿಸಿ ಲಾಭ ಗಳಿಸಲು ನಿರ್ಮಾಪಕರಿಗೆ ನೆರವಾಗಿದ್ದರು. ಶೂಟಿಂಗ್ಗೆ ಸರಿಯಾದ ಸಮಯಕ್ಕೆ ಬರುತ್ತಿದ್ದರು. ಯಾವುದೇ ತೊಂದರೆ ಕೊಡುತ್ತಿರಲಿಲ್ಲ. ಅವರ ಚಿತ್ರಗಳ ಹಾಡುಗಳು ಚೆನ್ನಾಗಿರುತ್ತಿದ್ದವು, ಕುಟುಂಬ ಸಮೇತರಾಗಿ ನೋಡಬಹುದಾದ ಚಿತ್ರಗಳನ್ನು ನೀಡುತ್ತಿದ್ದರು.</p><img><p>1956 ಆಗಸ್ಟ್ 23ರಂದು ಉಡುಪಿಯಲ್ಲಿ ಜನಿಸಿದ ಮೋಹನ್ ನಿಜವಾದ ಹೆಸರು ಮೋಹನ್ ರಾವ್. ಬೆಂಗಳೂರಿನಲ್ಲಿ ಹೋಟೆಲ್ ನಡೆಸುತ್ತಿದ್ದ ತಂದೆಯ ಪ್ರೋತ್ಸಾಹದಿಂದ ನಾಟಕಗಳಲ್ಲಿ ನಟಿಸುತ್ತಿದ್ದರು. ಛಾಯಾಗ್ರಾಹಕ ಬಾಲು ಮಹೇಂದ್ರ ಅವರ ಕಣ್ಣಿಗೆ ಬಿದ್ದ ಮೋಹನ್, ಕನ್ನಡ ಚಿತ್ರ ಕೋಕಿಲದಲ್ಲಿ ಚಿಕ್ಕ ಪಾತ್ರ ಪಡೆದರು. ನಂತರ ಬಾಲು ಮಹೇಂದ್ರರೇ ಮೂಡುಪಣಿ ಚಿತ್ರದ ಮೂಲಕ ತಮಿಳು ಚಿತ್ರರಂಗಕ್ಕೆ ಪರಿಚಯಿಸಿದರು.</p><img><p>ಮೂಡುಪಣಿ ಚಿತ್ರದಲ್ಲಿ ಛಾಯಾಗ್ರಾಹಕರಾಗಿ ನಟಿಸಿದ್ದರು. ನಂತರ ಮಹೇಂದ್ರನ್ ನಿರ್ದೇಶನದ ನೆಂಜತೈ ಕಿಲ್ಲಾಧೆ ಚಿತ್ರದಲ್ಲಿ ಸುಹಾಸಿನಿ ಪ್ರಿಯಕರನಾಗಿ ನಟಿಸಿದರು. ಕಾರ್ ಮೆಕ್ಯಾನಿಕ್ ಪಾತ್ರದಲ್ಲಿ ಮೋಡಿ ಮಾಡಿದರು. ಮೂಡುಪಣಿ, ನೆಂಜತೈ ಕಿಲ್ಲಾಧೆ ಎರಡೂ 1980ರಲ್ಲಿ ಬಿಡುಗಡೆಯಾಗಿ ಯಶಸ್ವಿಯಾದವು.</p><img><p>1981ರ ‘ಕ್ಲಿಂಜಲ್ಗಲ್’ ಚಿತ್ರ ಮೋಹನ್ಗೆ ಹೀರೋ ಆಗಿ ಒಳ್ಳೆಯ ಹೆಸರು ತಂದುಕೊಟ್ಟಿತು. ಕಮಲ್ ಹಾಸನ್ ನಂತರ ಅತಿ ಹೆಚ್ಚು ಅಭಿಮಾನಿಗಳನ್ನು ಗಳಿಸಿದ ನಟ ಮೋಹನ್. ಮೋಹನ್ ರೀತಿಯ ಗಂಡ ಬೇಕೆಂದು ಹುಡುಗಿಯರು ಕನಸು ಕಾಣುತ್ತಿದ್ದರು. ಇಳಯರಾಜ ಸಂಗೀತ ಮೋಹನ್ ಯಶಸ್ಸಿಗೆ ಕಾರಣವಾಯಿತು. ಮೈಕ್ ಹಿಡಿದು ಹಾಡುತ್ತಿದ್ದರಿಂದ ಮೈಕ್ ಮೋಹನ್ ಎಂದು ಕರೆಯಲಾಗುತ್ತಿತ್ತು.</p><img><p>ಪಯಣಂಗಳ್ ಮುಡಿವಡಿಲ್ಲ ಚಿತ್ರದಲ್ಲಿ ಮೊದಲ ಬಾರಿಗೆ ಮೈಕ್ ಹಿಡಿದು ಹಾಡಿದರು. ಮೈಕ್ ಮೋಹನ್ ಎಂಬ ಹೆಸರು ಬಂದಿದ್ದೇ ಆಗ. ಹೀರೋ ಆಗಿರುವಾಗಲೇ ಖಳನಾಯಕನ ಪಾತ್ರಗಳನ್ನೂ ಮಾಡಿದ್ದಾರೆ. ತೆಲುಗಿನಲ್ಲೂ ಚಿತ್ರಗಳಲ್ಲಿ ನಟಿಸಿದ್ದಾರೆ. ಒಂದೇ ವರ್ಷದಲ್ಲಿ 14 ಹಿಟ್ ಚಿತ್ರಗಳನ್ನ ನೀಡಿದ್ದಾರೆ. ನಂತರ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಂಡು ತೆರೆಮರೆಗೆ ಸರಿದರು. ಈಗ ಮತ್ತೆ ಪೋಷಕ ಪಾತ್ರಗಳಲ್ಲಿ ನಟಿಸಲು ಸಿದ್ಧರಾಗುತ್ತಿದ್ದಾರೆ.</p>
Source link
ಈ ನಟ ರಜನಿ-ಕಮಲ್ಗೂ ಟಕ್ಕರ್ ಕೊಟ್ಟಿದ್ದ ಮೈಕ್ ಮೋಹನ್ : ಒಂದೇ ವರ್ಷ 14 ಹಿಟ್..!
