Bigg Boss ಡಾಗ್​ ಸತೀಶ್​ರನ್ನು ಸುಸ್ತು ಮಾಡಿದ ಗಿಲ್ಲಿ ನಟ ಫ್ಯಾನ್ಸ್​: ಹೀಗೆಲ್ಲಾ ಹೇಳೋದು ಬೇಕಿತ್ತಾ?

<p>ಬಿಗ್ ಬಾಸ್ ಖ್ಯಾತಿಯ ಡಾಗ್ ಸತೀಶ್, ಸಹ ಸ್ಪರ್ಧಿ ಗಿಲ್ಲಿ ನಟನ ವಿರುದ್ಧ ಮಾತನಾಡಿದ್ದಕ್ಕೆ ಅವರ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. &nbsp; ಗಿಲ್ಲಿ ನಟನ ಅಭಿಮಾನಿಗಳು ಅವರ ಕಾರಿನ ಮೇಲೆ ‘ಗಿಲ್ಲಿ ನಟ ವಿನ್ನರ್’ ಎಂದು ಬರೆದು, ಘೋಷಣೆ ಕೂಗಿ ಸೇಡು ತೀರಿಸಿಕೊಂಡಿದ್ದಾರೆ.</p><img><p>ಬಿಗ್​ಬಾಸ್​ನಿಂದ​ (Bigg Boss Kannada) ಬಂದ ಮೇಲೆ ಡಾಗ್​ ಸತೀಶ್​ ಅವರು ಸಿಕ್ಕಾಪಟ್ಟೆ ಫೇಮಸ್​ ಆಗುತ್ತಿದ್ದಾರೆ. ಮಾತೆದ್ದಿದರೆ ಕೋಟಿಯಲ್ಲಿಯೇ ಮಾತನಾಡುವ ಡಾಗ್​ ಸತೀಶ್​ ಸದ್ಯ ಸೋಷಿಯಲ್​ ಮೀಡಿಯಾದಲ್ಲಿ ಟ್ರೋಲ್​ ಮೂಲಕ ಸದ್ದು ಮಾಡುತ್ತಿದ್ದಾರೆ. ಇವರನ್ನು ಹಾಗೂ ಇವರು 100 ಕೋಟಿಯ ನಾಯಿ ಎಂದು ಹೇಳುವ ನಾಯಿಯನ್ನು ಮುಂದಿಟ್ಟುಕೊಂಡು, ಲಕ್ಷ ಲಕ್ಷ ಬೆಲೆಬಾಳುವ ಷರ್ಟ್​ ಧರಿಸುತ್ತೇನೆ ಎನ್ನುವ ಮಾತನ್ನು ಕೂಡ ಮುಂದಿಟ್ಟುಕೊಂಡು ಅದೆಷ್ಟೋ ಮಂದಿ ಮೀಮ್ಸ್​ ಮಾಡುವುದು ಮಾಮೂಲಾಗಿಬಿಟ್ಟಿದೆ.</p><img><p>ತಮ್ಮ ಕೈಗೆ ಬಿಗ್​ಬಾಸ್​ ಕೊಟ್ಟರೆ ವರ್ಲ್ಡ್​ ಫೇಮಸ್​ ಮಾಡಬಲ್ಲೆ ಎನ್ನುತ್ತಲೇ ಮಾತು ಆರಂಭಿಸುವ ಡಾಗ್​ ಸತೀಶ್​, ಇದೀಗ ತಮ್ಮಮಗನನ್ನು ವಿಶ್ವದ ನಂಬರ್​ 2 ಹೀರೋ ಮಾಡಲು ಹೊರಟಿದ್ದಾರೆ. ಈಚೆಗೆ ಬರಿಗೈನಲ್ಲಿ ಟಾಯ್ಲೆಟ್​ ತೊಳೆದು ಸುದ್ದಿ ಮಾಡಿದ್ದರು. ಹೀಗೆ ಒಂದಿಲ್ಲೊಂದು ಕಾರಣಗಳಿಂದ ಸದ್ದು ಮಾಡ್ತಿದ್ದಾರೆ ಡಾಗ್​ ಸತೀಶ್​.</p><img><p>ಇಂತಿಪ್ಪ ಡಾಗ್​ ಸತೀಶ್​ (Bigg Boss Dog Satish) ಬಿಗ್​ಬಾಸ್​ ಮನೆಯ ಬಹುತೇಕ ಸ್ಪರ್ಧಿಗಳ ವಿರುದ್ಧವೇ ಮಾತನಾಡಿದ್ದಾರೆ. ಯಾರನ್ನೂ ಬಿಟ್ಟಿಲ್ಲ. ಅದರಲ್ಲಿಯೂ ಬಿಗ್​ಬಾಸ್​ ವಿನ್ನರ್​ ಎಂದೇ ಸೋಷಿಯಲ್​ ಮೀಡಿಯಾದಲ್ಲಿ ಹವಾ ಸೃಷ್ಟಿಸಿರೋ ಗಿಲ್ಲಿ ನಟನ ವಿರುದ್ಧವೂ ಸಾಕಷ್ಟು ಮಾತನಾಡುತ್ತಿದ್ದಾರೆ. ಒಂದು ಹಂತದಲ್ಲಿ ಬಟ್ಟೆ ಕಳ್ಳತನದ ಆರೋಪವನ್ನೂ ಬಿಗ್​ಬಾಸ್​ ಸ್ಪರ್ಧಿ ವಿರುದ್ಧ ಹೊರಿಸಿದ್ದಾರೆ ಸತೀಶ್​.</p><img><p>ಇದು ಗಿಲ್ಲಿ ನಟ (Bigg Boss Gilli Nata) ಅಭಿಮಾನಿಗಳನ್ನು ಕೆರಳಿಸಿದೆ. ಡಾಗ್​ ಸತೀಶ್​ ಅವರು ಭಾಗವಹಿಸಿದ್ದ ಕಾರ್ಯಕ್ರಮವೊಂದರಲ್ಲಿ ಅವರು ಹೋಗಿದ್ದ ಕಾರಿನ ಮೇಲೆ ಗಿಲ್ಲಿನಟನ ಫ್ಯಾನ್ಸ್​ ಗಿಲ್ಲಿ ನಟ ವಿನ್ನರ್​ ಎಂದು ಬರೆದು ಬರೆದು ಹಾಕಿದ್ದಾರೆ.</p><img><p>ಮಾತ್ರವಲ್ಲದೇ ಸತೀಶ್​ ಹೊರಕ್ಕೆ ಬರುತ್ತಿದ್ದಂತೆಯೇ ಅವರ ವಿರುದ್ಧ ಸೇಡು ತೀರಿಸಿಕೊಳ್ಳಲು ಕಾಯ್ತಿದ್ದ ಗಿಲ್ಲಿ ಫ್ಯಾನ್ಸ್​, ಜೋರಾಗಿ ಗಿಲ್ಲಿ ಗಿಲ್ಲಿ, ವಿನ್ನರ್​ ಗಿಲ್ಲಿ, ಬಿಗ್​ಬಾಸ್​​ ಗಿಲ್ಲಿ ಎಂದೆಲ್ಲಾ ಘೋಷಣೆ ಕೂಗುವ ಮೂಲಕ ಡಾಗ್​ ಸತೀಶ್​ ಅವರನ್ನು ಇರಿಟೇಟ್​ ಮಾಡಿ ಸೇಡು ತೀರಿಸಿಕೊಂಡಿದ್ದಾರೆ.</p><img><p>ಇದರ ವಿಡಿಯೋ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಲೇ ಇವೆಲ್ಲಾ ಬೇಕಿತ್ತಾ ಎಂದು ಡಾಗ್​ ಸತೀಶ್​ ಅವರನ್ನು ಪ್ರಶ್ನಿಸಲಾಗುತ್ತಿದೆ. ತಾವು ಅಪ್ರತಿಮ ಸುಂದರ ಹಾಗೇ ಹೀಗೆ ಹೊಗಳಿಕೊಳ್ಳುವುದನ್ನು ಬೇಕಿದ್ದರೆ ಮುಂದುವರೆಸಿ, ನಿಮ್ಮ ಕೋಟಿ ಕೋಟಿ ಮಾತನ್ನು ಬೇಕಿದ್ರೆ ಹೇಳಿಕೊಳ್ಳುತ್ತಾ ಸಾಗಿ. ಆದರೆ, ಬೇರೆಯವರ ತಂಟೆಗೆ ಯಾಕೆ ಹೋಗ್ತೀರಿ ಎಂದು ಪ್ರಶ್ನಿಸುತ್ತಿದ್ದಾರೆ.</p>



Source link