RBI ನಿಜವಾಗಿಯೂ 500 ರೂ. ನೋಟುಗಳನ್ನು ರದ್ದು ಮಾಡುತ್ತಿದೆಯೇ? ಕೇಂದ್ರದ ಸ್ಪಷ್ಟನೆ

<p><strong>PIB ಫ್ಯಾಕ್ಟ್ ಚೆಕ್: </strong>ಕೇಂದ್ರ ಸರ್ಕಾರ ಮತ್ತೊಮ್ಮೆ ನೋಟು ಅಮಾನ್ಯೀಕರಣಕ್ಕೆ ಸಿದ್ಧವಾಗಿದೆಯೇ? ಭಾರತೀಯ ರಿಸರ್ವ್ ಬ್ಯಾಂಕ್ 500 ರೂಪಾಯಿ ನೋಟುಗಳ ಚಲಾವಣೆಯನ್ನು ನಿಲ್ಲಿಸುತ್ತದೆಯೇ? ಈ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.</p><img><p>2016ರ ನೋಟು ಅಮಾನ್ಯೀಕರಣದ ಕಹಿ ನೆನಪು ಮಾಸುವ ಮುನ್ನವೇ, ಮತ್ತೆ ನೋಟು ರದ್ದತಿಯ ಸುದ್ದಿ ಹರಿದಾಡುತ್ತಿದೆ. ಈ ಸುಳ್ಳು ಪ್ರಚಾರ ಜನರಲ್ಲಿ ಆತಂಕ ಸೃಷ್ಟಿಸಿದೆ. ಇದರ ಹಿಂದಿನ ಸತ್ಯಾಸತ್ಯತೆ ಏನು ಎಂಬುದರ ವಿವರ ಇಲ್ಲಿದೆ ನೋಡಿ</p><img><p>2023ರಲ್ಲಿ 2000 ರೂ. ನೋಟು ಹಿಂಪಡೆದ ನಂತರ, ಈಗ 500 ರೂ. ನೋಟುಗಳನ್ನೂ ರದ್ದು ಮಾಡಲಾಗುತ್ತದೆ ಎಂಬ ವದಂತಿ ಹಬ್ಬಿದೆ. 2026ರ ಮಾರ್ಚ್‌ಗೆ ಚಲಾವಣೆ ನಿಲ್ಲಲಿದೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಪ್ರಚಾರವಾಗುತ್ತಿದೆ.</p><img><p>ಈ ವದಂತಿಯನ್ನು ಸರ್ಕಾರ ಮತ್ತು ಆರ್‌ಬಿಐ ನಿರಾಕರಿಸಿವೆ. ಇದು ಸುಳ್ಳು ಸುದ್ದಿ, 500 ರೂ. ನೋಟು ಚಲಾವಣೆಯಲ್ಲಿ ಮುಂದುವರಿಯಲಿದೆ ಎಂದು ಪಿಐಬಿ ಫ್ಯಾಕ್ಟ್ ಚೆಕ್ ವಿಭಾಗ ‘X’ ಮೂಲಕ ಸ್ಪಷ್ಟಪಡಿಸಿದೆ. ಇಂತಹ ಸುದ್ದಿ ನಂಬಬೇಡಿ ಎಂದಿದೆ.</p><p><strong>ಇದನ್ನೂ ಓದಿ: </strong><strong>ಎರಡೇ ದಿನದಲ್ಲಿ 11,500 ಕೋಟಿ ನಷ್ಟ ಕಂಡ ಎಲ್‌ಐಸಿ, ಏನು ಕಾರಣ?</strong></p><img><p>ನೋಟು ರದ್ದತಿ ಬಗ್ಗೆ ಸುಳ್ಳು ಸುದ್ದಿ ಹೊಸದೇನಲ್ಲ. ಕಳೆದ ವರ್ಷವೂ, 500 ರೂ. ನೋಟು ರದ್ದು ಮಾಡುವ ಯಾವುದೇ ಪ್ರಸ್ತಾಪ ಸರ್ಕಾರದ ಮುಂದಿಲ್ಲ ಎಂದು ಹಣಕಾಸು ರಾಜ್ಯ ಸಚಿವ ಪಂಕಜ್ ಚೌಧರಿ ಸಂಸತ್ತಿನಲ್ಲಿ ಸ್ಪಷ್ಟಪಡಿಸಿದ್ದರು.</p><p><strong>ಇದನ್ನೂ ಓದಿ:</strong><strong> New year investment plan: ಈ ವರ್ಷ ಖರ್ಚು ಕಡಿಮೆ ಮಾಡಿ, ತಿಂಗಳಿಗೆ ಇಷ್ಟು ಹಣ ಉಳಿಸಿ, ಭವಿಷ್ಯದಲ್ಲಿ ಕೋಟಿ ನಿಧಿ ನಿಮ್ಮ ಕೈಗೆ!</strong></p>



Source link