ವಾಷಿಂಗ್ಟನ್, ಜನವರಿ 4: ವೆನಿಜುವೆಲಾ ಅಧ್ಯಕ್ಷ ನಿಕೋಲಾಸ್ ಮಡುರೊ (ನಿಕೋಲಸ್ ಮಡುರೊ) ಅವರು ಅಮೆರಿಕದ ಯೋಧರನ್ನು ಬಂಧಿಸಿ ಕರೆದೊಯ್ದ ಬೆನ್ನಲ್ಲೇ ವೈಟ್ಹೌಸ್ನಿಂದ ವಿಡಿಯೋವೊಂದು ಬಿಡುಗಡೆಯಾಗಿದೆ. ಅವರು ಮಡುರೊ ಅವರು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ಹೇಡಿ (ಹೇಡಿ) ಎಂದು ಕರೆಯುತ್ತಿದ್ದಾರೆ, ಸವಾಲು ಹಾಕುತ್ತಿದ್ದಾರೆ ಎಂದು ಕೇಳಿಬಂದಿದೆ. ಅಮೆರಿಕದ ಈ ಅಧ್ಯಕ್ಷರೊಂದಿಗೆ ಈ ರೀತಿ ಆಡಿದರೆ ಇದೇ ಶಾಸ್ತಿ ಎಂದು ಈ ವಿಡಿಯೋದಲ್ಲಿ ಮೆಸೇಜ್ ಕೊಡಲಾಗಿದೆ.
ವೆನಿಜುವೆಲಾ ಅಧ್ಯಕ್ಷ ನಿಕೋಲಾಸ್ ಮಡುರೊ ತಮ್ಮ ಮಿಲಿಟರಿ ನೆಲೆಯಲ್ಲಿರುವ ಮನೆಯಲ್ಲಿ ಇದ್ದಾಗ ಮುಂಜಾವಿನಲ್ಲಿ ಅಮೆರಿಕದ ಸೈನಿಕರು ಕ್ಷಿಪ್ರ ಕಾರ್ಯಾಚರಣೆ. ಹೈ ಸೆಕ್ಯೂರಿಟಿ ವ್ಯವಸ್ಥೆ ಇದ್ದರೂ ಅಮೆರಿಕನ್ ಸೈನಿಕರು ಮನೆಗೆ ನುಗ್ಗಿ ವೆನಿಜುವೆಲಾ ಅಧ್ಯಕ್ಷ ಮಡುರೊ ಮತ್ತವರ ಪತ್ನಿ ಫ್ಲೋರೆಸ್ ಅವರನ್ನು ಹಿಡಿದು ಕರೆದೊಯ್ದಿದ್ದಾರೆ.
ಇದನ್ನೂ ಓದಿ: ವೆನೆಜುವೆಲಾ ಅಧ್ಯಕ್ಷ ಮಡುರೊ, ಅವರ ಪತ್ನಿಯನ್ನು ಸೆರೆ ಹಿಡಿದಿದ್ದೇವೆ; ದಾಳಿಯ ಬಳಿಕ ಟ್ರಂಪ್ ಘೋಷಣೆ
ವರ್ಷದ ಹಿಂದೆ ಟ್ರಂಪ್ಗೆ ಸವಾಲು ಹಾಕಿದ್ದ ಮಡುರೊ
‘ಬಂದು ನನ್ನ ಹಿಡಿ. ಮಿರಾಫ್ಲೋರೆಸ್ನಲ್ಲಿ ನಾನು ಕಾಯುತ್ತಿರುತ್ತೇನೆ. ತಡ ಮಾಡವೋ ಹೇಡಿ’ ಎಂದು ಆಗಸ್ಟ್ ತಿಂಗಳಿನಲ್ಲಿ ನಿಕೋಲಾಸ್ ಮಡುರೊ ಭಾಷಣದಲ್ಲಿ ಹೇಳಿದ್ದರು. ಮಡುರೊ ಬಂಧನ ಸಾಧ್ಯವಾಗುವಂತಹ ಸುಳಿವನ್ನು ನೀಡುವವರಿಗೆ ಬಹುಮಾನದ ಮೊತ್ತವನ್ನು ಅಮೆರಿಕ ಸರ್ಕಾರ ಹೆಚ್ಚಿಸಿತ್ತು. ಅದಕ್ಕೆ ಪ್ರತಿಕ್ರಿಯೆಯಾಗಿ ನಿಕೋಲಾಸ್ ಈ ಸವಾಲು ಹಾಕಿದ್ದರು.
ಇದೀಗ ಅಮೆರಿಕ ಅಧ್ಯಕ್ಷರ ಗೃಹ ಕಚೇರಿಯ ವೈಟ್ ಹೌಸ್, ವೆನಿಜುವೆಲಾ ಅಧ್ಯಕ್ಷರ ಅಪಹಾಸ್ಯ ಮಾಡುವ ವಿಡಿಯೋ ಬಿಡುಗಡೆ ಮಾಡಿದೆ. ಅಮೆರಿಕಕ್ಕೆ ಮಡುರೊ ಸವಾಲು ಹಾಕುತ್ತಿರುವ ದೃಶ್ಯದ ಜೊತೆಗೆ, ಆತನ ಅಮೆರಿಕನ್ ಸೈನಿಕರು ಹಿಡಿಯುತ್ತಿರುವ ದೃಶ್ಯವೂ ಆ ವಿಡಿಯೋದಲ್ಲಿದೆ. ‘ಮಡುರೊ ಕಾರ್ಯದರ್ಶಿಯನ್ನು ಉಳಿಸಿಕೊಳ್ಳಲಿಲ್ಲ’ ಎಂದು ಅಮೆರಿಕದ ರಕ್ಷಣಾ ಪೀಟ್ ಹೆಗ್ಸೆಟ್ ಹೇಳಿರುವ ದೃಶ್ಯವೂ ವಿಡಿಯೋದಲ್ಲಿದೆ.
ಇದನ್ನೂ ಓದಿ: ತೈಲ ಸಂಪತ್ತಿನ ಮೇಲೆ ಕಣ್ಣಿಟ್ಟರಾ ಟ್ರಂಪ್? ವೆನೆಜುವೆಲಾ ಮೇಲಿನ ಅಮೆರಿಕ ದಾಳಿ ಕುರಿತ ಕುತೂಹಲಕಾರಿ ಸಂಗತಿ ಇಲ್ಲಿದೆ
ಮಾದಕ ವಸ್ತು ಸರಬರಾಜು, ಅಕ್ರಮ ಇತ್ಯಾದಿ ಆರೋಪಗಳನ್ನು ವೆನಿಜುವೆಲಾ ಅಧ್ಯಕ್ಷರ ಮೇಲೆ ಅಮೆರಿಕ ಹಾಕಿದೆ. ಅಮೆರಿಕಕ್ಕೆ ವೆನಿಜುವೆಲಾ ಮೂಲಕ ಕೊಕೆನ್ ಇತ್ಯಾದಿ ಸಾಕಷ್ಟು ಮಾದಕ ವಸ್ತುಗಳು ಸರಬರಾಜು ಆಗುತ್ತಿವೆ. ಅಮೆರಿಕವು ತನ್ನ ನೆರೆಯ ದೇಶದ ಮೇಲೆ ಆಕ್ರಮಣ ಮಾಡಲು ಇದ್ದ ಕಾರಣಗಳಲ್ಲಿ ಇದೂ ಒಂದು.
ಹೆಚ್ಚಿನ ಅಂತರರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
