ರಶ್ಮಿಕಾ ಮಂದಣ್ಣ (ರಶ್ಮಿಕಾ ಮಂದಣ್ಣ) ಪ್ಯಾನ್ ಇಂಡಿಯಾ ಸ್ಟಾರ್ ನಟಿ, ಒಂದರ ಹಿಂದೊಂದು ಹಿಟ್ ಸಿನಿಮಾಗಳನ್ನು ನೀಡುತ್ತಾ ಸಾಗುತ್ತಿದ್ದಾರೆ. ಇದೀಗ ವಿಜಯ್ ದೇವರಕೊಂಡ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡಿರುವ ರಶ್ಮಿಕಾ, ಶೀಘ್ರವೇ ವಿಜಯ್ ದೇವರಕೊಂಡ ಜೊತೆ ಅದ್ಧೂರಿ ವಿವಾಹ ಸಹ ಆಗಲಿದ್ದಾರೆ. ಇನ್ನೊಂದೆಡೆ ಸಂಜಯ್ ದತ್, ಪ್ಯಾನ್ ಇಂಡಿಯಾ ಸ್ಟಾರ್ ವಿಲನ್ ಎನಿಸಿಕೊಂಡಿದ್ದಾರೆ. ಬಾಲಿವುಡ್ ಸ್ಟಾರ್ಗಳಲ್ಲಿ ಒಬ್ಬರಾದ ಸಂಜಯ್ ದತ್ ಬಾಲಿವುಡ್ನಲ್ಲಿ ದಕ್ಷಿಣ ಭಾರತದಲ್ಲೂ ಬೇಡಿಕೆಯ ಸ್ಟೈಲಿಶ್ ವಿಲನ್. ಸಂಜಯ್ ಮತ್ತು ರಶ್ಮಿಕಾ ಮಂದಣ್ಣ ಒಟ್ಟಿಗೆ ನಟಿಸಿದ್ದಿಲ್ಲ. ಆದರೆ ಈ ಇಬ್ಬರಿಗೂ ಒಂದು ಸಾಮ್ಯತೆ ಇದೆ, ಏನದು ಗೊತ್ತೆ?
1000 ಕೋಟಿ ಗಳಿಕೆಯಾಗಿದೆ ಭಾರತದ ಸಿನಿಮಾಗಳ ಪಾಲಿಗೆ ಅಲ್ಟಿಮೇಟ್ ಯಶಸ್ಸು. ಯಾವುದೇ ಸಿನಿಮಾ 1000 ಕೋಟಿ ಗಳಿಸಿದರೆ ಅದು ದಾಖಲೆ ನಿರ್ಮಿಸಿದಂತೆಯೇ ಸರಿ. ಆದರೆ ಈ 1000 ಕೋಟಿ ಸಿನಿಮಾ ಯಾರ ಖಾತೆಯಲ್ಲಿ ಹೆಚ್ಚಿದೆ ಎಂದರೆ ಖಂಡಿತ ಪ್ರಭಾಸ್, ಶಾರುಖ್ ಖಾನ್, ಅಲ್ಲು ಅರ್ಜುನ್ ಎಂಬ ಉತ್ತರ ಬರಬಹುದು ಆದರೆ ಅತಿ ಹೆಚ್ಚು ಸಾವಿರ ಕೋಟಿ ಗಳಿಸಿರುವ ಸಿನಿಮಾಗಳಲ್ಲಿ ನಟಿಸಿರುವುದು ರಶ್ಮಿಕಾ ಮಂದಣ್ಣ ಮತ್ತು ಸಂಜಯ್ ದತ್. ಇದೆ ಈ ಇಬ್ಬರ ನಡುವೆ ಇರುವ ಸಾಮ್ಯತೆ.
ರಶ್ಮಿಕಾ ಮಂದಣ್ಣ ಮತ್ತು ಸಂಜಯ್ ದತ್ ಇಬ್ಬರೂ ಸಹ ಸಾವಿರ ಕೋಟಿಗೂ ಹೆಚ್ಚು ಸಿನಿಮಾ ಮಾಡಿರುವ ಮೂರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ರಶ್ಮಿಕಾ ಮಂದಣ್ಣ ನಟಿಸಿರುವ ‘ಪುಷ್ಪ 2’ 1000 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದೆ. ರಣಬೀರ್ ಕಪೂರ್ ಜೊತೆಗೆ ನಟಿಸಿದ ‘ಅನಿಮಲ್’ ಸಿನಿಮಾ ಸಹ ವಿಶ್ವ ಬಾಕ್ಸ್ ಆಫೀಸ್ನಲ್ಲಿ 1000 ಕೋಟಿ ಗಳಿಸಿದೆ. ಬಳಿಕ ವಿಕ್ಕಿ ಕೌಶಲ್ ಜೊತೆಗೆ ನಟಿಸಿದ ‘ಛಾವಾ’ ಸಿನಿಮಾ ಸಹ ವಿಶ್ವ ಬಾಕ್ಸ್ ಆಫೀಸ್ನಲ್ಲಿ 1000 ಕೋಟಿಗಳಷ್ಟು ಹೆಚ್ಚಿನ ಮೊತ್ತವನ್ನು ಗಳಿಸಿದೆ. ಆ ಮೂಲಕ ಮೂರು, 1000 ಕೋಟಿ ಸಿನಿಮಾಗಳು ರಶ್ಮಿಕಾ ಫಿಲ್ಮಾಗ್ರಫಿ ಭಾಗಿವೆ.
ಇದನ್ನೂ ಓದಿ:ಸಂಜಯ್ ದತ್ ಗೆ ಜೈಲಿನಲ್ಲಿ ಮಾಡಿದ್ದ ಕೆಲಸಕ್ಕೆ ಸಿಕ್ಕ ಹಣ ಎಷ್ಟು?
ಇನ್ನು ಸಂಜಯ್ ದತ್ ಅವರ ಮೊದಲ 1000 ಕೋಟಿ ಸಿನಿಮಾ ಕನ್ನಡದ ‘ಕೆಜಿಎಫ್ 2’. ಈ ಸಿನಿಮಾ ವಿಶ್ವಬಾಕ್ಸ್ ಆಫೀಸ್ ನಲ್ಲಿ 1250 ಕೋಟಿ ಗಳಿಕೆ ಮಾಡಿದೆ. ಬಳಿಕ ಶಾರುಖ್ ಖಾನ್ ನಾಯಕರಾಗಿ ನಟಿಸಿರುವ ‘ಜವಾನ್’ ಸಿನಿಮಾದಲ್ಲೂ ಸಂಜಯ್ ದತ್ ನಟಿಸಿದ್ದು, ಈ ಸಿನಿಮಾ 1100 ಕೋಟಿ ಹಣ ಗಳಿಸಿದೆ. ಇದೀಗ ಸಂಜಯ್ ದತ್, ‘ಧುರಂಧರ’ ಸಿನಿಮಾದಲ್ಲಿ ನಟಿಸಿದ್ದು, ಈ ಸಿನಿಮಾ ಸಹ 1000 ಕೋಟಿ ಕಲೆಕ್ಷನ್ ಗಡಿಯನ್ನು ದಾಟಿದೆ. 1000 ಕೋಟಿ ಗಳಿಸಿದ ಸಿನಿಮಾಗಳಲ್ಲಿ ಹೆಚ್ಚು ನಟಿಸಿದ ಶ್ರೇಯಾ ಸಂಜಯ್ ದತ್ ಮತ್ತು ರಶ್ಮಿಕಾ ಮಂದಣ್ಣ ಅವರ ಬಳಿ ಇದೆ. ಮುಂದೆ ಇದು ಬದಲಾದರೂ ಆಗಬಹುದು.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
