ನೀವು ಹೋಟೆಲ್ಗೆ ಹೋದಾಗ ಅಥವಾ ಏನನ್ನಾದರೂ ಖರೀದಿಸಿದಾಗ ಜಿಎಸ್ಟಿ (ಜಿಎಸ್ಟಿ) ಸೇರಿಸಿ ಬಿಲ್ ಹಾಕುತ್ತಾರೆ. ಬಿಲ್ ನಲ್ಲಿ ಜಿಎಸ್ಟಿ ಶೇ. 5 ಅಥವಾ ಶೇ. 18 ಸೇರಿಸಲಾಗಿರುತ್ತದೆ. ಜೊತೆಗೆ ಜಿಎಸ್ಟಿ ನಂಬರ್ ಕೂಡ ನಮೂದವಾಗಲಿದೆ. ಇದನ್ನು ಕಂಡಾಗ ಅಧಿಕೃತವಾಗಿ ನಡೆಯುವ ಬ್ಯುಸಿನೆಸ್ ಎಂದು ಮೇಲ್ನೋಟಕ್ಕೆ ಗೊತ್ತಾಗುತ್ತದೆ. ಆದರೆ, ಕೆಲವು ಬಿಲ್ನಲ್ಲಿ ಜಿಎಸ್ಟಿ ಸೇರಿಸಲಾಗುವುದು, ಆದರೆ, ಜಿಎಸ್ಟಿ ನಂಬರ್ ಅಂತ ಹಾಕಿರೋದಿಲ್ಲ. ಜಿಎಸ್ಟಿ ನಂಬರ್ ಹಾಕಿದರೂ ಅದು ಅಸಲಿಯೋ ಅಥವಾ ನಕಲಿಯೋ ಎಂದು ಯಾರಿಗೆ ಗೊತ್ತು?
ಕೆಲ ವಂಚಕರು ನಕಲಿ ಜಿಎಸ್ಟಿ ನಂಬರ್ ಮತ್ತು ನಕಲಿ ಬಿಲ್ ಕೊಟ್ಟು ಗ್ರಾಹಕರು ಹಾಗೂ ಸರ್ಕಾರ ಇಬ್ಬರಿಗೂ ಪಂಗನಾಮ ಹಾಕುತ್ತಾರೆ. ಗ್ರಾಹಕರ ಜಾಗದಲ್ಲಿ ಉದ್ಯಮಿಯೇ ಆಗಿದ್ದರೆ ನಕಲಿ ಜಿಎಸ್ಟಿ ಕಾರಣದಿಂದ ಅವರಿಗೆ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಕೂಡ ಸಿಕ್ಕೋದಿಲ್ಲ. ಅಷ್ಟಕ್ಕೂ, ನಕಲಿ ಜಿಎಸ್ಟಿ ನಂಬರ್ ಅನ್ನು ಪತ್ತೆ ಮಾಡುವುದು ಹೇಗೆ? ಈ ಕ್ರಮ ಬಹಳ ಸುಲಭ.
ಇದನ್ನೂ ಓದಿ: ಆನ್ಲೈನ್ ಫ್ರಾಡ್ ಆದರೆ, ಹೂಡಿಕೆ ಸ್ಕೀಮ್ ಬಗ್ಗೆ ಅನುಮಾನ ಬಂದರೆ ಆರ್ ಬಿಐನ ಸಚೇತ್ ಪೋರ್ಟಲ್ ಮೊರೆಹೋಗಿ
ಪ್ಯಾನ್ ರೀತಿ ಜಿಎಸ್ಟಿನ್ಗೂ ಅರ್ಥಗರ್ಭಿತ ಅಂಕಿ ಅಕ್ಷರ ಸಂಯೋಜನೆ…
ಬ್ಯುಸಿನೆಸ್ ನಡೆಸುವ ಪ್ರತಿಯೊಬ್ಬ ವ್ಯಕ್ತಿ ಮತ್ತು ಸಂಸ್ಥೆಯೂ ಜಿಎಸ್ಟಿಗೆ ನೊಂದಾಯಿಸಿರಬೇಕು. ಹೀಗೆ ರಿಜಿಸ್ಟರ್ ಮಾಡಿಕೊಂಡಿದ್ದರೆ ವಿಶೇಷವಾದ 15 ಅಂಕಿಗಳಿರುವ ಜಿಎಸ್ ಟಿ ನಂಬರ್. ತೆರಿಗೆ ಪಾವತಿದಾರರಿಗೆ ಪ್ಯಾನ್ ನಂಬರ್ ಇದ್ದಂತೆ ಬ್ಯುಸಿನೆಸ್ ಮ್ಯಾನ್ ಗೆ ಜಿಎಸ್ ಟಿ ನಂಬರ್ ಇರುತ್ತದೆ.
ಜಿಎಸ್ಟಿ ನಂಬರ್ 15 ನಡೆಯಲಿದೆ. ರಾಜ್ಯದ ಕೋಡ್, ಬ್ಯುಸಿನೆಸ್ ಪ್ಯಾನ್ ನಂಬರ್ ಇತ್ಯಾದಿ ಇರುತ್ತವೆ. ಮೊದಲ ಎರಡು ಡಿಜಿಟ್ಗಳು ಆಗಿರಬಹುದು. ಕರ್ನಾಟಕದ್ದು 29 ಇರುತ್ತದೆ. ಮಹಾರಾಷ್ಟ್ರದ್ದು 27 ಇರುತ್ತದೆ. ಹೀಗೆ ಬೇರೆ ಬೇರೆ ರಾಜ್ಯಗಳಿಗೆ ಬೇರೆ ಬೇರೆ ಕೋಡ್ ಇರುತ್ತದೆ. ನಂತರದ 10 ಡಿಜಿಟ್ಗಳು, ಅಂದರೆ 3 ರಿಂದ 12 ರ ಅಂಕಿಅಂಶಗಳು ಪ್ಯಾನ್ ನಂಬರ್ ಆಗಿರುತ್ತದೆ. 13ನೇ ಸೂಚಿಸು ಆ ಪ್ಯಾನ್ ಅಡಿಯಲ್ಲಿ ರಾಜ್ಯದೊಳಗೆ ಎಷ್ಟು ನೊಂದಣಿ ಮಾಡಲಾಗಿದೆ. ಇನ್ನು, 14ನೇ ಅಂಕಿ ಡೀಫಾಲ್ಟ್ ಆಗಿ Z ಆಗಿರುತ್ತದೆ. ಕೊನೆಯ ಮತ್ತು 15ನೇ ಸೂಚಿಸು ದೋಷ ಪತ್ತೆಗೆಂದು ಚೆಕ್ ಕೋಡ್ ಆಗಿ ಒಮ್ಮೆ ನೀಡಲಾಯಿತೋ ಅಥವಾ ಅಕ್ಷರವನ್ನೋ ಸೂಚಿಸಲಾಗಿದೆ.
ನಕಲಿ ಜಿಎಸ್ಟಿ ನಂಬರ್ ಪತ್ತೆ ಮಾಡುವ ಕ್ರಮ ಹೇಗೆ?
ಜಿಎಸ್ಟಿ ನಂಬರ್ ನೊಂದಾಯಿತವಾಗಿದೆಯಾ, ಅಸಲಿಯಾ, ಅಲ್ಲವಾ ಎಂದು ಪತ್ತೆ ಮಾಡಬಹುದು. ಅದರ ಕ್ರಮ ಹೀಗೆ:
- ಜಿಎಸ್ಟಿ ಪೋರ್ಟಲ್ಗೆ ಹೋಗಿ. ಅದರ ವಿಳಾಸ: www.gst.gov.in/
- ಇಲ್ಲಿ ‘ಸರ್ವಿಸಸ್’ ಟ್ಯಾಬ್ನಲ್ಲಿ ‘ಸರ್ಚ್ ಟ್ಯಾಕ್ಸ್ ಪೇಯರ್’ ಅನ್ನು ಕ್ಲಿಕ್ ಮಾಡಿ.
- ನಂತರ, ‘ಸರ್ಚ್ ಬೈ ಜಿಎಸ್ಟಿನ್/ಯುಐಎನ್’ ಆಯ್ಕೆ ಮಾಡಿ.
- ಸರ್ಚ್ ಬಾರ್ನಲ್ಲಿ 15 ಅಂಕಿಗಳ ಜಿಎಸ್ಟಿ ನಂಬರ್ ನಮೂದಿಸಿ. ಬಳಿಕ ಕ್ಯಾಪ್ಚಾ ಹಾಕಿ ಸಬ್ಮಿಟ್ ಬಟನ್ ಒತ್ತಿರಿ.
ಇದನ್ನೂ ಓದಿ: ಪಿಎಫ್ ಹಣಕ್ಕೆ ಟ್ಯಾಕ್ಸ್ ಅನ್ವಯವಾಗುತ್ತಾ? ವಿತ್ತ್ರಾ ಮಾಡಿದ ಟ್ಯಾಕ್ಸ್ ಎಷ್ಟು? ನೀವು ತಿಳಿದಿರಬೇಕಾದ ಸಂಗತಿಗಳು…
ಈಗ ಜಿಎಸ್ಟಿ ನಂಬರ್ ನೊಂದಾಯಿಸಿದ ಬ್ಯುಸಿನೆಸ್ ಸಂಸ್ಥೆಯ ಎಲ್ಲಾ ಜಾತಕ ಬಹಿರಂಗವಾಗಿದೆ. ಬ್ಯುಸಿನೆಸ್ನ ನೊಂದಾಯಿತ ಹೆಸರು, ಯಾವ ಕ್ಷೇತ್ರಗಳಲ್ಲಿ ವ್ಯಾಪಾರ, ರಿಜಿಸ್ಟ್ರೇಶನ್ ಆಗಿದ್ದು ಯಾವಾಗ, ಎಲ್ಲಿ ಇವೇ ಮುಂತಾದ ವಿವರಗಳನ್ನು ಯಾರು ಬೇಕಾದರೂ ನೋಡಬಹುದು.
ಜಿಎಸ್ಟಿ ನಂಬರ್ ನಕಲಿಯಾಗಿದ್ದರೆ ಏನು ಮಾಡಬೇಕು?
ಒಂದು ವೇಳೆ ಜಿಎಸ್ಟಿ ನಂಬರ್ ನಕಲಿ ಗೊತ್ತಾದಾಗ ಅಲ್ಲಿ ವ್ಯಾಪಾರ ಮಾಡಬೇಡಿ. ಬಿಲ್ ನಲ್ಲಿ ಸುಮ್ಮನೆ ಜಿಎಸ್ ಟಿ ತೋರಿಸಿ ಗ್ರಾಹಕರಿಂದ ಹೆಚ್ಚು ಹಣ ವಸೂಲಿ ಮಾಡುತ್ತಿರಬಹುದು. ಸರ್ಕಾರಕ್ಕೆ ಹೋಗಬೇಕಾದ ಹಣವನ್ನು ತಾವೇ ಇಟ್ಟುಕೊಳ್ಳಬಹುದು. ಹೀಗೆ ನಕಲಿ ಜಿಎಸ್ಟಿ ನಂಬರ್ ಹೊಂದಿರುವ ಕಂಪನಿಯ ವಿರುದ್ಧ ಸಹಾಯವಾಣಿಗೆ ಇಮೇಲ್ ಕಳುಹಿಸಬಹುದು. ಅದರ ವಿಳಾಸ: helpdesk@gst.gov.in .
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
