<p>ನವದೆಹಲಿ: ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಕಳಪೆ ಪ್ರದರ್ಶನ ಬೆನ್ನಲ್ಲೇ ಒಲಿಂಪಿಕ್ ಚಾಂಪಿಯನ್ ನೀರಜ್ ಚೋಪ್ರಾ ತಮ್ಮ ಕೋಚ್ ಬದಲಿಸಲು ನಿರ್ಧರಿಸಿದ್ದಾರೆ. ಈ ಕುರಿತಾದ ಮಹತ್ವದ ಅಪ್ಡೇಟ್ಸ್ ಇಲ್ಲಿದೆ ನೋಡಿ.</p><p> </p><img><p>ಜಾವೆಲಿನ್ ಎಸೆತದಲ್ಲಿ ವಿಶ್ವದಾಖಲೆ ಹೊಂದಿರುವ ಚೆಕ್ ಗಣರಾಜ್ಯದ ಜಾನ್ ಜೆಲೆಜ್ನಿ ಜೊತೆಗಿನ ಕೋಚಿಂಗ್ ಅನ್ನು ನೀರಜ್ ಕೊನೆಗೊಳಿಸಿದ್ದಾರೆ.</p><img><p>ಕಳೆದ ವರ್ಷ ದೋಹಾ ಡೈಮಂಡ್ ಲೀಗ್ನಲ್ಲಿ 90 ಮೀ. ದಾಖಲೆ ಬರೆದಿದ್ದ ನೀರಜ್ ಆ ಬಳಿಕ ವಿಶ್ವ ಚಾಂಪಿಯನ್ಶಿಪ್ನಲ್ಲಿ 9ನೇ ಸ್ಥಾನ ಪಡೆದಿದ್ದರು. ಇದರ ಬೆನ್ನಲ್ಲೇ ಕೋಚ್ ಬದಲಿರುವ ನಿರ್ಧಾರ ಕೈಗೊಂಡಿದ್ದಾರೆ.</p><img><p>‘ಜೆಲೆಜ್ನಿಯಿಂದ ನಾನು ಬಹಳಷ್ಟು ಕಲಿತಿದ್ದೇನೆ. ನನ್ನ ಆದರ್ಶ ವ್ಯಕ್ತಿಯಾಗಿದ್ದವರಿಂದ ಪಡೆದ ತರಬೇತಿ ಬಗ್ಗೆ ನನಗೆ ಹೆಮ್ಮೆಯಿದೆ. ಅವರು ನಾನು ಭೇಟಿಯಾದ ಅತ್ಯುತ್ತಮ ಮನುಷ್ಯರಲ್ಲಿ ಒಬ್ಬರು’ ಎಂದಿದ್ದಾರೆ.</p><img><p>ಆದರೆ ನೀರಜ್ ಚೋಪ್ರಾ ಹಾಗೂ ಜಾನ್ ಜೆಲೆಜ್ನಿ ಬೇರ್ಪಡಲು ನೈಜ ಕಾರಣವೇನು ಎಂಬುದನ್ನು ನೀರಜ್ ಸ್ಪಷ್ಟಪಡಿಸಿಲ್ಲ.</p><img><p>2024ರ ಅಂತ್ಯದಲ್ಲಿ ಜೆಲೆಜ್ನಿ ನೀರಜ್ ಅವರ ಕೋಚ್ ಆಗಿ ನೇಮಕಗೊಂಡಿದ್ದರು. ಜೆಲೆಜ್ನಿ ಮೂರು ಬಾರಿಯ ಒಲಿಂಪಿಯನ್ ಆಗಿದ್ದು, ಜಾವೆಲಿನ್ನಲ್ಲಿ ವಿಶ್ವದಾಖಲೆ(98.48 ಮೀ.) ಹೊಂದಿದ್ದಾರೆ.</p>
Source link
ದಿಢೀರ್ ಎನ್ನುವಂತೆ ಜಾನ್ ಜೆಲೆಜ್ನಿ ಜತೆ ಕೋಚಿಂಗ್ ಒಪ್ಪಂದ ಕೊನೆಗೊಳಿಸಿದ ನೀರಜ್ ಚೋಪ್ರಾ!
