ಪುಣೆ, ಜನವರಿ 13: ಭಾರತದ ಆರ್ಥಿಕ ಬೆಳವಣಿಗೆಗೆ ಉತ್ಪಾದನಾ ಕ್ಷೇತ್ರದ (ಉತ್ಪಾದನಾ ವಲಯ) ಕೊಡುಗೆ ಬಹಳ ಮುಖ್ಯ. ಭಾರತವು ಸೇವಾ ಕ್ಷೇತ್ರದ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಿ, ಉತ್ಪಾದನಾ ಕ್ಷೇತ್ರಕ್ಕೆ ಗಮನ ಕೊಡಬೇಕು. ಭಾರತವು ಸೇವಾ ಮನೋಭಾವ ಬಿಟ್ಟು ಉತ್ಪಾದಕ ಮನೋಭಾವ ತಳೆಯಬೇಕು ಎಂದು ಭಾರತ್ ಫೋರ್ಜ್ ಕಂಪನಿಯ ಅಧ್ಯಕ್ಷರು ಮತ್ತು ಎಂಡಿಯಾದ ಬಾಬಾ ಕಲ್ಯಾಣಿ (ಬಾಬಾ ಕಲ್ಯಾಣಿ) ಕರೆ ನೀಡಿದರು.
ಮಹಾರಾಷ್ಟ್ರದ ಪುಣೆಯಲ್ಲಿ ನಡೆದ ಪಬ್ಲಿಕ್ ಪಾಲಿಸಿ ಫೆಸ್ಟಿವಲ್ 2026 ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದ ಬಾಬಾ ಕಲ್ಯಾಣಿ ಅವರು, ಜಿಡಿಪಿಗೆ ಮ್ಯಾನುಫ್ಯಾಕ್ಚರಿಂಗ್ ಸೆಕ್ಟರ್ನ ಕೊಡುಗೆ ಎರಡು ಪಟ್ಟು ಹೆಚ್ಚಬೇಕು ಎಂಬ ಸಲಹೆಯನ್ನು ನೀಡಿದೆ. ಜಿಡಿಪಿಗೆ ಮ್ಯಾನುಫ್ಯಾಕ್ಚರಿಂಗ್ ವಿಭಾಗದ ಕೊಡುಗೆ ಶೇ. 15 ಇತ್ತು. ಇದು ಈಗ ಶೇ.13ಕ್ಕೆ ಇಳಿಕೆಯಾಗಿದೆ. ಇದು ಶೇ. 25ಕ್ಕೆ ಹೆಚ್ಚಬೇಕು ಎಂದೂ ಅವರು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: ಭಾರತ-ಅಮೆರಿಕದ ಮಧ್ಯೆ ಮುಖ್ಯ ಖನಿಜಗಳ ವಿಚಾರಕ್ಕೆ ಸಭೆ; ಭಾರತಕ್ಕೇನು ಲಾಭ?
‘ದೀರ್ಘಕಾಲ ನಾವು ಸರ್ವೀಸ್ ಮೇಲೆ ಗಮನ ಹರಿಸಿದ್ದೇವೆ. ಅಭಿವೃದ್ಧಿಪಡಿಸುವುದು ಹೇಗೆಂದು ನಾವು ಕಲಿಯಬೇಕು. ವಿದೇಶೀ ಕಂಪನಿಗಳಿಗೆ ಸೇವೆ ನೀಡುತ್ತಾ ಹೋದರೆ ಭಾರತವೇನೂ ಪ್ರಗತಿ ಹೊಂದುವುದಿಲ್ಲ. ಭಾರತೀಯರು ಐಟಿ ಸರ್ವಿಸ್ನಲ್ಲಿ ಯಶಸ್ವಿ ಕಂಪನಿಯಾದರೂ ಯಾರೂ ಕೂಡ ಒಂದೇ ಒಂದು ಉತ್ಪನ್ನವನ್ನು ಸ್ಥಾಪಿಸಿಲ್ಲ. ಈ ಕಂಪನಿಗಳ ಟ್ಯಾಕ್ಸ್ ಸೌಲಭ್ಯ ಪಡೆಯುವುದರಲ್ಲೇ ತೃಪ್ತವಾಗಿರುತ್ತದೆ. ಇನ್ನೋವೇಶನ್ಗೆ ಪ್ರಯತ್ನಿಸುತ್ತಿಲ್ಲ’ ಎಂದು ಭಾರತ್ ಫೋರ್ಜ್ ಕಂಪನಿಯ ಮುಖ್ಯಸ್ಥರು ಬೇಸರ ವ್ಯಕ್ತಪಡಿಸಿದ್ದಾರೆ.
ಚಂದ್ರಬಾಬು ನಾಯ್ಡು ಸರ್ಕಾರದ ನೀತಿ ಶ್ಲಾಘಿಸಿದ ಕಲ್ಯಾಣಿ
ದೇಶಕ್ಕೆ ಈಗ ಈಸ್ ಆಫ್ ಡೂಯಿಂಗ್ ಬ್ಯೂಸಿನೆಸ್ ಸಾಕಾಗುವುದಿಲ್ಲ, ಸ್ಪೀಡ್ ಆಫ್ ಡೂಯಿಂಗ್ ಬ್ಯೂಸಿನಸ್ ಬೇಕು ಎಂದು ಹೇಳುವ ಬಾಬಾ ಕಲ್ಯಾಣಿ, ಈ ವಿಚಾರದಲ್ಲಿ ಚಂದ್ರಬಾಬು ನಾಯ್ಡು ಅವರ ಧೋರಣೆಯನ್ನು ಎತ್ತಿ ತೋರಿಸಿದ್ದಾರೆ. ಆಂಧ್ರಪ್ರದೇಶದಲ್ಲಿ ತಮ್ಮ ಭಾರತ್ ಫೋರ್ಜ್ ಕಂಪನಿಯ ಬೃಹತ್ ಘಟಕ ನಿರ್ಮಿಸಿದ 1,000 ಜಾಗವನ್ನು ಕೇವಲ 15 ದಿನದಲ್ಲಿ ವ್ಯವಸ್ಥೆ ಮಾಡಿದ ಸಂಗತಿಯನ್ನು ಈ ಸಂದರ್ಭದಲ್ಲಿ ಉಲ್ಲೇಖಿಸಲಾಗಿದೆ.
ಇದನ್ನೂ ಓದಿ: ಜರ್ಮನಿ ಅಧ್ಯಕ್ಷ ಫ್ರೆಡರಿಚ್ ಮೆರ್ಜ್ ಮತ್ತು ನರೇಂದ್ರ ಮೋದಿಯಿಂದ ಸಿಇಒಗಳ ಸಭೆ
ಸಖತ್ತಾಗಿ ಬೆಳೆಯುತ್ತಿರುವ ಭಾರತ್ ಫೋರ್ಜ್
ಭಾರತ್ ಫೋರ್ಜ್ ಒಂದು ಕಾಲದಲ್ಲಿ ಫೋರ್ಜಿಂಗ್ ಸರ್ವಿಸ್ಗೆ ಸೀಮಿತವಾಗಿತ್ತು. ನಂತರ ಮ್ಯಾನುಫ್ಯಾಕ್ಚರಿಂಗ್ ಕ್ಷೇತ್ರದಲ್ಲಿ ಕ್ರಮೇಣ ವಿಸ್ತರಣೆ ಹೊಂದುತ್ತಾ ಬಂದಿದೆ. ಡಿಫೆನ್ಸ್, ಡ್ರೋನ್ ತಯಾರಿಸುತ್ತಿದೆ. ಬೆಂಜ್, ಟೊಯೊಟಾ, ಹೊಂಡಾ, ವೋಲ್ವೋ, ಫೋರ್ಡ್, ಜನರಲ್ ಮೋಟಾರ್ಸ್ ಮೊದಲಾದ ಒಇಎಂಗಳಿಗೆ (ವಾಹನ ತಯಾರಕರು) ಬಿಡಿಭಾಗಗಳನ್ನು ತಯಾರಿಸಿ ಸರಬರಾಜು ಮಾಡಲಾಗುತ್ತದೆ. ರಾಲ್ಸ್ ರಾಯ್ಸ್ ಕಂಪನಿಗೆ ಟರ್ಬೈನ್ ಬ್ಲೇಡ್ ಮತ್ತು ಶಾಫ್ಟ್ಗಳನ್ನು ತಯಾರಿಸುತ್ತದೆ. ಏರ್ಬಾಸ್ ಕಂಪನಿಗೆ ಲ್ಯಾಂಡಿಂಗ್ ಗೇರ್ ತಯಾರಿಸುತ್ತದೆ. ಭಾರತದ ಸೇನೆಗೆ ಹಲವು ಮಿಲಿಟರಿ ಉತ್ಪನ್ನಗಳನ್ನು ತಯಾರಿಸುತ್ತದೆ. ಬಾಬಾನಿ ಅವರು ತಮ್ಮ ಕಂಪನಿ ಎಷ್ಟು ಗಣನೀಯವಾಗಿ ಬೆಳೆದಿದೆ ಎಂಬುದಕ್ಕೆ ಉದಾಹರಣೆಯಾಗಿ, ಜರ್ಮನ್ ಮತ್ತು ಜಪಾನೀ ಕಂಪನಿಗಳು ಫೋರ್ಜ್ನ ಸ್ಪರ್ಧೆಯನ್ನು ಎದುರಿಸಲು ಕಷ್ಟಪಡುತ್ತಿವೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
