ಬೀದಿ ವ್ಯಾಪಾರಿಗಳಿಗೆ ಬಡ್ಡಿಗೆ ಸಾಲ ಕೊಡ್ತಾನೆ ಈ ಭಿಕ್ಷುಕ, 3 ಮನೆ, ಕಾರು ಆಟೋರಿಕ್ಷಾ: ಈತನ ಐಷಾರಾಮ ನೋಡಿ ಅಧಿಕಾರಿಗಳೇ ಶಾಕ್ | Indore Millionaire Beggar Story Beggar Mangilal Money Lending Business

ನಮ್ಮ ತಂಡ ಅವನ ಬಳಿ ಪ್ರಶ್ನಿಸಿದಾಗ ಹಲವು ವಿಚಾರಗಳು ಬೆಳಕಿಗೆ ಬಂತು, ಮಂಗೀಲಾಲ್ ಅವರದ್ದು 60 ರಿಂದ 65 ವರ್ಷ ವಯಸ್ಸು, ಆತ , ನಗರದ ಅಲ್ವಾಸ ಪ್ರದೇಶದ ಕುಷ್ಠ ರೋಗಿ ಆಶ್ರಮದ ಬಳಿ ಅಧಿಕಾರಿಗಳು ದೈಹಿಕವಾಗಿ ವಿಶೇಷ ಚೇತನರಾದ ಕುಷ್ಠರೋಗ ಪೀಡಿತ ವ್ಯಕ್ತಿಗೆ ಎಂದು ಮಂಜೂರು ಮಾಡಿದ ಮನೆಯಲ್ಲಿ ಪೋಷಕರೊಂದಿಗೆ ವಾಸಿಸುತ್ತಿದ್ದಾರೆ. ಇದಲ್ಲದೇ ಅವರಿಗೆ ಇನ್ನೂ ಎರಡು ಮನೆಗಳಿವೆ, ಅವುಗಳಲ್ಲಿ ಒಂದು ಮೂರು ಅಂತಸ್ತಿನದ್ದಾಗಿದ್ದರೆ, ಇನ್ನೊಂದು ಮನೆ ಒಂದೇ ಅಂತಸ್ತಿನದ್ದಾಗಿದೆ, ಎರಡೂ ನಗರದ ಪ್ರಮುಖ ಪ್ರದೇಶಗಳಲ್ಲಿವೆ ಎಂದು ಇಂದೋರ್‌ನ ಭಿಕ್ಷಾಟನೆ ನಿರ್ಮೂಲನಾ ಅಭಿಯಾನದ ನೋಡಲ್ ಅಧಿಕಾರಿ ಮಿಶ್ರಾ ಹೇಳಿದ್ದಾರೆ. ಇದರ ಜೊತೆಗೆ ಆತ ಮೂರು ಆಟೋ ರಿಕ್ಷಾಗಳನ್ನು ಹೊಂದಿದ್ದಾನೆ. ಅದನ್ನು ಬಾಡಿಗೆಗೆ ನಿರ್ವಹಿಸುತ್ತಿದ್ದಾನೆ. ಇದಲ್ಲದೇ ಆತ ಒಂದು ಸ್ವಿಫ್ಟ್ ಡಿಜೈರ್ ಕಾರನ್ನು ಕೂಡ ಹೊಂದಿದ್ದಾನೆ. ಪ್ರಮಾಣಪತ್ರವನ್ನು ಹೊಂದಿರುವ ದೈಹಿಕ ವಿಶೇಷ ಚೇತನನಾಗಿರುವ ಈತ ಬಡ್ಡಿಗೆ ಸಾಲ ನೀಡುವ ವ್ಯವಹಾರವನ್ನು ನಡೆಸುತ್ತಿದ್ದಾನೆ.