Bigg Boss 12: ರಕ್ಷಿತಾ ಶೆಟ್ಟಿ ಬಗ್ಗೆ ಮಾತನಾಡುತ್ತಲೇ ಮಾಧ್ಯಮಗಳ ಮುಂದೆ ಕಣ್ಣೀರಿಟ್ಟ ಅಶ್ವಿನಿ ಗೌಡ!

<p>ಬಿಗ್​ಬಾಸ್​ ಮನೆಯಲ್ಲಿ ಜಗಳದ ಮೂಲಕವೇ ಸದ್ದು ಮಾಡಿದ್ದ ಅಶ್ವಿನಿ ಗೌಡ, ಇದೀಗ ರಕ್ಷಿತಾ ಶೆಟ್ಟಿ ಬಗ್ಗೆ ಮಾತನಾಡುತ್ತಾ ಭಾವುಕರಾಗಿದ್ದಾರೆ. ಸ್ಪರ್ಧೆಯಲ್ಲಿದ್ದಾಗ ನಡೆದ ಘಟನೆಗಳಿಗಾಗಿ ರಕ್ಷಿತಾ ಬಳಿ ಹಲವು ಬಾರಿ ಕ್ಷಮೆ ಕೇಳಿದ್ದಾಗಿ ಹೇಳಿಕೊಂಡಿರುವ ಅಶ್ವಿನಿ, ಕಣ್ಣೀರಿಟ್ಟಿದ್ದು ಯಾಕೆ?&nbsp;</p><img><p>ಈ ಬಾರಿಯ ಬಿಗ್​ಬಾಸ್​ (BBK 12)ನಲ್ಲಿ ಜಗಳದ ಮೂಲಕವೇ ಸಾಕಷ್ಟು ಹೈಪ್​ ಕ್ರಿಯೇಟ್​ ಮಾಡಿದವರು ಅಶ್ವಿನಿ ಗೌಡ. ಅವರು ಜಗಳಕ್ಕೇ ಫೇಮಸ್​ ಎನ್ನುವ ರೀತಿಯಲ್ಲಿ ಇದ್ದರು. ಆದರೆ, ಸ್ಪರ್ಧೆ ಎಂದ ಮೇಲೆ ಇವೆಲ್ಲವೂ ಮಾಮೂಲೇ. ಅದೇ ರೀತಿ, ಇದೇ ಸ್ವಭಾವ ಇಟ್ಟುಕೊಂಡೇ ಫಿನಾಲೆಯವರೆಗೂ ಬಂದು ಎರಡನೆಯ ರನ್ನರ್​ ಅಪ್​ ಪಟ್ಟ ಪಡೆದುಕೊಂಡರು.</p><img><p>ಅಶ್ವಿನಿ ಅವರು ಇದೀಗ ಮಾಧ್ಯಮಗಳ ಮುಂದೆ ಬಿಗ್​ಬಾಸ್​​ ಪಯಣದ ಕುರಿತು ಮಾತನಾಡುತ್ತಿದ್ದಾರೆ. ಅಷ್ಟಕ್ಕೂ ಗಿಲ್ಲಿ ನಟ ಮತ್ತು ರಕ್ಷಿತಾ ಶೆಟ್ಟಿ ವಿರುದ್ಧ ಅಶ್ವಿನಿ ಗೌಡ ಸಾಕಷ್ಟು ಬಾರಿ ಹರಿಹಾಯ್ದಿದ್ದು ಇದೆ. ಅದೇ ರೀತಿ ಗಿಲ್ಲಿ ಮತ್ತು ರಕ್ಷಿತಾ ಕೂಡ ತಿರುಗೇಟು ನೀಡಿದ್ದು ಇದೆ.</p><img><p>ಆದರೆ, ಗಿಲ್ಲಿ ನಟ ಬಡವನ ಸೋಗಿನಲ್ಲಿ ಗೆದ್ದಿರೋದು ಸರಿಯಲ್ಲ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ ಅಶ್ವಿನಿ ಗೌಡ. ಅದರೆ ಇದೇ ವೇಳೆ ರಕ್ಷಿತಾ ಬಗ್ಗೆ ಮಾತನಾಡುತ್ತಲೇ ಕಣ್ಣೀರಾಗಿದ್ದಾರೆ.</p><img><p>ನಾನು ಆಕೆಯ ಬಳಿ ಸಾಕಷ್ಟು ಬಾರಿ ಸಾರಿ ಕೇಳಿದ್ದೇನೆ. ಅವಳು ಕೂಡ ನನ್ನನ್ನು ಅಮ್ಮನ ಸ್ಥಾನದಲ್ಲಿ ಇಟ್ಟವಳು. ಸ್ಪರ್ಧೆಯಲ್ಲಿ ಇವೆಲ್ಲಾ ಮಾಮೂಲು. ಆಕೆ ಇನ್ನೂ ತುಂಬಾ ಚಿಕ್ಕವಳು. ಆ ಸಂದರ್ಭದಲ್ಲಿ ಇವೆಲ್ಲಾ ನಡೆದರೂ, ಒಂದೇ ಮನೆಯಲ್ಲಿ ಇರುವ ಕಾರಣ ನಮಗೆ ಅವರು ಬೇಕು, ಅವರಿಗೆ ನಾವು ಬೇಕು. ಆದರೆ ವೀಕ್ಷಕರಿಗೆ ತೋರಿಸುವಾಗ ಕೆಲವು ಭಾಗ ಮಾತ್ರ ತೋರಿಸಲಾಗುತ್ತದೆ ಎಂದಿದ್ದಾರೆ.</p><img><p>ಕ್ಷಮೆ ಮತ್ತು ಥ್ಯಾಂಕ್ಸ್​ ಎರಡನ್ನೂ ಆ ಕ್ಷಣದಲ್ಲಿ ಹೇಳಬೇಕು. ಮುಂದೆ ಆ ಸಮಯ ಸಿಗುತ್ತದೆಯೋ ಗೊತ್ತಿಲ್ಲ. ನನ್ನ ಅಪ್ಪನಿಗೂ ಸಾಕಷ್ಟು ಬಾರಿ ಕ್ಷಮೆ ಕೇಳಬೇಕು ಎನ್ನಿಸುತ್ತದೆ. ಆದರೆ ಅವರನ್ನು ಕಳೆದುಕೊಂಡೆ. ಆದ್ದರಿಂದ ನಾನು ಬೇಗನೇ ಕ್ಷಮೆ ಕೇಳುತ್ತೇನೆ. ಅದಕ್ಕಾಗಿಯೇ ರಕ್ಷಿತಾ ಬಳಿಯೂ ಸಾಕಷ್ಟು ಬಾರಿ ಕ್ಷಮೆ ಕೇಳಿದ್ದೇನೆ ಎಂದು ಭಾವುಕರಾಗಿ ಕಣ್ಣೀರಿಟ್ಟರು.</p><img><p>ಇದಕ್ಕೂ ಮೊದಲು ರಕ್ಷಿತಾ, ನನ್ನ ಅಮ್ಮ ನನಗೆ ಸಿಕ್ಕಾಪಟ್ಟೆ ಬೈಯುತ್ತಾರೆ. ನಾನು ಅಶ್ವಿನಿ ಮೇಡಂ ಅವರನ್ನು ಅಮ್ಮನ ಸ್ಥಾನದಲ್ಲಿ ಇಟ್ಟಿದ್ದೇನೆ. ಅವರು ಬೈದದ್ದು ನನಗೆ ಏನೂ ಅನ್ನಿಸುವುದಿಲ್ಲ ಎಂದಿದ್ದರು. ಈ ಮಾತನ್ನು ನೆನಪಿಸಿಕೊಂಡು ಕೂಡ ಅಶ್ವಿನಿ ಗೌಡ (Bigg Boss Ashwini Gowda) ಭಾವುಕರಾದರು.</p>



Source link