ಮನುಷ್ಯನಲ್ಲಿ ಇಂಥ ಲಿಂಗಾನುಪಾತದಲ್ಲಿ ವ್ಯತ್ಯಾಸ ಇರೋದು ಗೊತ್ತು. ಅದಕ್ಕೆ ಮುಖ್ಯ ಕಾರಣ ಗರ್ಭಪಾತ. ಹೆಣ್ಣು ಭ್ರೂಣವನ್ನು ಕೊಲ್ಲುವ ಕೆಟ್ಟ ಮನಃಸ್ಥಿತಿ ಎನ್ನಬಹುದು. ಆದರೆ, ಹಾವುಗಳಲ್ಲಿ ಯಾಕೆ ಇಷ್ಟು ಮಟ್ಟಿಗಿನ ತಾರತಮ್ಯ? ಇದಕ್ಕೆ ಸ್ಪಷ್ಟವಾದ ಕಾರಣಗಳಿನ್ನೂ ರಿವೀಲ್ ಆಗಿಲ್ಲ. ಈ ಬಗ್ಗೆ ಅಧ್ಯಯನಗಳು ನಡೆಯುತ್ತಿದೆ.
ಇಂಥದ್ದು ವ್ಯತ್ಯಾಸ ಹಿಂದೆಯೂ ಇತ್ತಾ, ಇತ್ತೀಚೆಗೆ ಆಗಿದ್ದಾ ಎಂಬುದಕ್ಕೆ ಸ್ಪಷ್ಟ ಉತ್ತರವಿಲ್ಲ. ಇದೊಂದು ಪ್ರಾಕೃತಿಕ ನಿಯಮ (Rule of Nature) ಎಂಬ ಬಗ್ಗೆ ಆಗುಂಬೆಯಲ್ಲಿರುವ ರೈನ್ ಫಾರೆಸ್ಟ್ ರಿಸರ್ಚ್ ಸ್ಟೇಷನ್ (ಎಆರ್ಎಫ್ಆರ್ಎಸ್) (Rain Forest Research Station) ಸಂಶೋಧನೆ ನಡೆಸುತ್ತಲೇ ಇದೆ. ಈ ಅಧ್ಯಯನಕ್ಕೆಂದೇ ಕೆಲ ವರ್ಷಗಳ ಹಿಂದೆ ಹೆಣ್ಣು ಕಾಳಿಂಗ ಹಾವಿಗೆ ರೇಡಿಯೋ ಟೆಲಿಮೆಟ್ರಿ ಚಿಪ್ ಅಳವಡಿಸಲಾಗಿತ್ತು. ಈ ಚಿಪ್ ಹಾವಿನ ಚಲನವಲನ, ವರ್ತನೆ, ಜೀವನ ಶೈಲಿ ಬಗ್ಗೆ ಮಾಹಿತಿ ನೀಡುತ್ತದೆ. ಇದರಿಂದ ಅವುಗಳ ಸಂಖ್ಯೆ ಕಡಿಮೆಯಾಗುತ್ತಿರುವ ಬಗ್ಗೆ ನಿಖರ ಮಾಹಿತಿ ಪಡೆಯುವ ಉದ್ದೇಶವಿತ್ತು.
