ನವದೆಹಲಿ, ಫೆಬ್ರುವರಿ 1: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ (ನಿರ್ಮಲಾ ಸೀತಾರಾಮನ್) ಅವರು ಭಾರತದ 88ನೇ ಕೇಂದ್ರ ಬಜೆಟ್ (ಯೂನಿಯನ್ ಬಜೆಟ್) ಅನ್ನು ಮಂಡಿಸುತ್ತಿದ್ದಾರೆ. ಇದು ಅವರಿಗೆ ಸತತ 9ನೇ ಬಜೆಟ್ ಆಗಿದೆ. ನಿರ್ಮಲಾ ಸೀತಾರಾಮನ್ ಅವರು ಪ್ರತೀ ಬಜೆಟ್ ನಲ್ಲೂ ಬೇರೆ ಬೇರೆ ಪ್ರದೇಶದ ವಿಶೇಷ ರೇಷ್ಮೆ ಸೀರೆ ತೊಟ್ಟುಬರುವ ಸಂಪ್ರದಾಯ ನಡೆಸಿಕೊಂಡು ಬಂದಿದ್ದಾರೆ. ಈ ಬಾರಿ ತಮಿಳುನಾಡಿನ ಕಾಂಜೀವರಂ ಸೀರೆ ಧರಿಸಿದ್ದಾರೆ. ಬಜೆಟ್ ಭಾಷಣದಲ್ಲಿ ಸ್ವಲ್ಪ ಬದಲಾವಣೆ ಇರಲಿದೆ. 2014 ರಲ್ಲಿ ನರೇಂದ್ರ ಮೋದಿ ಪ್ರಧಾನಿಯಾದ ಬಳಿಕ ಬಜೆಟ್ ಸ್ವರೂಪ ಮತ್ತು ಸಂಪ್ರದಾಯದಲ್ಲಿ ಒಂದಷ್ಟು ಬದಲಾವಣೆ. ಕೆಲವು ರಚನಾತ್ಮಕ ಬದಲಾವಣೆಯಾದರೆ, ಇನ್ನೂ ಕೆಲವು ಸಾಂಕೇತಿಕ ಬದಲಾವಣೆಯ ಕಾರಣ. ಕೆಲವು ಬದಲಾವಣೆಗಳ ಮಾಹಿತಿ ಇಲ್ಲಿದೆ:
ಬಜೆಟ್ ದಿನಾಂಕದಲ್ಲಿ ಬದಲಾವಣೆ
2017ರಲ್ಲಿ ಬಜೆಟ್ ಓದುವ ದಿನವನ್ನು ಫೆಬ್ರುವರಿ 1ಕ್ಕೆ ಬದಲಾಯಿಸಲಾಯಿತು. ಅದ ಹಿಂದೆ ಬಜೆಟ್ ಅನ್ನು ಫೆಬ್ರವರಿ ತಿಂಗಳ ಕೊನೆಯ ಕಾರ್ಯದಿನದಂದು ಮಂಡಿಸಲಾಗಿದೆ. ಆದರೆ, ಹೊಸ ಹಣಕಾಸು ವರ್ಷ ಆರಂಭಕ್ಕೆ ಮುನ್ನ ಬಜೆಟ್ಗೆ ಸಂಸತ್ತಿನ ಅನುಮೋದನೆ ಪಡೆದು ಕಾರ್ಯಗತಗೊಳಿಸಲು ಸಮಯಾವಕಾಶ ಇಲ್ಲ ಆದ್ದರಿಂದ ಬಜೆಟ್ ಮಂಡನೆಯನ್ನು ಹಿಂದೂಡುವ ನಿರ್ಧಾರಕ್ಕೆ ಬರಲಾಯಿತು.
ಇದನ್ನೂ ಓದಿ: ಯೂನಿಯನ್ ಬಜೆಟ್ 2026 ಲೈವ್ ಸ್ಟ್ರೀಮಿಂಗ್: ಕೇಂದ್ರ ಬಜೆಟ್ ಭಾಷಣ ಸಮಯ, ಲೈವ್ ಸ್ಟ್ರೀಮಿಂಗ್, ಪಿಡಿಎಫ್ ಕಾಪಿ ಡೌನ್ಲೋಡ್ ಇತ್ಯಾದಿ ಮಾಹಿತಿ
ಪ್ರತ್ಯೇಕ ಬಜೆಟ್ ಇಲ್ಲ
2017ರಲ್ಲಿ ತೆಗೆದುಕೊಂಡ ಮತ್ತೊಂದು ಮಹತ್ವಪೂರ್ಣ ನಿರ್ಧಾರದಲ್ಲಿ ಕೇಂದ್ರ ಬಜೆಟ್ ಜೊತೆಗೆ ಬಜೆಟ್ ಅನ್ನು ವಿಲೀನಗೊಳಿಸಲಾಗಿದೆ. 1924ರಿಂದಲೂ ಬಜೆಟ್ ಜೊತೆಗೆ ಜೊತೆಗೆ ಬಜೆಟ್ ಅನ್ನೂ ಪ್ರತ್ಯೇಕವಾಗಿ ಮಂಡಿಸುತ್ತಾ ಬರಲಾಗಿದೆ. ಕ್ಷೇತ್ರದಲ್ಲಿ ಸುಧಾರಣೆ ತರುವ ಬದಲು ಜನಪ್ರಿಯ ಘೋಷಣೆಗಳಿಗೆ ಒತ್ತು ಕೊಡುತ್ತಾ ಬಂದ ನಂತರ ಪ್ರತ್ಯೇಕ ಬಜೆಟ್ ಬೇಡ ಎಂದು ನಿರ್ಧರಿಸಿರಬಹುದು.
ಸೂಟ್ಕೇಸ್ನಿಂದ ಬಹಿಖಾತಾ
2019ರಲ್ಲಿ ನಿರ್ಮಲಾ ಸೀತಾರಾಮನ್ ಅವರು ಬಜೆಟ್ ಪುಸ್ತಕಗಳನ್ನು ಲೆದರ್ ಸೂಟ್ಕೇಸ್ನಲ್ಲಿ ತರುವ ಪರಿಪಾಟ ನಿಲ್ಲಿಸಿದರು. ಸೂಟ್ಕೇಸ್ ಬದಲಿಗೆ ಭಾರತೀಯ ಸಾಂಪ್ರದಾಯಿಕ ಬಹಿಖಾತಾದಲ್ಲಿ ಬಜೆಟ್ ಪುಸ್ತಕಗಳನ್ನು ತರುವ ಸಂಪ್ರದಾಯ ಪ್ರಾರಂಭವಾಯಿತು. ಈ ಬದಲಾವಣೆಯು ಭಾರತೀಯತೆಗೆ ಸಾಂಕೇತಿಕವೆಂಬಂತಿದೆ.
ಇದನ್ನೂ ಓದಿ: ಈ ವರ್ಷದ ಬಜೆಟ್ ಭಾಷಣದಲ್ಲಿ ಹೊಸತನ; 75 ವರ್ಷದ ಸಂಪ್ರದಾಯ ಮುರಿಯುತ್ತಾರಾ ನಿರ್ಮಲಾ ಸೀತಾರಾಮನ್?
ಬಜೆಟ್ ಪುಸ್ತಕವು ಕಾಗದದ ಬದಲು ಡಿಜಿಟಲ್
2017ರಲ್ಲಿ ಸೂಟ್ ಕೇಸ್ ಬದಲಿಗೆ ಬಹಿಖಾತಾಗೆ ವರ್ಗವಾದರೆ, 2021ರಲ್ಲಿ ಬಜೆಟ್ ಪುಸ್ತಕವೇ ಡಿಜಿಟಲ್ ರೂಪ ಪಡೆಯಿತು. ಅಂದು ನಿರ್ಮಲಾ ಸೀತಾರಾಮನ್ ಅವರು ಬಜೆಟ್ ಭಾಷಣವನ್ನು ಓದಿದರು. ಬಜೆಟ್ ಪುಸ್ತಕದ ಬದಲಿಗೆ ಟ್ಯಾಬ್ಲೆಟ್ ಬಂದಿತು. ಆ ಟ್ಯಾಬ್ಲೆಟ್ ಬಹಿತಾ ಶೈಲಿಯ ಹೊದಿಕೆಯನ್ನು ಇಟ್ಟುಕೊಂಡು ಸಂಸತ್ತಿಗೆ ಹೋಗುತ್ತಾರೆ ನಿರ್ಮಲಾ ಸೀತಾರಾಮನ್.
2021ರಿಂದ ಬಜೆಟ್ ಡಿಜಿಟಲ್ ಆಗಿ ಹೋಗಿದೆ. ಬಜೆಟ್ ಪುಸ್ತಕ ಮುದ್ರಿಸಲು ಹಣ ಮತ್ತು ಕಾಗದದ ಉಳಿತಾಯ ಆಗುತ್ತದೆ. ಭಾರತದ ಡಿಜಿಟೀಕರಣಕ್ಕೆ ಇದು ಸಾಂಕೇತಿಕವೂ ಆಗಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
