ನವದೆಹಲಿ, ಫೆಬ್ರುವರಿ 5: ಭಾರತ ಮತ್ತು ಅಮೆರಿಕ ನಡುವೆ ಏರ್ಪಡುತ್ತಿರುವ ಮುಕ್ತ ವ್ಯಾಪಾರ ಒಪ್ಪಂದವನ್ನು (ಉಚಿತ ವ್ಯಾಪಾರ ಒಪ್ಪಂದ) ಆರ್ಥಿಕ ತಜ್ಞ ಅರವಿಂದ್ ಪಣಗರಿಯಾ (ಅರವಿಂದ್ ಪನಗಾರಿಯಾ) ಶ್ಲಾಘಿಸಿದ್ದಾರೆ. ಯೂರೋಪಿಯನ್ ಒಕ್ಕೂಟ ಮತ್ತು ಅಮೆರಿಕದ ಜೊತೆ ಭಾರತ ಮಾಡಿಕೊಂಡಿರುವ ಒಪ್ಪಂದಗಳು ಎಲ್ಲಾ ಒಪ್ಪಂದಗಳಿಗೆ ಮಿಗಿಲಾದಂಥವು ಎಂದು 16ನೇ ಹಣಕಾಸು ಆಯೋಗದ ಚೇರ್ಮನ್ ಆದ ಡಾ. ಅರವಿಂದ್ ಪಣಗರಿಯಾ ಅಭಿಪ್ರಾಯಪಟ್ಟಿದ್ದಾರೆ.
ಟುಡೇ ವಾಹಿನಿ ಇಂಡಿಯಾ ಮಾತನಾಡುತ್ತಿದ್ದ ಅರವಿಂದ್ ಪಣಗರಿಯಾ, ಇಯು ಮತ್ತು ಅಮೆರಿಕದೊಂದಿಗೆ ಭಾರತ ಮಾಡಿಕೊಂಡಿರುವ ಒಪ್ಪಂದವು 1991 ರ ಉದಾರ ನೀತಿ (Liberalization) ದೊಡ್ಡದು. 2025ರಲ್ಲಿ ಸರ್ಕಾರ ಮಾಡಿರುವ ಸುಧಾರಣೆಗಳು ಹಾಗೂ ವ್ಯಾಪಾರ ಒಪ್ಪಂದಗಳನ್ನು ಭಾರತಕ್ಕೆ ಸೇರಿಸಿದರೆ ಇದು ಬಹಳ ದೊಡ್ಡ ತಿರುವು ಕೊಟ್ಟಿರುವ ಬೆಳವಣಿಗೆಯಾಗಿದೆ.
ಇದನ್ನೂ ಓದಿ: ಭಾರತ-ಅಮೆರಿಕ ಟ್ರೇಡ್ ಡೀಲ್ ಸಲೀಸಾಗಿ ಕುದುರಿದ್ದು ಹೇಗೆ? ಅಜಿತ್ ದೋವಲ್ ಅಮೆರಿಕ ಭೇಟಿಯಲ್ಲಿ ಆಗಿದ್ದೇನು?
ಅಮೆರಿಕದ ಉತ್ಪನ್ನಗಳಿಗೆ ಶೂನ್ಯ ಟ್ಯಾರಿಫ್ ತಡೆ ಇರುವುದು ಭಾರತಕ್ಕೆ ಹಿನ್ನಡೆಯಾಗುವುದಿಲ್ಲ ಎಂಬ ಪ್ರಶ್ನೆಯನ್ನು ಆಯೋಗದ ಮಾಜಿ ವೈಸ್ ಛೇರ್ಮನ್ ಆದ ಡಾ. ಅರವಿಂದ್ ಪಣಗರಿಯಾ ತಳ್ಳಿಹಾಕಿದ್ದಾರೆ. ಮುಕ್ತ ವ್ಯಾಪಾರ ವಾತಾವರಣದಿಂದ ಗ್ರಾಹಕರಿಗೆ ಬಹಳ ಲಾಭವಾಗುತ್ತದೆ. ಜಾಗತಿಕ ಮಟ್ಟದ ಅತ್ಯುತ್ತಮ ಉತ್ಪನ್ನಗಳು ಭಾರತೀಯರಿಗೆ ಸುಲಭವಾಗಿ ಸಿಗಬಹುದು. ಭಾರತೀಯ ಉದ್ಯಮಗಳೂ ಕೂಡ ತಮ್ಮ ಕ್ಷಮತೆ ಹೆಚ್ಚಿಸಿಕೊಳ್ಳಲು ಎಂದು ಅರವಿಂದ್ ಪಣಗರಿಯಾ ಹೇಳಿದ್ದಾರೆ.
1991 ರ ಹಿಂದೆ ಭಾರತದಲ್ಲಿ ಇದ್ದ ಉದ್ಯಮಗಳ ಸ್ಥಿತಿಗೂ, ಈಗ ಇರುವ ಉದ್ಯಮಗಳ ಸ್ಥಿತಿಗೂ ಎಷ್ಟು ಸುಧಾರಣೆಯಾಗಿದೆ ಎಂಬ ಸಂಗತಿಯನ್ನೂ ಆರ್ಥಿಕ ತಜ್ಞರು ಎತ್ತಿ ತೋರಿಸಿದ್ದಾರೆ. ವಿಶ್ವದ ಎರಡು ಅತಿದೊಡ್ಡ ಆರ್ಥಿಕ ಶಕ್ತಿಗಳ ಜೊತೆ ಒಪ್ಪಂದ ಮಾಡಿಕೊಂಡಿರುವುದು ಮತ್ತು ಭಾರತದಲ್ಲಿರುವ ಅಸಂಖ್ಯೆ ಕಾರ್ಮಿಕ ವರ್ಗ, ಇವೆರಡೂ ಅಂಶಗಳು 2047ರ ವಿಕಸಿತ ಭಾರತದ ಗುರಿಯನ್ನು ಸಾಧಿಸಲು ಸಾಧ್ಯವಾಗುವುದು.
ಇದನ್ನೂ ಓದಿ: ಅಮೆರಿಕದೊಂದಿಗೆ ವ್ಯಾಪಾರ ಒಪ್ಪಂದ; ದಾರಿ ತಪ್ಪಿಸುತ್ತಿರುವ ರಾಹುಲ್ ಗಾಂಧಿ: ವಾಣಿಜ್ಯ ಸಚಿವರ ಟೀಕೆ
ಇತ್ತೀಚೆಗಷ್ಟೇ ಭಾರತವು 27 ರಾಷ್ಟ್ರಗಳ ಗುಂಪಿನ ಯುರೋಪಿಯನ್ ಯೂನಿಯನ್ ಜೊತೆ ವ್ಯಾಪಾರ ಒಪ್ಪಂದ ಮಾಡಿಕೊಂಡಿದೆ. ಈ ಡೀಲ್ನಲ್ಲಿ ಹೆಚ್ಚಿನ ಭಾರತೀಯ ಸರಕುಗಳಿಗೆ ಇಯು ಶೂನ್ಯ ಟ್ಯಾರಿಫ್ ಕೊಡುಗೆಯನ್ನು ನೀಡುತ್ತದೆ. ಇನ್ನು, ಅಮೆರಿಕದ ಜೊತೆ ಭಾರತದ ಒಪ್ಪಂದಕ್ಕೆ ಇನ್ನೂ ಸಹಿ ಬಿದ್ದಿಲ್ಲ. ಆದರೆ, ಟ್ರಂಪ್ ಮತ್ತು ಮೋದಿ ಈ ಒಪ್ಪಂದವನ್ನು ಪ್ರಕಟಿಸಿದ್ದಾರೆ. ಇದರಲ್ಲಿ ಅಮೆರಿಕವು ಭಾರತದ ಸರಕುಗಳಿಗೆ ಟ್ಯಾರಿಫ್ ಅನ್ನು ಶೇ. 50ರಿಂದ ಶೇ 18ಕ್ಕೆ ಇಳಿಸುತ್ತದೆ. ಅಮೆರಿಕದ ಹೆಚ್ಚಿನ ಸರಕುಗಳಿಗೆ ಭಾರತ ಶೂನ್ಯ ಟ್ಯಾರಿಫ್ ಹಾಕುವ ಸಾಧ್ಯತೆಯಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
