ವಿಡಿಯೋ ಇಲ್ಲಿದೆ ನೋಡಿ ಚಿತ್ರ ಕ್ರೆಡಿಟ್ ಮೂಲ: instagram
ಬೆಂಗಳೂರು, ಫೆ.9: ಬೆಂಗಳೂರಿನಲ್ಲಿ (ಬೆಂಗಳೂರು) ಒತ್ತಡದ ಕೆಲಸ, ಮಕ್ಕಳ ಬಗ್ಗೆ ಕಾಳಜಿ, ಜೊತೆಗೆ ಸಂಸಾರದ ಜಂಜಾಟ, ಇದರ ನಡುವೆ ಮನೆ ಕೆಲಸ ಮಾಡಲು ಪುರುಸೊತ್ತೇ ಇರಲ್ಲ. ಈ ಕಾರಣಕ್ಕೆ ಬೆಂಗಳೂರಿನಲ್ಲಿ ಹೆಚ್ಚಿನ ಮನೆಯವರು ಹಾಗೂ ಮನೆಗೆಲಸಕ್ಕೆ ಕೆಲಸದವರನ್ನು ಇಟ್ಟುಕೊಂಡಿರುತ್ತಾರೆ. ಮನೆ ಕೆಲಸದವರು ಕೇವಲ ಮನೆಗೆ ಮಾತ್ರ ಸೀಮಿತ ಎಂದು ಅನೇಕರು ಅಂದುಕೊಂಡಿರುತ್ತಾರೆ. ಅವರನ್ನು ಯಾವತ್ತೂ ನಮ್ಮ ಮನೆಯವರಂತೆ ನೋಡುವುದಿಲ್ಲ. ಬೆಂಗಳೂರಿನಲ್ಲಿ ಇಂತಹ ವಿಚಾರದಲ್ಲಿ ಸಂಬಂಧಗಳಿಗೆ ಬೆಲೆ ಇಲ್ಲ. ಅದರೂ ಇದರ ನಡುವೆ ಒಂದು ಹೃದಯಸ್ಪರ್ಶಿ ವಿಡಿಯೋವೊಂದು ವೈರಲ್ ಆಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ಈ ವಿಡಿಯೋ, ಆರೋಗ್ಯ ಮತ್ತು ಮನೆಗೆಲಸದವರ ನಡುವಿನ ಸುಂದರ ಬಾಂಧವ್ಯಕ್ಕೆ ಸಾಕ್ಷಿಯಾಗಿದೆ. ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ನೆಟ್ಟಿಗರು ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಬೆಂಗಳೂರಿನ ನೇಹಾ ಹರ್ಚಂದಾನಿ ದಂಪತಿ ಅವರ ವಿವಾಹ ವಾರ್ಷಿಕೋತ್ಸವದಂದು, ಅವರ ಮನೆಯಲ್ಲಿ ಕೆಲಸ ಮಾಡುವ ಮಹಿಳೆ ಗುಲಾಬಿ ಮತ್ತು ಚಾಕೊಲೇಟ್ಗೆ ಉಡುಗೊರೆಯಾಗಿ ನೀಡುವ ಮೂಲಕ ದಂಪತಿಗಳು ಆಶ್ಚರ್ಯಚಕಿತರಾದರು. ಇದೀಗ ಈ ವಿಡಿಯೋವನ್ನು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಮನೆಗೆಲಸದ ಮಹಿಳೆಯ ಸರಳತೆ ಮತ್ತು ಆತ್ಮೀಯತೆಗಾಗಿ ಪ್ರಶಂಸೆಯಾಗಿದೆ. ಇಂದು ನಮ್ಮ ವಿವಾಹ ವಾರ್ಷಿಕೋತ್ಸವ, ದೀದಿ (ಮನೆಗೆಲಸದ ಮಹಿಳೆ) ನಮಗೆ ಅಚ್ಚರಿಯ ಉಡುಗರನ್ನು ನೀಡಿದ್ದರು. ತುಂಬಾ ಕ್ಯೂಟ್ ಆಗುತ್ತಿದೆ ಅವರ ಶುಭಾಶಯಗಳು ಎಂದು ನೇಹಾ ಹರ್ಚಂದಾನಿ ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಮೈಸೂರಿಗೆ ಹೋದ್ರೆ ‘ಮಧುವನ’ ಭೇಟಿ ನೀಡಲೇಬೇಕು: ಇಲ್ಲಿ ಏನಿದೆ ಗೊತ್ತಾ?
ಇಲ್ಲಿದೆ ನೋಡಿ ಇನ್ಸ್ಟಾಗ್ರಾಮ್ ವಿಡಿಯೋ:
ಈ ವಿಡಿಯೋದಲ್ಲಿ ಮನೆ ಕೆಲಸದ ಮಹಿಳೆ, ಗುಲಾಬಿ ಹಾಗೂ ಚಾಕೊಲೇಟ್ ನ್ನು ಹಿಡಿದುಕೊಂಡು ನಿಂತಿರುತ್ತಾಳೆ. ತಕ್ಷಣ ನೇಹಾ ಹರಚಂದಾನಿ, ದೀದಿ ಇದೇನು ಎಂದು ಕೇಳುತ್ತಾರೆ. ಅದಕ್ಕೆ ಮನೆಗೆಲಸದ ಮಹಿಳೆ, ಇವತ್ತು ನಿಮ್ಮ ವಿವಾಹ ವಾರ್ಷಿಕೋತ್ಸವ ಅಲ್ವಾ? ಅದಕ್ಕೆ ನನ್ನ ಕಡೆಯಿಂದ ಚಿಕ್ಕ ಉಡುಗರೆ ಎಂದು ನಾಚಿಕೊಂಡು ಹೇಳುತ್ತಾರೆ. ಇದಕ್ಕೆ ನೇಹಾ ಹರ್ಚಂದಾನಿ ಅವರು, ಅಯ್ಯೋ ತುಂಬಾ ಕ್ಯೂಟ್’ ಎಂದು ಹೇಳಿ, ನೇಹಾ ಹರ್ಚಂದಾನಿ ಅವರ ಪತಿ ಕೂಡ ಅವರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದಿದ್ದಾರೆ. ಈ ಉಡುಗರವನ್ನು ತರಲು, ಮನೆ ಕೆಲಸದ ಮಹಿಳೆ ತನ್ನ ಗಂಡನಿಗೆ ಬ್ಲಿಂಕಿಟ್ನಲ್ಲಿ ಆರ್ಡರ್ ಮಾಡಲು ಹೇಳಿದೆ ಎಂದು ಹೇಳಿದರು. ಈ ವಿಡಿಯೋವನ್ನು ನೋಡಿ ಇನ್ಸ್ಟಾಗ್ರಾಮ್ ನೆಟ್ಟಿಗರು, ಕಮೆಂಟ್ ಮಾಡಿದ್ದಾರೆ. “ಶುದ್ಧ ಪ್ರೀತಿ” ಮತ್ತು “ಅತ್ಯಂತ ಸಿಹಿಯಾದ ವಿಷಯ” ಎಂದು ಅನೇಕರು ಹೇಳಿದ್ದಾರೆ. ಇದು ಸಂಪೂರ್ಣವಾಗಿ ಅಮೂಲ್ಯವಾದುದು ಎಂದು ಕಮೆಂಟ್ ಮಾಡಿದ್ದಾರೆ.
ಬೆಂಗಳೂರು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
