Valentine's Day: ಹುಡುಗಿಯರು ಇಷ್ಟು ಅರ್ಥಮಾಡಿಕೊಂಡ್ರೆ 'ಲವ್ ಫೇಲ್ಯುರ್' ಆಗೋದೇ ಇಲ್ಲ ಅಂತಿರೋ ಗಂಡುಹೈಕ್ಳು!

<p>ಪ್ರತಿವರ್ಷ ಫೆಬ್ರವರಿ 14 ಬಂದರೆ ಸಾಕು, ಯುವಜನತೆ ಅದೊಂದು ದೊಡ್ಡ ಹಬ್ಬ ಎಂಬಂತೆ ಸಂಭ್ರಮಿಸುತ್ತಾರೆ. ಇದು ವಿದೇಶಗಳಲ್ಲಿ ಶುರುವಾದ ಸಂಭ್ರಮಾಚರಣೆ. ಆದರೆ ಈಗ ಭಾರತವೂ ಸೇರಿದಂತೆ ಹೆಚ್ಚುಕಡಿಮೆ ಇಡೀ ವಿಶ್ವಕ್ಕೇ ವ್ಯಾಪಿಸಿದೆ ಎನ್ನಬಹುದು. ಆದರೆ ಈ ಪೋಸ್ಟ್ ತುಂಬಾ ವಿಶೇ‍ಷವಾಗಿದೆ..</p><img><p>ಪ್ರೇಮಿಗಳ ದಿನಾಚರಣೆಗೆ (Valentine’s Day) ಇನ್ನೊಂದೇ ದಿನ ಬಾಕಿ.. ಪ್ರತಿವರ್ಷ ಫೆಬ್ರವರಿ ತಿಂಗಳು 14 ಬಂತೆಂದರೆ ಪ್ರೇಮಿಗಳು ಹುಚ್ಚೆದ್ದು ಕುಣಿಯುತ್ತಾರೆ. ಕಾರಣ, ಈ ದಿನ ಪ್ರೇಮಿಗಳ ಡೇ ಎಂಬ ಕಾರಣಕ್ಕೆ. ವರ್ಷದಲ್ಲಿ ಅದೊಂದೇ ದಿನ ಲವರ್ಸ್ ತಮ್ಮ ದಿನ ಅನ್ನೋದನ್ನ ಆಚರಿಸೋದು ಅಂತಲ್ಲ. ಆದರೆ, ಈ ದಿನ ಹೊಸ ಪ್ರೇಮಿಗಳು ಹುಟ್ಟಿಕೊಳ್ಳುವ ದಿನವೂ ಹೌದು ಎನ್ನಬಹುದು. ಈಗಾಗಲೇ ಪ್ರೇಮಿಗಳು ಆಗಿರೋ ಹುಡುಗ-ಹುಡುಗಿಯರು ಈ ದಿನವನ್ನು ಆಚರಿಸುವುದರ ಜೊತೆಗೆ ಪ್ರತಿವರ್ಷ ಹೊಸಬರೂ ಒಂದಷ್ಟು ಜನರು ಸೇರಿಕೊಳ್ಳುತ್ತಾರೆ ಎಂಬುದು ವಿಶೇಷ ಎನ್ನಬಹುದು.</p><img><p>ಒಟ್ಟಿನಲ್ಲಿ ಪ್ರತಿವರ್ಷ ಫೆಬ್ರವರಿ 14 ಬಂದರೆ ಸಾಕು, ಯುವಜನತೆ ಅದೊಂದು ದೊಡ್ಡ ಹಬ್ಬ ಎಂಬಂತೆ ಸಂಭ್ರಮಿಸುತ್ತಾರೆ. ಇದು ವಿದೇಶಗಳಲ್ಲಿ ಶುರುವಾದ ಸಂಭ್ರಮಾಚರಣೆ. ಆದರೆ ಈಗ ಭಾರತವೂ ಸೇರಿದಂತೆ ಹೆಚ್ಚುಕಡಿಮೆ ಇಡೀ ವಿಶ್ವಕ್ಕೇ ವ್ಯಾಪಿಸಿದೆ ಎನ್ನಬಹುದು.</p><img><p>ಭಾರತದಲ್ಲಿ ಸಾಕಷ್ಟು ಜನರು ಈ ಪ್ರೇಮಿಗಳ ದಿನವನ್ನು ವಿರೋಧಿಸುತ್ತಾರೆ ಎಂಬುದು ನಿಜವಾದರೂ, ಇತ್ತೀಚೆಗೆ ಈ ದಿನವನ್ನು ವಿಶೇಷವಾಗಿ ಆಚರಿಸುವ ಸಂಭ್ರಮವೇನೂ ಕಡಿಮೆ ಆಗಿಲ್ಲ. ಈ ವರ್ಷ ಕೂಡ ಹಲವರು ವ್ಯಾಲೆಂಟೈನ್ಸ್ ಡೇ ಆಚರಿಸಲು ತುದಿಗಾಲಲ್ಲಿ ನಿಂತಿದ್ದಾರೆ.</p><img><p>ಅಚ್ಚರಿ ಎಂಬಂತೆ ಇದೊಂದು ಪೋಸ್ಟ್ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಹಲ್‌ಚಲ್ ಎಬ್ಬಿಸಿದೆ. ಹುಡುಗಿಯೊಬ್ಬಳು ಬರೆದಂತಿರುವ ಈ ಪೋಸ್ಟ್ ಹುಡುಗರಿಗೆ ಭಾರೀ ಇಷ್ಟವಾಗುವಂತಿವೆ. ಇಷ್ಟವಾಗುವಂತೆ ಇದೆ ಎಂಬುವುದಕ್ಕಿಂತ ‘ಹುಡುಗರು ಈ ಪೋಸ್ಟ್ ನೋಡಿ ಭಾರೀ ಇಷ್ಟಪಟ್ಟಿದ್ದಾರೆ’ ಎನ್ನುವುದೇ ಸೂಕ್ತ. ಏಕೆಂದರೆ, ಈ ಪೋಸ್ಟ್ ಶೇರ್ ಮಾಡುತ್ತಿರುವುದು, ಚರ್ಚೆ ಮಾಡುತ್ತಿರುವುದು, ಆ ಬಗ್ಗೆ ಹೆಚ್ಚುಹೆಚ್ಚು ಮಾತನ್ನಾಡುತ್ತಿರುವುದು ಕೂಡ ಹುಡುಗರೇ ಎಂಬುದು ವೈರಲ್ ಆಗಿರೋ ಸಂಗತಿ.</p><img><p>ಹಾಗಿದ್ದರೆ ಆ ಪೋಸ್ಟ್‌ನಲ್ಲಿ ಏನಿದೆ ನೋಡಿ:-</p><p>’ಸರಳವಾಗಿ ಪ್ರೇಮಿಸೋಣ ಗೆಳೆಯಾ..</p><p>ವಿಪರೀತ ನಾಟಕ, ತೀವ್ರಭಾವುಕತೆ, ಮುಗಿಯದ ಭರವಸೆ, ಬಲುದೂರದ ಯೋಜನೆಗಳು, ಬಹಳ ಯೋಚಿಸಿ ಕೊಡುಕೊಳ್ಳುವ ಉಡುಗೊರೆಗಳು, ಯಾವುದಂದರೆ ಯಾವುದೂ ಬೇಡ..</p><p>ಸ್ಪಷ್ಟ ಸಂವಹನ, ಅರಿತುಕೊಳ್ಳುವಿಕೆ, ಜೊತೆಗಿರುವಷ್ಟು ಹೊತ್ತೂ ನಮ್ಮದು ಮಾತ್ರವೆನಿಸುವ ಸಮಯ, ಒಂದು ಗಾಢ ಅಪ್ಪುಗೆ, ಕಣ್ಣ ಮಾತು, ಪರಸ್ಪರ ಕಾರುಣ್ಯ, ಸಾಕಿಷ್ಟು..</p><p>ಬದುಕು ಆಗಲೇ ಸಾಕಷ್ಟು ಸಂಕೀರ್ಣವಾಗಿದೆ. ನಾವು ಆದಷ್ಟೂ ಸರಳವಾಗಿಯೇ ಪ್ರೀತಿಸೋಣ!'</p><img><p>ಈ ಟೆಕ್ಸ್ಟ್, ಪೋಸ್ಟ್ ಹಾಗೂ ಇದರಲ್ಲಿರುವ ವಾಕ್ಯಗಳು ಇದೀಗ ಪ್ರೇಮಿಗಳ ದಿನಾಚರಣೆಯ ಮುನ್ನಾದಿನ ಸಾಕಷ್ಟು ವೈರಲ್ ಆಗುತ್ತಿವೆ. ಕಾರಣ, ಈ ಬರವಣಿಗೆ ಹುಡುಗರಿಗೆ ಇಷ್ಟವಾಗುವಂತಿವೆ. ಅದಕ್ಕೆ ಕಾರಣ ಸ್ಪಷ್ಟ.. ನಮ್ಮ ಭಾರತದಲ್ಲಿ ಹುಡುಗರು ಸಂಪಾದಿಸಿ ಹುಡುಗುಯರನ್ನು ಸಾಕಬೇಕು ಎಂಬ ಸಂಪ್ರದಾಯ ಚಾಲ್ತಿಯಲ್ಲಿತ್ತು.</p><img><p>ಅದರಂತೆ ಸಮಾಜದಲ್ಲಿ ಕೂಡ ‘ಗಂಡು ದುಡಿದು ತಂದುಹಾಕಬೇಕು, ಹೆಣ್ಣು ಮನೆ ತೂಗಿಸಿಕೊಂಡು ಹೋಗೋದನ್ನು ನೋಡಿಕೊಳ್ಳಬೇಕು’ ಎಂಬ ಪದ್ಧತಿ ಇತ್ತು. ಆದರೆ, ಈಗ ಹೆಣ್ಣು ಕೂಡ ಗಂಡಿಗೆ ಸರಿಸಮನಾವಾಗಿ ದುಡಿಯುತ್ತಿದ್ದರೂ ಕೂಡ ಇನ್ನೂ ಕೂಡ ಗಂಡು-ಹೆಣ್ಣು ಇಬ್ಬರಲ್ಲೂ ಆ ಮೆಂಟಾಲಿಟಿ ಹೋಗಿಲ್ಲ.</p><p>ಹೀಗಾಗಿ, ಗಂಡು ಸಂಸಾರದ ಭಾರ ಹೊರಬೇಕು ಎಂಬ ಮಾತಿನಂತೆ, ಹುಡುಗರು ಹೆಚ್ಚಾಗಿ ಸಂಪಾದಿಸುವ, ಹುಡುಗಿಗೆ ಕೊಡುವ ಮನಸ್ಥಿತಿಯಿಂದ ಹೊರಗೆ ಬಾರದ ಕಾರಣಕ್ಕೆ ಈ ಪೋಸ್ಟ್ ಹುಡುಗರಿಗೆ ಸ್ವಲ್ಪ ರಿಲೀಫ್ ಕೊಡುವಂತೆ ಇದೆ. ಆದ್ದರಿಂದ ಇದು ಹುಡುಗರ ಅಚ್ಚುಮೆಚ್ಚಿನ ಪೋಸ್ಟ್ ಆಗಿ ಸಾಕಷ್ಟು ವೈರಲ್ ಆಗುತ್ತಿದೆ.</p>



Source link