ಭಾರತದ ಜನಪ್ರಿಯ ಪ್ರೇಮಕತೆಗಳೆಂದರೆ ಪಾರು-ದೇವದಾಸ್ ಕತೆ ನೆನಪಿಗೆ ಬರುತ್ತದೆ. ಹಲವಾರು ಭಾಷೆಗಳಲ್ಲಿ ಪಾರು-ದೇವದಾಸ್ ಕತೆ ಸಿನಿಮಾ ಕೂಡ ಆಗಿದೆ. ಪ್ರತಿ ಬಾರಿಯೂ ಪಾರು-ದೇವದಾಸ್ ಕಥೆಯನ್ನು ಬೇರೆ ರೀತಿಯಲ್ಲಿ ಹೇಳಲಾಗಿದೆ. ಆದರೆ ಇದೇ ಮೊದಲ ಬಾರಿಗೆ ದೇವದಾಸ್ ಮತ್ತು ಚಂದ್ರ ಪ್ರೇಮಕತೆ ತೆರೆ ಮೇಲೆ ಬರಲು ಸಜ್ಜಾಗಿದೆ. ದೇವದಾಸ್-ಪಾರು ಪ್ರೇಮಕತೆಯಲ್ಲಿ ಬರುವ ವೇಶ್ಯೆಯ ಹೆಸರು ಚಂದ್ರ. ದೇವದಾಸ್-ಪಾರು ಕತೆಯಲ್ಲಿ ಚಂದ್ರು ಒಂದು ರೀತಿ ಪೋಷಕವಷ್ಟೇ ಆದರೆ ಈಗ ನಿರ್ದೇಶಕನಾಗಿ ಚಂದ್ರು ಅನ್ನೇ ನಾಯಕಿಯಾಗಿ ದೇವದಾಸ್ ಮತ್ತು ಚಂದ್ರ ಪ್ರೇಮಕತೆಯನ್ನು ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಸಿನಿಮಾದ ಹೆಸರು ‘ಡಿಸಿ’ (ದೇವದಾಸ್-ಚಂದ್ರ).
‘ಕೈದಿ’, ‘ಲಿಯೊ’, ‘ವಿಕ್ರಂ’, ‘ಕೂಲಿ’ ಸಿನಿಮಾಗಳ ನಿರ್ದೇಶಕ ಲೋಕೇಶ್ ಕನಕರಾಜ್ ಇದೀಗ ನಾಯಕನಾಗಿ ಎಂಟ್ರಿ ಕೊಟ್ಟಿದ್ದು, ‘ಡಿಸಿ’ ಸಿನಿಮಾ ಮೂಲಕ ಅವರು ನಾಯಕನಾಗಿದ್ದಾರೆ. ಇದು ಆಧುನಿಕ ದೇವದಾಸ್ ಮತ್ತು ಚಂದ್ರ ಅವರ ಕತೆ, ‘ಡಿಸಿ’ ಸಿನಿಮಾದ ಟೀಸರ್ ಇಂದು (ಫೆಬ್ರವರಿ 14) ಬಿಡುಗಡೆಯಾಗಿದೆ. ಈಗ ಬಿಡುಗಡೆ ಆಗಿರುವ ಟೀಸರ್ ನಲ್ಲಿ ಭರ್ಜರಿ ರಕ್ತದೋಕುಳಿಯೇ ಹರಿದಿದ್ದು, ಇದೇ ಕಾರಣಕ್ಕೆ ‘ಬ್ಲಡಿ ಲವ್ ಸ್ಟೋರಿ’ (ರಕ್ತ-ಸಿಕ್ತ ಪ್ರೇಮಕತೆ) ಎಂದು ‘ಡಿಸಿ’ ಸಿನಿಮಾವನ್ನು ಕರೆದಿದ್ದಾರೆ ನಿರ್ದೇಶಕ.
ಲೋಕೇಶ್ ಕನಕರಾಜ್ ಅವರು ‘ದೇವದಾಸ್’ ಪಾತ್ರದಲ್ಲಿ ನಟಿಸಿದ್ದಾರೆ, ಅವರಿಗೆ ಜೋಡಿಯಾಗಿ ಜನಪ್ರಿಯ ನಟಿ ವಾಮಿಕಾ ಗಬ್ಬಿ ‘ಚಂದ್ರ’ ಎಂಬ ವೇಶ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ನಟಿ ಸಂಜನಾ ಕೃಷ್ಣಮೂರ್ತಿ ‘ಪಾರ್ವತಿ’ ಎಂಬ ಪ್ರಮುಖ ಪಾತ್ರದಲ್ಲಿದ್ದಾರೆ. ಈಗ ಬಿಡುಗಡೆ ಆಗಿರುವ ಟೀಸರ್ ಗಮನಿಸಿದರೆ ಪ್ರೇಮಭಂಗ ಅನುಭವಿಸಿದ ವ್ಯಕ್ತಿಯ ಮೇಲೆ ವೇಶ್ಯೆಗೆ ಪ್ರೀತಿ ಆಗುವ ನಂತರ ನಾಯಕ ವೇಶ್ಯೆ ಹಾಗೂ ಮೊದಲ ಪ್ರೀತಿಯ ನಡುವೆ ಯಾವುದನ್ನು ಆರಿಸಿಕೊಳ್ಳುತ್ತಾನೆ ಎಂಬ ತಿಕ್ಕಾಟಗಳನ್ನು ಹೊಂದಿರುವ ಕತೆ ಇದೆಂಬುದರ ಸುಳಿವು ಸಿಗುತ್ತದೆ.
ಇದನ್ನೂ ಓದಿ:ಈ ವಾರವೂ ಒಟಿಟಿಗೆ ಬಂದಿವೆ ಹಿಟ್ ಸಿನಿಮಾಗಳು: ಪಟ್ಟಿ ಇಲ್ಲಿದೆ
ಧನುಶ್ ಮತ್ತು ಶಿವರಾಜ್ ಕುಮಾರ್ ನಟಿಸಿದ್ದ ‘ಕ್ಯಾಪ್ಟನ್ ಮಿಲ್ಲರ್’ ಮತ್ತು ‘ರಾಕಿ’ ಸಿನಿಮಾಗಳನ್ನು ನಿರ್ದೇಶಿಸಿದ್ದ ಅರುಣ್ ಮಟ್ಟೇಶ್ವರನ್ ಈ ‘ಡಿಸಿ’ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಲೋಕೇಶ್ ಅವರ ಆಪ್ತ ಗೆಳೆಯ ಅನಿರುದ್ಧ್ ರವಿಚಂದರ್ ಈ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ಇಂದು ಬಿಡುಗಡೆಯಾದ ಪ್ರೋಮೋ ದೇವದಾಸ ಹಳೆಯ ಕಥೆಯನ್ನು ಆಧುನಿಕ ಗ್ಯಾಂಗ್ಸ್ಟರ್ ತೋರಿಸುತ್ತದೆ. ರಕ್ತಸಿಕ್ತ ಚಾಕು ಹಿಡಿದು ಲೋಕೇಶ್ ಅವರು ಮಾಸ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದ್ದಾರೆ. ಪ್ರೀತಿ ಮತ್ತು ಹಿಂಸೆಯ ಸಮ್ಮಿಶ್ರಣವಾಗಿರುವ ಈ ಚಿತ್ರವು ‘ಬ್ಲಾಡಿ ವ್ಯಾಲೆಂಟೈನ್’ ಎಂಬ ಶೀರ್ಷಿಕೆಯನ್ನು ಹೊಂದಿದೆ.
ಸನ್ ಪಿಕ್ಚರ್ಸ್ ನಿರ್ಮಾಣದ ಈ ಸಿನಿಮಾ 2026 ರ ಬೇಸಿಗೆಯಲ್ಲಿ ತೆರೆಗೆ ಬರಲು ಸಜ್ಜಾಗಿದೆ. ನಿರ್ದೇಶಕನಾಗಿ ಯಶಸ್ಸು ಕಂಡಿರುವ ಲೋಕೇಶ್, ನಟನಾಗಿ ಎಷ್ಟು ಪ್ರಭಾವ ಬೀರಲಿದ್ದಾರೆ ಎಂದು ಈಗ ಕಾದು ನೋಡಬೇಕಿದೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ರಂದು ಪ್ರಕಟಿಸಲಾಗಿದೆ – 7:19 pm, ಶನಿ, 14 ಫೆಬ್ರವರಿ 26
