ನಿನ್ನೆ (ಫೆಬ್ರವರಿ 15, 2026) ಕೊಲಂಬೋದ ಪ್ರೇಮದಾಸ ಕ್ರೀಡಾಂಗಣದಲ್ಲಿ ನಡೆದ ಟಿ20 ಪ್ರದರ್ಶನ ಭಾರತವು ಪಾಕಿಸ್ತಾನವನ್ನು 61 ರನ್ಗಳ ಬೃಹತ್ ಅಂತರದಿಂದ ಸೋಲಿಸಿದ ಬೆನ್ನಲ್ಲೇ ಸೋಶಿಯಲ್ ಮೀಡಿಯಾದಲ್ಲಿ ಮೀಮ್ಗಳ ಸುರಿಮಳೆಯಾಗುತ್ತಿದೆ. ಭಾರತ ನೀಡಿದ 176 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಪಾಕಿಸ್ತಾನ ಕೇವಲ 114 ರನ್ಗಳಿಗೆ ಆಲೌಟ್ ಆಗುವ ಮೂಲಕ ಮುಖಭಂಗ ಅನುಭವಿಸಿದೆ. ಈ ಸೋಲನ್ನು ಭಾರತೀಯ ಅಭಿಮಾನಿಗಳು ಅತ್ಯಂತ ಹಾಸ್ಯಮಯವಾಗಿ ಸಂಭ್ರಮಿಸುತ್ತಿದ್ದಾರೆ.
ಈ ಪಂದ್ಯದ ಹೈಲೈಟ್ ಎಂದರೆ ಪಾಕಿಸ್ತಾನದ ಸ್ಪಿನ್ನರ್ ಉಸ್ಮಾನ್ ತಾರಿಕ್ ಅವರ ವಿಚಿತ್ರ ಬೌಲಿಂಗ್ ಶೈಲಿ. ಅವರ ಕೈ ಮತ್ತು ಸಮಯದ ವಿಳಂಬವನ್ನು ಕಂಡು ನೆಟ್ಟಿಗರು ಇಂಟರ್ನೆಟ್ ‘ಬಫರಿಂಗ್’ ಆಗುತ್ತಿದೆ ಎಂದು ಕಾಲೆಳೆದಿದ್ದಾರೆ. “ಜೆಪ್ಟೋ (Zepto) 10 ನಿಮಿಷದಲ್ಲಿ ಡೆಲಿವರಿ ಮಾಡುತ್ತದೆ, ಆದರೆ ಉಸ್ಮಾನ್ ಅವರ ಒಂದು ಬಾಲ್ ಡೆಲಿವರಿ ಆಗಲು ಅಷ್ಟು ಸಮಯ ಬೇಕು” ಎಂಬ ಮೀಮ್ಗಳು ಭಾರಿ ವೈರಲ್ ಆಗಿವೆ.
ಪಾಕಿಸ್ತಾನದ ಸ್ಟಾರ್ ಬ್ಯಾಟರ್ ಬಾಬರ್ ಅಜಮ್ ಅಕ್ಷರ್ ಪಟೇಲ್ ಬೌಲಿಂಗ್ನಲ್ಲಿ ಔಟಾಗಿದ್ದನ್ನು ಲೇವಡಿ ಮಾಡಲಾಗುತ್ತಿದೆ. “ರಿಯಲ್ ಧುರಂಧರ” ಎಂಬ ಶೀರ್ಷಿಕೆಯಡಿ ಅವರ ಫೋಟೋಗಳನ್ನು ಹಾಕಿ ಭಾರತೀಯ ಬೌಲರ್ಗಳ ಮುಂದೆ ಅವರು ಹೇಗೆ ಮಂಕಾದರು ಎಂದು ವಿವರಿಸುವ ಮೀಮ್ಗಳು ಇನ್ಸ್ಟಾಗ್ರಾಮ್ನಲ್ಲಿ ಟ್ರೆಂಡ್ ಆಗಿವೆ.
ಭಾರತದ ವಿರುದ್ಧ ಪಾಕಿಸ್ತಾನ ಎಂಟನೇ ಬಾರಿ ಸೋಲನ್ನಪ್ಪಿದೆ. ಈ ಸ್ಟಾರ್ ಸ್ಪೋರ್ಟ್ಸ್ನ ಪ್ರಸಿದ್ಧ ‘ಮೌಕಾ ಮೌಕಾ’ ಹಾಡನ್ನು ಹೊಸ ಅವತಾರದಲ್ಲಿ ಸಂಪಾದಿಸಿ ಅಭಿಮಾನಿಗಳು ಹಂಚಿಕೊಳ್ಳುತ್ತಿದ್ದಾರೆ. “ಪಾಕಿಸ್ತಾನಕ್ಕೆ ಪಟಾಕಿ ಸಿಡಿಸುವ ಅವಕಾಶ ಈ ಬಾರಿಯೂ ಸಿಗಲಿಲ್ಲ” ಎಂಬುದು ಈ ಮೀಮ್ಗಳ ಸಾರಾಂಶವಾಗಿತ್ತು.
ಪಾಕಿಸ್ತಾನದ ಬ್ಯಾಟಿಂಗ್ ನೋಡಿ ನೆಟ್ಟಿಗರು “ಇವರಿಗೆ ಸರಂಡರ್ ಆಗುವುದೇ ಒಂದು ಅಭ್ಯಾಸವಾಗಿಬಿಟ್ಟಿದೆ” ಎಂದು ಕಾಲೆಳೆಯುತ್ತಿದ್ದಾರೆ. ಹಾರ್ದಿಕ್ ಪಾಂಡ್ಯ ಮತ್ತು ಜಸ್ಪ್ರೀತ್ ಬುಮ್ರಾ ಅವರ ಮಾರಕ ಬೌಲಿಂಗ್ಗೆ ಪಾಕ್ ಬ್ಯಾಟರ್ಗಳು ಪೆವಿಲಿಯನ್ಗೆ ಪರಾರಿಯಾದ ದೃಶ್ಯಗಳನ್ನು ‘ವಾಕಿಂಗ್ ಇನ್ ಮರೀನ್ ಡ್ರೈವ್’ (ಮರೀನ್ ಡ್ರೈವ್ನಲ್ಲಿ ವಾಕಿಂಗ್ ಹೋದಂತೆ ಬಂದು ಹೋಗುತ್ತಿದ್ದಾರೆ) ಎಂದು ವ್ಯಂಗ್ಯವಾಡಲಾಗಿದೆ.
ಪಂದ್ಯಕ್ಕೆ ಮುನ್ನ ಪಾಕಿಸ್ತಾನದಲ್ಲಿ ಭಾರತದ ವಿರುದ್ಧದ ಪಂದ್ಯವನ್ನು ಬಹಿಷ್ಕರಿಸಬೇಕು ಎಂಬ ಕೂಗು ಕೇಳಿಬಂದಿತ್ತು. ಆದರೆ ತೋರಿಸಿದ ಪಾಕ್ ತಂಡ ಕಳಪೆ ಪ್ರದರ್ಶನ ನೀಡಿದ ನೆಟ್ಟಿಗರು, “ಇಷ್ಟು ಕೆಟ್ಟದಾಗಿ ಸೋಲುವ ಬದಲು ಬಾಯ್ಕಾಟ್ ಮಾಡಿದ್ದೇ ಲೇಸ” ಎಂಬರ್ಥದ ಮೀಮ್ಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
ರಂದು ಪ್ರಕಟಿಸಲಾಗಿದೆ – 11:05 am, ಸೋಮ, 16 ಫೆಬ್ರವರಿ 26
