ನಾನ್ ವೆಜ್ ಪ್ರಿಯರಿಗೆ ವಿಶೇಷವಾಗಿ ಕರಾವಳಿ ಭಾಗದವರಿಗೆ ಸಮುದ್ರಾಹಾರವಾಗಿರುವ ಮೀನು (ಮೀನು) ಅಂದ್ರೆ ಸಖತ್ ಇಷ್ಟ. ಮೀನು ರುಚಿಕರ, ಆರೋಗ್ಯಕ್ಕೂ ತುಂಬಾ ಆರೋಗ್ಯಕರ. ಹೌದು ಮೀನು ಹೆಚ್ಚು ಪೌಷ್ಟಿಕಾಂಶದ ಗಣಿ, ಇದು ಕಡಿಮೆ ಕೊಬ್ಬಿನಾಂಶವನ್ನು ಹೊಂದಿದೆ. ಜೊತೆಗೆ ಡಿ, ಒಮೆಗಾ-3 ಆಹಾರ ಪದಾರ್ಥಗಳು , ಇದು ಹೃದಯದ ಆರೋಗ್ಯಕ್ಕೆ, ಸ್ಮರಣ ಶಕ್ತಿಯನ್ನು ಹೆಚ್ಚಿಸಲು, ಆರೋಗ್ಯಕರ ಆರೋಗ್ಯ, ಕಣ್ಣುಗಳು ಮತ್ತು ಮೂಳೆಗಳ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಜೊತೆಗೆ ಇದಯ ಸಕ್ಕರೆ ಮತ್ತು ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಣದಲ್ಲಿಡುತ್ತದೆ, ಕ್ಯಾನ್ಸರ್ನಂತಹ ಮಾರಕ ಕಾಯಿಗಳನ್ನು ದೂರವಿಡುತ್ತದೆ. ಹೀಗೆ ಒಟ್ಟಾರೆ ಆರೋಗ್ಯಕ್ಕೆ ಮೀನು ತುಂಬಾ ಪ್ರಯೋಜನಕಾರಿ. ಆದರೆ ಮೀನು ವಾಸನೆ ಬರುತ್ತೆ ಅನ್ನೋ ಕಾರಣಕ್ಕೆ ಒಂದಷ್ಟು ಜನ ಇದನ್ನು ಸೇವಿಸಲು ಹಿಂದೇಟು ಹಾಕುತ್ತಾರೆ. ಸರಿಯಾದ ರೀತಿಯಲ್ಲಿ ಮೀನು ತೊಳೆದರೆ, ಕ್ಲೀನ್ ಮಾಡಿದ ಮೇಲೂ ಒಂದು ಮೀನು ಚೂರು ವಾಸನೇ ಬರೋಲ್ಲ, ಅದಕ್ಕಾಗಿ ಮೀನು ತೊಳೆಯಲು ಈ ಟಿಪ್ಸ್ ಪಾಲಿಸಿ.
ಮೀನಿನ ವಾಸನೆಯನ್ನು ಹೋಗಲಾಡಿಸಲು ಈ ಟಿಪ್ಸ್ ಪಾಲಿಸಿ:
ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಮತ್ತು ಉಪ್ಪು: ಮೀನಿನ ವಾಸನೆಯನ್ನು ತೆಗೆದುಹಾಕಲು, ಮೀನು ಕ್ಲೀನ್ ಮಾಡಿದ ನಂತರ ಉಪ್ಪು ಮತ್ತು ಶುಂಠಿ ಪೇಸ್ಟ್ ಹಾಕಿ ಮಿಶ್ರಣ ಮಾಡಿ 5-10 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ನಂತರ ಅದನ್ನು ಎರಡು ಮೂರು ಬಾರಿ ತೊಳೆಯಲು. ಇದು ವಾಸನೆಯನ್ನು ಉಂಟುಮಾಡುವ ಸಂಯುಕ್ತಗಳನ್ನು ಹೋಗಲಾಡಿಸುತ್ತದೆ.
ಉಪ್ಪು ಮತ್ತು ಅರಶಿನ: ಮೀನನ್ನು ಕಟ್ ಮಾಡಿದ ನಂತರ ಮತ್ತು ಅರಶಿನದಲ್ಲಿ ಮೀನನ್ನು ನೆನೆಸಿಡಿ. ಈ ಎರಡು ಪದಾರ್ಥಗಳು ನೈಸರ್ಗಿಕವಾಗಿ ಮೀನಿನಿಂದ ಸೂಕ್ಷ್ಮ ಜೀವಿಗಳು, ಉತ್ಪನ್ನ ಮತ್ತು ವಾಸನೆಯನ್ನು ತೆಗೆದುಹಾಕುತ್ತವೆ.
ಉಪ್ಪು ನೀರು: ಮೀನಿನ ವಾಸನೆ ಮತ್ತು ಜಿಡ್ಡಿನಾಂಶವನ್ನು ತೆಗೆದುಹಾಕಲು ಉಪ್ಪು ನೀರನ್ನು ಬಳಸಬಹುದಾಗಿದೆ. ಒಂದು ಪಾತ್ರೆಗೆ ಉಪ್ಪು ನೀರನ್ನು ಹಾಕಿ ಅದರಲ್ಲಿ ಮೀನನ್ನು ಸೇರಿಸಿ, ಸ್ವಲ್ಪ ಸಮಯದವರೆಗೆ ಬಿಡಿ, ನಂಯರ ಶುದ್ಧ ನೀರಿನಿಂದ ಮೀನನ್ನು ಎರಡರಿಂದ ಮೂರು ಬಾರಿ ತೊಳೆದರೆ ಮೀನಿನ ವಾಸನೆ ಸಂಪೂರ್ಣವಾಗಿ ಮಾಯವಾಗುತ್ತದೆ.
ವಿನೆಗರ್: ಉಪ್ಪು ನೀರಿನಲ್ಲಿ ಮೀನನ್ನು ಕ್ಲೀನ್ ಮಾಡುವಂತೆಯೇ ನೀರಿಗೆ ಸ್ವಲ್ಪ ವಿನೆಗರ್ ಸೇರಿಸಿ ಆ ನೀರಿನಲ್ಲಿ ಮೀನನ್ನು ಕ್ಲೀನ್ ಮಾಡಬಹುದು. ಇದು ಕೂಡ ಮೀನಿನ ವಾಸನೆಯನ್ನು ಹೋಗಲಾಡಿಸಲು ಸಹಕಾರಿ. ಇದಲ್ಲದೆ, ನಿಂಬೆ ರಸ ಅಥವಾ ವಿನೆಗರ್ನಲ್ಲಿ ಮೀನನ್ನು 10 ನಿಮಿಷಗಳ ಕಾಲ ನೆನೆಸಿಟ್ಟು ನಂತರ ನೀರಿನಿಂದ ಮೀನನ್ನು ತೊಳೆಯಬಹುದು.
ಇದನ್ನೂ ಓದಿ: ನೊಣಗಳು ಕಾಟದಿಂದ ಮುಕ್ತಿ ಪಡೆಯಲು ಈ ಸಿಂಪಲ್ ಮನೆಮದ್ದುಗಳನ್ನು ಪ್ರಯತ್ನಿಸಿ
ಹಿಟ್ಟು ಮತ್ತು ನಿಂಬೆರಸ: ಕ್ಲೀನ್ ಮಾಡಿಟ್ಟ ಮೀನಿಗೆ ಎರಡು ಚಮಚ ಕಾರ್ನ್ ಫ್ಲೋರ್, ಅರ್ಧ ನಿಂಬೆ ರಸ ಮತ್ತು ಒಂದು ಚಮಚ ಉಪ್ಪು ಸೇರಿಸಿ. ಈ ಮಿಶ್ರಣವನ್ನು ಮೀನಿಗೆ ಲೇಪಿಸಿ ಎರಡು ನಿಮಿಷ ಕಾಲ ಹಾಗೆಯೇ ಬಿಡಿ. ನಂತರ ಎರಡರಿಂದ ಮೂರು ಬಾರಿ ನೀರಿನಲ್ಲಿ ಚೆನ್ನಾಗಿ. ಇದು ಮೀನಿನ ವಾಸನೆಯನ್ನು ಸಂಪೂರ್ಣವಾಗಿ ಹೋಗಲಾಡಿಸುತ್ತದೆ.
ಹಾಲು: ಮೀನನ್ನು 25 ರಿಂದ 30 ನಿಮಿಷಗಳ ಕಾಲ ಹಾಲಿನಲ್ಲಿ ನೆನೆಸಿಡುವುದರಿಂದಲೂ ವಾಸನೆ ಹೋಗಬಹುದು.
ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
