ಜೂ ಎನ್ ಟಿಆರ್ (Jr NTR) ಈಗ ಪ್ಯಾನ್ ಇಂಡಿಯಾ ನಟ. ಮೊದಲಿನಿಂದಲೂ ಅವರಿಗೆ ಮಾಸ್ ಇಮೇಜಿದೆ. ಅವರು ಸಹ ಅವರು ಮಾಸ್, ಕಮರ್ಷಿಯನ್ ಸಿನಿಮಾಗಳಲ್ಲಿ ನಟಿಸುತ್ತಾರೆ, ಯಾವುದೇ ಹೆಚ್ಚಿನ ಪ್ರಯೋಗಕ್ಕೆ ಒಡ್ಡಿಕೊಳ್ಳುವುದಿಲ್ಲ. ಅವರು 2010ರಲ್ಲಿ ನಟಿಸಿದ್ದ ಹಿಟ್ ಸಿನಿಮಾ ‘ಅಧುರ್ಸ್’ ತುಸು ಭಿನ್ನವಾದ ಸಿನಿಮಾ. ಸಿನಿಮಾದಲ್ಲಿ ಅಪ್ಪಟ ಹಾಸ್ಯ ಪಾತ್ರದಲ್ಲಿ ನಟಿಸಿದ್ದರು ಜೂ ಎನ್ ಟಿಆರ್. ಈಗ ಅದೇ ಸಿನಿಮಾದ ಸೀಕ್ವೆಲ್ ನ ಕಥೆ ಕತೆಗಾರ ಕೋನ ವೆಂಕಟ್ ರೆಡಿ ಮಾಡಿದ್ದಾರೆ. ಆದರೆ ಜೂ ಎನ್ ಟಿಆರ್ ನಟಿಸುತ್ತಾರಾ ಎಂಬುದೇ ಪ್ರಶ್ನೆ.
2010ರಲ್ಲಿ ಬಿಡುಗಡೆ ಆಗಿದ್ದ ‘ಅಧುರ್ಸ್’ ಸಿನಿಮಾದಲ್ಲಿ ಜೂ.ಟಿಆರ್ ಬ್ರಾಹ್ಮಣ ಪೂಜಾರಿಯ ಪಾತ್ರದಲ್ಲಿ ನಟಿಸಿದ್ದರು. ಬ್ರಹ್ಮಾನಂದಂ ಶಿಷ್ಯನಾಗಿ ಸಖತ್ ಆಗಿ ನಟಿಸಿದ್ದರು. ತಮ್ಮ ಅದ್ಭುತ ಟೈಮಿಂಗ್, ಭಿನ್ನ ರೀತಿಯ ಹಾವಭಾವ ತುಂಬಿದ ನಟನೆಯಿಂದ ಪ್ರದರ್ಶನವನ್ನು ಭರಪೂರ ನಗಿಸಿದ್ದರು. ಸಿನಿಮಾದಲ್ಲಿ ಜೂ ಎನ್ ಟಿಆರ್ ಅವರದ್ದು ದ್ವಿಪಾತ್ರವಾಗಿತ್ತು, ಒಂದು ಪಾತ್ರ ಹಾಸ್ಯಮಯ ಪಾತ್ರದಲ್ಲಿ ಮತ್ತೊಂದು ಮಾಸ್ ಹೀರೋ ರೀತಿಯ ಪಾತ್ರ. ಎರಡನ್ನೂ ಅದ್ಭುತವಾಗಿ ಜೂ ಎನ್ ಟಿಆರ್ ನಿಭಾಯಿಸಿದ್ದರು.
ಆ ಸಿನಿಮಾಕ್ಕೆ ಕೋನ ವೆಂಕಟ್ ಕತೆ, ಚಿತ್ರಕತೆ ಬರೆದಿದ್ದರು. ವಿವಿ ವಿನಾಯಕ್ ನಿರ್ದೇಶನ ಮಾಡಿದ್ದರು. ಇತ್ತೀಚೆಗಿನ ಸಂದರ್ಶನದಲ್ಲಿ ಮಾತನಾಡಿರುವ ಕೋನ ವೆಂಕಟ್, ‘ಅಧುರ್ಸ್ 2’ ಸಿನಿಮಾದ ಅರ್ಧ ಚಿತ್ರಕತೆ ಮುಗಿದಿದೆ. ಸಿನಿಮಾದ ಕತೆ ಪೂರ್ಣವಾದ ಬಳಿಕ ಜೂ ಎನ್ ಟಿಆರ್ ಗೆ ಕತೆ ಹೇಳುವಂತೆ ವಿವಿ ವಿನಾಯಕ್ ಹೇಳಿದ್ದಾರೆ ಎಂದು ಸಹ ಕೋನ ಹೇಳಿದ್ದಾರೆ. ಆದರೆ ಈಗ ಜೂ ಎನ್ ಟಿಆರ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿದ್ದು ಮಾಸ್ ಅಪೀಲ್ ಇರುವ ಸಿನಿಮಾಗಳಲ್ಲೇ ಹೆಚ್ಚು ನಟಿಸುತ್ತಿದ್ದಾರೆ. ಈಗ ಅವರು ಹಾಸ್ಯ ಪಾತ್ರದಲ್ಲಿ ನಟಿಸುತ್ತಾರಾ ಎಂಬ ಪ್ರಶ್ನೆ.
ಇದನ್ನೂ ಓದಿ:ವಾರ್ 2 ಟ್ವಿಟರ್ ವಿಮರ್ಶೆ: ಹೇಗಿದೆ ಜೂ ಎನ್ ಟಿಆರ್-ಹೃತಿಕ್ ರೋಷನ್ ಜುಗಲ್ಬಂಧಿ
ಜೂ ಎನ್ ಟಿಆರ್ ಪ್ರಸ್ತುತ, ಪ್ರಶಾಂತ್ ನೀಲ್ ಜೊತೆಗೆ ‘ಡ್ರ್ಯಾಗನ್’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆ ಸಿನಿಮಾದ ಬಳಿಕ ಯಶ್ ರಾಜ್ ನಿರ್ಮಾಣದ ಹೊಸ ಹಿಂದಿ ಸಿನಿಮಾದಲ್ಲಿ ನಟಿಸಲಿದ್ದಾರೆ. ತ್ರಿವಿಕ್ರಮ್ ಸಹ ಕತೆಯಾಗಿದೆ ಜೂ ಎನ್ ಟಿಆರ್ ಅವರಿಗೆ ಹೇಳಿದ್ದು, ಆ ಸಿನಿಮಾದಲ್ಲಿಯೂ ಜೂ ಎನ್ ಟಿಆರ್ ನಟಿಸಬೇಕಾಗಿದೆ. ಇವುಗಳ ನಡುವೆ ಹಾಸ್ಯ ಪ್ರಧಾನ ಸಿನಿಮಾವನ್ನು ಜೂ ಎನ್ ಟಿಆರ್ ಒಪ್ಪಿಕೊಳ್ಳುತ್ತಾರಾ ಎಂಬ ಅನುಮಾನವಿದೆ. ಜೊತೆಗೆ, ಈಗ ಜಾತಿಗಳ ಹೆಚ್ಚಿನ ಸೂಕ್ಷ್ಮತೆ ಇರುವ ಸಂದರ್ಭದಲ್ಲಿ ಬ್ರಾಹ್ಮಣ ಸಮುದಾಯದ ಹಾಸ್ಯ ಪಾತ್ರವನ್ನು ಜನ ಒಪ್ಪಿಕೊಳ್ಳುತ್ತಾರಾ ಎಂಬ ಪ್ರಶ್ನೆಯೂ ಇದೆ.
ಆದರೆ ಜೂ ಎನ್ ಟಿಆರ್ ಗೆ ‘ಅಧುರ್ಸ್’ ಸಿನಿಮಾ ಬಗ್ಗೆ ವಿಶೇಷ ಪ್ರೀತಿ ಇದೆ. ಜೂ ಎನ್ ಟಿಆರ್, ಎಸ್ ಎಸ್ ರಾಜಮೌಳಿ ಅವರಿಗೂ ಸಹ ‘ಅಧುರ್ಸ್’ ಮೆಚ್ಚಿನ ಸಿನಿಮಾ, ‘ಅಧುರ್ಸ್’ ಸಿನಿಮಾಕ್ಕೆ ಪ್ರತ್ಯೇಕ ಅಭಿಮಾನಿ ವರ್ಗವೇ ಇದೆ. ಇದನ್ನೆಲ್ಲ ಪರಿಗಣಿಸಿ, ಜೂ ಎನ್ ಟಿಆರ್ ‘ಅಧುರ್ಸ್ 2’ ಸಿನಿಮಾಕ್ಕೆ ಒಮ್ಮೆ ಹೇಳಿದರೂ ಅಚ್ಚರಿ ಏನಿಲ್ಲ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
