ಮೈಕ್ರೋವೇವ್‌ನಲ್ಲಿ ಪ್ಲಾಸ್ಟಿಕ್ ಡಬ್ಬಿ ಇಟ್ಟು ಫುಡ್ ಬಿಸಿ ಮಾಡ್ತೀರಾ? ಈ ಕಾಯಿಲೆಯೂ ವಕ್ಕರಿಸುತ್ತೆ ಹುಷಾರ್

<p>Health risks of microwaving plastic: ಸಮಯ ಉಳಿಸಲು ಹೆಚ್ಚಿನ ಮನೆಗಳಲ್ಲಿ ಮೈಕ್ರೋವೇವ್ ಓವನ್‌ ಬಳಸುತ್ತಾರೆ. ಹಾಗೆಯೇ ಫ್ರಿಡ್ಜ್‌ನಲ್ಲಿಟ್ಟ ಆಹಾರವನ್ನು ಅನೇಕರು ಪ್ಲಾಸ್ಟಿಕ್ ಪಾತ್ರೆಯಲ್ಲೇ ಇಟ್ಟು ಓವನ್‌ನಲ್ಲಿ ಬಿಸಿ ಮಾಡುತ್ತಾರೆ. ಆದರೆ ಈ ಅಭ್ಯಾಸವು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತೆ.&nbsp;</p><img>ಪ್ಲಾಸ್ಟಿಕ್ ಪಾತ್ರೆಗಳನ್ನು ಹೆಚ್ಚಿನ ತಾಪಮಾನದಲ್ಲಿ ಬಿಸಿ ಮಾಡಿದಾಗ, ಅವುಗಳ ರಚನೆ ದುರ್ಬಲವಾಗುತ್ತದೆ. ಆಗ, ನಮ್ಮ ಬರಿಗಣ್ಣಿಗೆ ಕಾಣದ ಮೈಕ್ರೋಪ್ಲಾಸ್ಟಿಕ್ ಕಣಗಳು ಆಹಾರದಲ್ಲಿ ಸೇರಿಕೊಳ್ಳುತ್ತವೆ. ಎಣ್ಣೆಯುಕ್ತ, ಖಾರ ಅಥವಾ ಆಮ್ಲೀಯ ಆಹಾರಗಳನ್ನು ಪ್ಲಾಸ್ಟಿಕ್ ಪಾತ್ರೆಯಲ್ಲಿ ಬಿಸಿ ಮಾಡಿದಾಗ ಈ ರಾಸಾಯನಿಕ ಬದಲಾವಣೆ ಇನ್ನಷ್ಟು ವೇಗವಾಗಿ ಆಗುತ್ತದೆ.<img>ನಾವು ನಂಬುವ ‘ಮೈಕ್ರೋವೇವ್ ಸೇಫ್’ ಲೇಬಲ್‌ನ ಅರ್ಥ, ಆ ಪಾತ್ರೆ ಬೇಗ ಕರಗುವುದಿಲ್ಲ ಅಂತ ಮಾತ್ರ. ಈ ಲೇಬಲ್ ಇರುವ ಪಾತ್ರೆಗಳು ಕೂಡ ಬಿಸಿಯಾದಾಗ ಸ್ವಲ್ಪ ಪ್ರಮಾಣದಲ್ಲಿ ರಾಸಾಯನಿಕಗಳನ್ನು ಹೊರಹಾಕುತ್ತವೆ. ಗೀರುಗಳಿರುವ ಅಥವಾ ಹಳೆಯ ಪಾತ್ರೆಗಳು ಹೆಚ್ಚು ಅಪಾಯಕಾರಿ. ನಿರಂತರ ಬಳಕೆಯಿಂದ ‘ಸೇಫ್’ ಪಾತ್ರೆಗಳೂ ಅಸುರಕ್ಷಿತವಾಗುತ್ತವೆ.<img>ಪ್ಲಾಸ್ಟಿಕ್ ಬೆರೆತ ಆಹಾರ ತಿಂದ ತಕ್ಷಣ ಯಾವುದೇ ಬದಲಾವಣೆ ಕಾಣಿಸುವುದಿಲ್ಲ. ಆದರೆ, ವರ್ಷಗಟ್ಟಲೆ ಇದೇ ಅಭ್ಯಾಸ ಮುಂದುವರೆಸಿದರೆ ಹಾರ್ಮೋನ್ ವ್ಯತ್ಯಾಸ, ಬಂಜೆತನ, ಥೈರಾಯ್ಡ್ ಸಮಸ್ಯೆಗಳು ಮತ್ತು ಮಕ್ಕಳ ಬೆಳವಣಿಗೆಯಲ್ಲಿ ಕುಂಠಿತದಂತಹ ಸಮಸ್ಯೆಗಳಿಗೆ ಕಾರಣವಾಗಬಹುದು.<img><p><strong>ಗಾಜು/ಸೆರಾಮಿಕ್ ಬಳಸಿ: </strong>ಆಹಾರ ಬಿಸಿ ಮಾಡಲು ಯಾವಾಗಲೂ ಗಾಜು ಅಥವಾ ಸೆರಾಮಿಕ್ ಪಾತ್ರೆಗಳನ್ನು ಮಾತ್ರ ಬಳಸಿ. <strong>ಸ್ಟೀಲ್ ಪಾತ್ರೆಗಳು ಸಂಗ್ರಹಕ್ಕೆ ಮಾತ್ರ: </strong>ಫ್ರಿಡ್ಜ್‌ನಲ್ಲಿ ಆಹಾರ ಸಂಗ್ರಹಿಸಲು ಸ್ಟೇನ್‌ಲೆಸ್ ಸ್ಟೀಲ್ ಪಾತ್ರೆಗಳನ್ನು ಬಳಸಿ. <strong>ಪಾರ್ಸೆಲ್ ಡಬ್ಬಿ ಬಳಸಬೇಡಿ</strong>: ಹೋಟೆಲ್‌ಗಳಿಂದ ತಂದ ಪ್ಲಾಸ್ಟಿಕ್ ಪಾತ್ರೆಗಳನ್ನು ಯಾವುದೇ ಕಾರಣಕ್ಕೂ ಮತ್ತೆ ಬಿಸಿ ಮಾಡಲು ಬಳಸಬೇಡಿ. <strong>ಹಳೆಯ ಪಾತ್ರೆಗಳನ್ನು ಎಸೆಯಿರಿ: </strong>ಗೀರುಗಳು ಅಥವಾ ಹಾನಿಗೊಳಗಾದ ಪ್ಲಾಸ್ಟಿಕ್ ಪಾತ್ರೆಗಳನ್ನು ತಕ್ಷಣವೇ ಬಿಸಾಡಿ.</p><img>ಒಮ್ಮೆ ಪ್ಲಾಸ್ಟಿಕ್ ಪಾತ್ರೆಯಲ್ಲಿ ಆಹಾರ ಬಿಸಿ ಮಾಡಿದ್ದರಿಂದ ದೊಡ್ಡ ಸಮಸ್ಯೆಯಾಗದು. ಆದರೆ, ಇದನ್ನೇ ಅಭ್ಯಾಸ ಮಾಡಿಕೊಂಡರೆ ಆರೋಗ್ಯಕ್ಕೆ ದೊಡ್ಡ ಬೆಲೆ ತೆರಬೇಕಾಗುತ್ತದೆ. ಪ್ಲಾಸ್ಟಿಕ್ ಬದಲು ಗಾಜಿನ ಪಾತ್ರೆಗಳಿಗೆ ಬದಲಾಗುವುದು ಸರಳ ಮತ್ತು ಸುರಕ್ಷಿತ ಪರಿಹಾರವಾಗಿದೆ.



Source link