<p>ಲೀವ್ ಇನ್ ರಿಲೇಶನ್ಶಿಪ್, ಒಪ್ಪಿಗೆಯ ದೈಹಿಕ ಸಂಪರ್ಕ ಕುರಿತು ಹೈಕೋರ್ಟ್ ಮಹತ್ವದ ಆದೇಶ ನೀಡಿದೆ. ಗಂಡ ಹೆಂಡತಿಯಂತೆ ಇದ್ದು ಬಳಿಕ ಅತ್ಯಾ**ರ ಸೇರಿದಂತೆ ಇತರ ನಂಬಿಕೆ ದ್ರೋಹ ಆರೋಪ ಮಾಡುವ ದೂರುದಾರರಿಗೆ ಕೋರ್ಟ್ ಹೇಳಿದ್ದೇನು?</p><p> </p><img><p>ದೇಶದಲ್ಲಿ ಲೀವ್ ಇನ್ ರಿಲೇಶನ್ಶಿಪ್ ಸಾಮಾನ್ಯವಾಗುತ್ತಿದೆ. ನಗರ ಹಾಗೂ ಹಳ್ಳಿಗಳಲ್ಲೂ ಮದುವೆಗೂ ಮೊದಲೇ ಯುವಕ ಯುವತಿ ಜೊತೆಯಾಗಿರುವುದು, ದೈಹಿಕ ಸಂಪರ್ಕ ಬೆಳೆಸುವುದು ಗೌಪ್ಯವಾಗಿ ಉಳಿದಿಲ್ಲ. ಯುವ ಸಮೂಹ ಮದುವೆಗಿಂತ ಹೆಚ್ಚಾಗಿ ಲೀವ್ ಇನ್ ರಿಲೇಶನ್ಶಿಪ್ನಲ್ಲಿರಲು ಇಷ್ಟಪಡುತ್ತಿದೆ. ಆದರೆ ಈ ರಿಲೇಶನ್ಶಿಪ್ ಮುರಿದು ಬಿದ್ದಾಗ ಸಮಸ್ಯೆಗಳು ತೀವ್ರಗೊಳ್ಳುತ್ತದೆ. ಪ್ರಮುಖವಾಗಿ ಅತ್ಯಾ**ರ ಆರೋಪ ಕೇಳಿಬರುತ್ತಿದೆ. ಈ ಕುರಿತ ಪ್ರಕರಣ ವಿಚಾರಣೆ ನಡೆಸಿದ ಕೋಲ್ಕತಾ ಹೈಕೋರ್ಟ್ ಮಹತ್ವದ ಆದೇಶ ನೀಡಿದೆ.</p><img><p>ಕೋಲ್ಕತಾ ಹೈಕೋರ್ಟ್ ಚೈತಾಲಿ ಚಟರ್ಜಿ ಅವರಿದ್ದ ಏಕಸದಸ್ಯ ಪೀಠ ಈ ಕುರಿತು ಮಹತ್ವದ ಎಚ್ಚರಿಕೆ ನೀಡಿದೆ. ಇಬ್ಬರು ಜೊತೆಯಾಗಿದ್ದು, ಗಂಡ ಹೆಂಡತಿಯಂತೆ ಇದ್ದು ಬಳಿಕ ಮನಸ್ತಾಪದಿಂದ ದೂರವಾದ ಬಳಿಕ ಅತ್ಯಾ**ರ ಆರೋಪ ಮಾಡಿದರೆ ಮಾನ್ಯವಾಗುವುದಿಲ್ಲ. ಭರವಸೆ ನೀಡಿ ಒಪ್ಪಿಗೆ ಮೇರೆ ನಡೆಯುವ ದೈಹಿಕ ಸಂಪರ್ಕ ಅತ್ಯಾ**ರ ಅಲ್ಲ ಎಂದು ಕೋಲ್ಕತಾ ಹೈಕೋರ್ಟ್ ಹೇಳಿದೆ.</p><img><p>ಬಂಗಾಳದ ಮಹಿಳೆಯೊಬ್ಬರು 2017ರಿಂದ 2022ರ ವರಗೆ ತನ್ನ ಜೊತೆಗಿದ್ದು, ನಿರಂತರವಾಗಿ ದೈಹಿಕ ಸಂಪರ್ಕ ಬೆಳೆಸಿದ್ದಾನೆ. ಮದುವೆಯಾಗುವ ಭರವಸೆಯಿಂದ ದೈಹಿಕ ಸಂಪರ್ಕ ಮಾಡಿದ್ದೇವು. ಇದೀಗ ಮದುವೆಗೆ ನಿರಾಕರಿಸಿದ್ದಾನೆ. ಜೊತೆಗೆ ತಾನು ಗರ್ಭಿಣಿಯಾದಾಗ ಬಲವಂತವಾಗಿ ಗರ್ಭಪಾತ ಮಾಡಿಸಿದ್ದಾನೆ ಎಂದು ಆರೋಪಿಸಿ ಹೈಕೋರ್ಟ್ ಮೆಟ್ಟಿಲೇರಿದ್ದಳು. ಈ ಅರ್ಜಿ ವಿಚಾರಣೆ ವೇಳೆ ದೈಹಿಕ ಸಂಪರ್ಕ ಕುರಿತು ಹೈಕೋರ್ಟ್ ಮಹತ್ವದ ಎಚ್ಚರಿಕೆ ನೀಡಿದೆ.</p><img><p>ಮಹಿಳೆ ನೀಡಿದ ದೂರಿನಲ್ಲಿ ಮದುವೆ ಭರವಸೆ ನೀಡಿ ಅತ್ಯಾ**ರ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ. ಆದರೆ ಇಲ್ಲಿ ಜೋಡಿಗಳು 5 ವರ್ಷ ಜೊತೆಯಾಗಿದ್ದರು. ಎಲ್ಲೆಡೆ ಸುತ್ತಾಡಿದ್ದಾರೆ, ಜೊತೆಯಾಗಿ ತಂಗಿದ್ದಾರೆ, ದೈಹಿಕ ಸಂಪರ್ಕ ಬೆಳೆಸಿದ್ದಾರೆ. ಸಂಬಂಧದ ಆರಂಭದಿಂದಲೇ ಮೋಸದ ಉದ್ದೇಶ ಇದ್ದರೆ 5 ವರ್ಷಗಳ ಕಾಲ ಜೊತೆಯಾಗಿ ಇದ್ದದ್ದು ಹೇಗೆ? ಇದನ್ನು ಮೋಸದ ಭರವಸೆ ಎಂದು ಪರಿಗಣಿಸಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ಹೇಳಿದೆ.</p><img><p>ಗರ್ಭಪಾತ ಮಾಡಿಸಿಕೊಳ್ಳುವಾಗ ಮಹಿಳೆ ಸ್ವ ಇಚ್ಚೆಯಿಂದ ಸಹಿ ಹಾಕಿರುವ ದಾಖಲೆ ಇದೆ. ಯುವಕ ಗಾರ್ಡಿಯನ್ ಆಗಿ ಸಹಿ ಮಾಡಿದ್ದಾನೆ. ಸುದೀರ್ಘ ಕಾಲ ದೈಹಿಕ ಸಂಪರ್ಕ ಬೆಳೆಸಿ ಬಳಿಕ ಸಂಬಂಧ ಮುರಿದು ಬಿದ್ದಾಗ, ಮದುವೆಯಾಗದೇ ಇದ್ದಾಗ ಅತ್ಯಾ**ರ ಆರೋಪ ಮಾಡುವುದು, ಪರಿಗಣಿಸುವುದು ಕಾನೂನಿನ ದುರಪಯೋಗ ಎಂದು ಕೋಲ್ಕತಾ ಹೈಕೋರ್ಟ್ ಹೇಳಿದೆ.</p><img><p>ಮಹಿಳೆ ಅರ್ಜಿ ವಿಚಾರಣೆ ನಡೆಸಿದ ಹೈಕೋರ್ಟ್, ಯುವಕನ ಮೇಲಿನ ಆರೋಪ ರದ್ದುಗೊಳಿಸಿದೆ. ವಯಸ್ಕರು ಒಪ್ಪಿಗೆಯಿಂದ ಜೊತೆಯಾಗಿದ್ದು, ಗಂಡ ಹೆಂಡತಿಯಂತೆ ನಡೆದುಕೊಂಡು ಬಳಿಕ ಯಾವುದೋ ಕಾರಣಕ್ಕೆ ಬೇರೆ ಬೇರೆಯಾಗಿ ಅತ್ಯಾ**ರ ಆರೋಪವನ್ನು ಪರಿಗಣಿಸಲಾಗುವುದಿಲ್ಲ ಎಂದಿದೆ.</p><h2>ಆರೋಪಿ ಮೇಲಿನ ಕೇಸ್ ರದ್ದು</h2>
Source link
ಲೀವ್ ಇನ್ ರಿಲೇಶನ್ಶಿಪ್, ಒಪ್ಪಿಗೆಯ ದೈಹಿಕ ಸಂಪರ್ಕ ಕುರಿತು ಹೈಕೋರ್ಟ್ ಮಹತ್ವದ ಆದೇಶ
