ಪಾಕಿಸ್ತಾನ್ ತಂಡದ ಸ್ಟಾರ್ ಬ್ಯಾಟರ್ ಬಾಬರ್ ಆಝಂ ಪಾಕ್ ತಂಡದಿಂದ ಭಾರೀ ಅವಮಾನಕ್ಕೆ ಒಳಗಾಗಿದ್ದಾರೆ. ಇತ್ತೀಚೆಗೆ ನಡೆದ ಬಿಗ್ ಬ್ಯಾಷ್ಕೂಟದಲ್ಲಿ ಸ್ಟೀವ್ ಸ್ಮಿತ್ ಬಾಬರ್ಗೆ ಸ್ಟ್ರೈಕ್ ನೀಡದೇ ಅವಮಾನಕ್ಕೀಡು ಮಾಡಿದರು. ಇದೀಗ ಪಾಕಿಸ್ತಾನ್ ತಂಡ ಕೋಚ್ ಮೈಕ್ ಹೆಸ್ಸೆನ್ ನಿರ್ಣಾಯಕ ಆಟಗಾರ ಬಾಬರ್ ಆಝಂ ಅವರ ಬ್ಯಾಟಿಂಗ್ಗೆ ಕಳುಹಿಸದೇ ಡಗೌಟ್ನಲ್ಲಿ ಕೂರಿಸಿದ್ದಾರೆ.
ಕೊಲಂಬೊದ ಎಸ್ಎಸ್ಸಿ ಮೈದಾನದಲ್ಲಿ ನಡೆದ ಈ ಪಾಕಿಸ್ತಾನ್ ಹಾಗೂ ನಮೀಬಿಯ ತಂಡಗಳು ಮುಖಾಮುಖಿಯಾಗಿದ್ದವು. ಈ ಆಟದ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನ್ ತಂಡವು 107 ರನ್ಗಳಿಗೆ 2 ವಿಕೆಟ್ ಕಳೆದುಕೊಂಡಿತು. ಈ ಹಂತದಲ್ಲಿ ಬ್ಯಾಟಿಂಗ್ಗೆ ಬರಲು ಬಾಬರ್ ಆಝಂ ಸಿದ್ಧವಾಗಿದೆ.
ಆದರೆ ಬಾಬರ್ ಆಝಂ ಸ್ಥಾನದಲ್ಲಿ ಖ್ವಾಜಾ ನಫಾಯ್ ಅವರನ್ನು ಕಳುಹಿಸಲಾಯಿತು. ಆದರೆ ಖ್ವಾಜಾ ಕೇವಲ 5 ರನ್ಗಳಿಸಿ ಓಟಾಗಿದ್ದರು. ಇದಾಗ್ಯೂ 5ನೇ ಕ್ರಮಾಂಕದಲ್ಲಿ ಬಾಬರ್ ಆಝಂ ಅವರನ್ನು ಕಳುಹಿಸಲಿಲ್ಲ. ಬದಲಾಗಿ ಶಾದಾಬ್ ಖಾನ್ ಅವರಿಗೆ ಮುಂಬಡ್ತಿ ನೀಡಲಾಯಿತು.
ಇದಕ್ಕೆ ಮುಖ್ಯ ಕಾರಣ ಬಾಬರ್ ಅವರ ನಿಧಾನಗತಿಯ ಬ್ಯಾಟಿಂಗ್. ಇದಕ್ಕೂ ಮುನ್ನ ನಡೆದ ಭಾರತದ ವಿರುದ್ಧ ಆಟಗಾರ 4ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ್ದ ಬಾಬರ್ 7 ಪಂದ್ಯಗಳಲ್ಲಿ ಕೇವಲ 5 ರನ್ ಗಳಿಸಿದ್ದರು. ನೆದರ್ಲ್ಯಾಂಡ್ಸ್ ವಿರುದ್ಧ 18 ಪಂದ್ಯಗಳನ್ನು ಎದುರಿಸಿ ಕಲೆಹಾಕಿದ್ದು ಕೇವಲ 15 ರನ್ಗಳು ಮಾತ್ರ.
ಇತ್ತ ನಮೀಬಿಯ ವಿರುದ್ಧದ ಪಂದ್ಯವು ನಿರ್ಣಾಯಕವಾಗಿ ಬಾಬರ್ಗೆ ಬ್ಯಾಟಿಂಗ್ ಅವಕಾಶ ನೀಡದಿರಲು ಟೀಮ್ ಮ್ಯಾನೇಜ್ಮೆಂಟ್ ನಿರ್ಧರಿಸಿದೆ. ಹೀಗಾಗಿ ಖ್ವಾಜಾ ನಫಾಯ್ ಹಾಗೂ ಶಾದಾಬ್ ಖಾನ್ ಅವರಿಗೆ ಮುಂಬಡ್ತಿ ನೀಡಿದ್ದಾರೆ.
ವಿಶೇಷ ಎಂದರೆ ಪಾಕಿಸ್ತಾನ ತಂಡವು 69 ಪಂದ್ಯಗಳಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದೆ. ಈ ವೇಳೆ ಬಾಬರ್ಗೆ ಬ್ಯಾಟಿಂಗ್ ಮಾಡಲು ಅವಕಾಶ ನೀಡಿರುವುದು ಇದೇ ಮೊದಲು. ಅಂದರೆ ಬಾಬರ್ ಆಝಂ ಕಣಕ್ಕಿಳಿದರೆ ತಂಡದ ರನ್ ಗತಿ ಕುಂಠಿತ ಎಂಬ ಭಯವೊಂದು ಪಾಕಿಸ್ತಾನ್ ತಂಡಕ್ಕೆ ಆವರಿಸಿದೆ. ಹೀಗಾಗಿಯೇ ನಮೀಬಿಯ ವಿರುದ್ಧ ಅವರಿಗೆ ಬ್ಯಾಟಿಂಗ್ ನೀಡಿಲ್ಲ. ಈ ಭಾರೀ ಅವಮಾನಕ್ಕೊಳಗಾಗಿರುವ ಬಾಬರ್ ಆಝಂ ಮುಂದಿನ ಪಂದ್ಯದಿಂದ ಹೊರಬಿದ್ದರೂ ಅಚ್ಚರಿಪಡಬೇಕಿಲ್ಲ.
