Amruthadhaare Big Twist: ಅವನೇ ಇವನು- ಗೌತಮ್​ಗೆ ಬಿಗ್​ ಸರ್​ಪ್ರೈಸ್​ ಕೊಟ್ಟ ಮಲ್ಲಿ ಲವರ್​ ಸುನಿ!

‘ಅಮೃತಧಾರೆ’ ಧಾರಾವಾಹಿಯಲ್ಲಿ, ಮಲ್ಲಿಯ ಪ್ರಿಯಕರನ ಹಿನ್ನೆಲೆ ತಿಳಿಯಲು ಹೊರಟ ಗೌತಮ್ ಮತ್ತು ಭೂಮಿಕಾಗೆ ಅಚ್ಚರಿ ಕಾದಿದೆ. ಮಲ್ಲಿಯ ಪ್ರಿಯಕರ ಸುನಿಲ್, ಗೌತಮ್‌ನ ದೊಡ್ಡ ಅಭಿಮಾನಿಯಾಗಿದ್ದು, ಈ ಬೆಳವಣಿಗೆಯು ಜೈದೇವ್ ವಿರುದ್ಧ ಗೌತಮ್‌ನ ಆಟಕ್ಕೆ ಸಹಕಾರಿಯಾಗುವ ಸಾಧ್ಯತೆಯಿದೆ.<img><p>ಅಮೃತಧಾರೆ ಸೀರಿಯಲ್​ (Amruthadhaare Serial)ನಲ್ಲಿ ಸದ್ಯ ಮಲ್ಲಿಯ ಮದುವೆಯ ಬಗ್ಗೆ ಗೌತಮ್​ ಮತ್ತು ಭೂಮಿಕಾ ತಲೆ ಕೆಡಿಸಿಕೊಂಡಿದ್ದಾರೆ. ತನ್ನ ಜಾಸೂಸಿಕೆ ಮಾಡಲು ಬಂದಿದ್ದಾಳೆ ಎಂದು ಮಲ್ಲಿ ಇದಾಗಲೇ ಭೂಮಿಕಾ ಮೇಲೆ ಕೋಪ ಮಾಡಿಕೊಂಡಿದ್ದಳು.</p><img><p>ಮಲ್ಲಿಯ ಲವರ್​ ಬಗ್ಗೆ ಭೂಮಿಕಾಳಿಂದ ತಿಳಿದ ಗೌತಮ್​, ಮಲ್ಲಿಯ ಲೈಫ್​ನಲ್ಲಿ ಮತ್ತೊಮ್ಮೆ ಕೆಟ್ಟದ್ದಾಗಬಾರದು ಎನ್ನುವ ಭೂಮಿಕಾಳ ಭಾವನೆಗೆ ಬೆಲೆ ಕೊಟ್ಟು ಆತನ ಹಿನ್ನೆಲೆ ತಿಳಿದುಕೊಳ್ಳಲು ಹೊರಟಿದ್ದಾನೆ.</p><img><p>ಅವನು ಇದಕ್ಕಾಗಿ ಆನಂದ್​ ಸಹಾಯ ಬೇಡಿದಾಗ, ಆ ಹುಡುಗ ತನ್ನ ಕಂಪೆನಿಯಲ್ಲಿಯೇ ಕೆಲಸ ಮಾಡುವುದು ಎಂದು ತಿಳಿದು ಆನಂದ್​ಗೆ ಖುಷಿಯಾಗಿದೆ.</p><img><p>ಅಷ್ಟರಲ್ಲಿಯೇ ಸುನಿಲ್​ ಆನಂದ್​ನನ್ನು ನೋಡಿ ಖುಷಿಪಟ್ಟಿದ್ದಾನೆ. ಆಗ ಆನಂದ್​ ನಾನು ನಿನಗೆ ಗೊತ್ತಾ ಎಂದಾಗ, ಗೌತಮ್​ ಸರ್​ನ ಅಭಿಮಾನಿ ನಾನು. ಅವರ ಹೆಸರು ಬಂದಾಗಲೆಲ್ಲಾ ನಿಮ್ಮ ಹೆಸರು ಬರುತ್ತೆ. ಅವರನ್ನು ಒಮ್ಮೆ ನೋಡುವ ಆಸೆ ಎಂದಿದ್ದಾನೆ.</p><img><p>ಗೌತಮ್​ ಅಲ್ಲಿಯೇ ಇದ್ದ ಕಾರಣ, ಆನಂದ್​ ಗೌತಮ್​ನನ್ನು ತೋರಿಸಿದಾಗ, ಸುನಿಲ್​ ಓಡಿಹೋಗಿ ಗೌತಮ್​ ಕಾಲಿಗೆ ಬಿದ್ದಿದ್ದಾನೆ. ನಾನು ನಿಮ್ಮ ಅಭಿಮಾನಿ. ನಿಮ್ಮಂತೆಯೇ ದೊಡ್ಡ ವ್ಯಕ್ತಿ ಆಗಬೇಕು ಎನ್ನುವುದೇ ನನ್ನ ಆಸೆ ಎಂದಿದ್ದಾನೆ.</p><img><p>ಒಟ್ಟಿನಲ್ಲಿ ಸೀರಿಯಲ್​ಗೆ ಈಗ ಮತ್ತೊಂದು ಟ್ವಿಸ್ಟ್​ ಸಿಕ್ಕಿದೆ. ಸುನಿಲ್​ ಬಗ್ಗೆ ತಿಳಿದುಕೊಳ್ಳಲು ಇನ್ನು ಗೌತಮ್​ಗೆ ಹೆಚ್ಚು ದಿನ ಬೇಕಾಗಲ್ಲ. ಸುನಿಲ್​ನನ್ನೇ ಮುಂದಿಟ್ಟುಕೊಂಡು ಆತನಿಗೆ ಜೈದೇವ್​ನನ್ನು ಆಟವಾಡಿಸಲು ಇನ್ನಷ್ಟು ಸುಲಭ ಆಗಬಹುದು.</p>



Source link