ರಶ್ಮಿಕಾ ಮಂದಣ್ಣ. ಎಲ್ಲಿಯೋ ಬೆಂಗಳೂರಿನ ಕಾಲೇಜೊಂದರಲ್ಲಿ ಡಿಗ್ರಿ ಮಾಡುತ್ತಿದ್ದ ಹುಡುಗಿ. ಸಿನಿಮಾದಲ್ಲಿ ನಟಿಸುವ ಕನಸಿದ್ದ ರಶ್ಮಿಕಾ ಮಂದಣ್ಣಗೆ ಅವಕಾಶ ಕಲ್ಪಿಸಿದ್ದು ಕರ್ನಾಟಕದ ಶೆಟ್ಟರ ಗ್ಯಾಂಗು. ಕಿರಿಕ್ ಪಾರ್ಟೆ ಎಂಬ ಸಿನಿಮಾವೊಂದರಲ್ಲಿ ಸಿಂಪಲ್ ಪಾತ್ರವೊಂದರಲ್ಲಿ ನಟಿಸಿದ ನಟಿ ಕಮಾಲ್ ಮಾಡಿಯೇ ಬಿಟ್ಟರು.
ಮುಗ್ಧ ಸೌಂದರ್ಯ ಕನ್ನಡಿಗರಿಗೆ ಇಷ್ಟವಾಗಿ ಹೋಯಿತು. ಅಯ್ಯೋ ಪಡ್ಡೆ ಹುಡುಗರ ಕನಸಿನ ಕಣ್ಮಣಿಯೂ ಆಗಿ ಬಿಟ್ಟರು. ಅಷ್ಟರಲ್ಲಿ ಕಿರಿಕ್ ಪಾರ್ಟಿಯ ನಾಯಕ ನಟ ರಕ್ಷಿತ್ ಶೆಟ್ಟಿ ಜೊತೆ ನಿಶ್ಚಿತಾರ್ಥವೂ ಮಾಡಿಕೊಂಡರು. ಇವರಿಬ್ಬರ ನಡುವೆ ಸುಮಾರು 13 ವರ್ಷಗಳ ಅಂತರವಿತ್ತು. ಆದರೆ, ರಕ್ಷಿತ್ ಅವರ ಸಿನಿಮಾ ಪ್ಯಾಷನ್ ಹಾಗೂ ಕ್ರಿಯೇಟಿವಿಟಿಗೆ ಎಂಥವರಾದರೂ ಸೋಲುವುದು ಪಕ್ಕಾ. ಹಾಗೆಯೇ ರಶ್ಮಿಕಾ ಸಹ ರಕ್ಷಿತ್ಗೆ ಬೋಲ್ಡ್ ಆಗಿದ್ದರು.
