Amruthadhaare: ಬಿಗ್​ ಶಾಕ್​ ಕೊಟ್ಟ ಮರಿ ಕೇಡಿ ಸುನಿ: ಮಲ್ಲಿಯನ್ನು ಲವ್​ ಮಾಡ್ತಿರೋದೆಲ್ಲಾ ನಾಟಕ!

‘ಅಮೃತಧಾರೆ’ ಧಾರಾವಾಹಿಯಲ್ಲಿ ಸುನಿಲ್, ಮಲ್ಲಿಯನ್ನು ಪ್ರೀತಿಸುವ ನಾಟಕವಾಡುತ್ತಿದ್ದಾನೆ ಎಂಬ ಸತ್ಯ ಬಯಲಾಗಿದೆ. ತನ್ನ ಆದರ್ಶ ವ್ಯಕ್ತಿ ಗೌತಮ್ ದಿವಾನೇ ಮಲ್ಲಿಯ ಭಾವ ಎಂದು ತಿಳಿದು ಸುನಿಲ್‌ಗೆ ಆಘಾತವಾಗಿದ್ದು, ತಾನು ಗೌತಮ್‌ಗೇ ಮೋಸ ಮಾಡುತ್ತಿರುವುದಾಗಿ ನೊಂದುಕೊಂಡಿದ್ದಾನೆ.<img><p>ಅಮೃತಧಾರೆಯಲ್ಲಿ ಮಲ್ಲಿಯ ಲೈಫ್​ ಸೆಟಲ್​ ಆಯ್ತು, ಸುನಿಲ್​ ನಿಜವಾಗಿಯೂ ಮಲ್ಲಿಯನ್ನು ಲವ್​ ಮಾಡ್ತಿದ್ದಾನೆ. ಅವನು ನಾಟಕ ಆಡ್ತಿಲ್ಲ ಎಂದೇ ಇಲ್ಲಿಯವರೆಗೆ ವೀಕ್ಷಕರು ಅಂದುಕೊಂಡಿದ್ದು ಉಂಟು.</p><img><p>ಆದರೆ, ಇದೀಗ ಸುನಿಲ್​ ವೀಕ್ಷಕರಿಗೆ ಶಾಕ್​ ಕೊಟ್ಟಿದ್ದಾನೆ. ಇವನು ಮೊದಲೇ ತನಗಿಂತ ಹಿರಿಯವಳಾದ ಮಲ್ಲಿಯನ್ನು ಲವ್​ ಮಾಡ್ತಿದ್ದ. ಈಗ ಅವನಿಗೆ ಜೈದೇವ್ ಕೊಟ್ಟಿರೋ ಟಾರ್ಗೆಟ್​ನಿಂದ ಅದು ಈಸಿಯಾಗಿದೆ. ಅವನು ಮನಸಾರೆ ಮಲ್ಲಿಯನ್ನು ಪ್ರೀತಿಸ್ತಾ ಇದ್ದಾನೆ ಎಂದೇ ಹಲವರು ಎಂದುಕೊಂಡಿದ್ದರೂ, ಇವನನ್ನು ನಂಬಬೇಡ ಮಲ್ಲಿ ಎಂದು ಮತ್ತೆ ಕೆಲವರು ಕಮೆಂಟ್​ ಹಾಕುತ್ತಿದ್ದುದೂ ಉಂಟು.</p><img><p>ಆದರೆ, ಇದೀಗ ಅವನ ಮೋಸದಾಟ ಬಯಲಾಗಿದೆ. ಅಷ್ಟಕ್ಕೂ ಸುನಿಲ್​ಗೆ ಮಲ್ಲಿಯೇ ಜೈದೇವನ ಹೆಂಡತಿ ಎನ್ನೋದು ಗೊತ್ತಿಲ್ಲ. ಆದರೆ ಗೌತಮ್​ ದಿವಾನ್​ ಆತನ ಆದರ್ಶ ಗುರು. ಅವನಂತೆಯೇ ತಾನೂ ಬೆಳೆಯಬೇಕು ಎನ್ನುವುದು ಅವನ ಆಸೆ. ಆದರೆ ಮಲ್ಲಿಗೂ ಗೌತಮ್​ಗೂ ಇರುವ ಸಂಬಂಧವೂ ಅವನಿಗೆ ತಿಳಿದಿಲ್ಲ.</p><img><p>ಇದೇ ಸಮಯದಲ್ಲಿ ಭೂಮಿಕಾ ಮಾತುಕತೆಗೆ ಮನೆಗೆ ಸುನಿಲ್​ನನ್ನು ಕರೆದಿದ್ದಳು. ಅವನ ಗುಣ ಆಕೆಗೆ ಹಿಡಿಸಿದ್ದರಿಂದ ಗೌತಮ್​ನನ್ನು ಭೇಟಿ ಮಾಡಿಸಲು ಮತ್ತೊಮ್ಮೆ ಕರೆದಿದ್ದಾಳೆ.</p><img><p>ಸುನಿಲ್​ ಮನೆಗೆ ಬಂದಾಗ ಅಲ್ಲಿ ಗೌತಮ್​ನನ್ನು ನೋಡಿ ಬೆಚ್ಚಿಬಿದ್ದಿದ್ದಾನೆ ಸುನೀಲ್​. ಇವನೇ ಮಲ್ಲಿಯ ಭಾವ ಎನ್ನುವುದು ತಿಳಿದಿದೆ. ಅವನಿಗೆ ಶಾಕ್​ ಆಗಿ ಹೋಗಿದೆ.</p><img><p>ನಾನು ಗೌತಮ್​ ಅವರನ್ನು ಮೋಸ ಮಾಡ್ತಿದ್ದೇನಾ ಎಂದು ಮನಸ್ಸಿನಲ್ಲಿ ಅಂದುಕೊಂಡಿದ್ದಾನೆ. ಆತ ತುಂಬಾ ನೊಂದುಕೊಂಡಿದ್ದಾನೆ. ಇದರ ಅರ್ಥ ಆತ ಮಲ್ಲಿಯನ್ನು ಲವ್​ ಮಾಡ್ತಿರುವುದು ನಾಟಕ ಎನ್ನುವುದು ಸಾಬೀತಾಗಿದೆ. ಜೈದೇವನಿಗಾಗಿ ಆತ ಮಲ್ಲಿಯನ್ನು ಲವ್​ ಮಾಡುತ್ತಿದ್ದಾನೆ ಎನ್ನುವುದು ತಿಳಿದು ವೀಕ್ಷಕರು ಶಾಕ್​ ಆಗಿದ್ದಾರೆಎ.</p>



Source link