<p>ಬಿಗ್ಬಾಸ್ ಖ್ಯಾತಿಯ ಗಿಲ್ಲಿ ನಟ ಮತ್ತು ಕಾವ್ಯಾ ಶೈವ ಅವರ ಎಐ ನಿರ್ಮಿತ ಮದುವೆ ವಿಡಿಯೋ ವೈರಲ್ ಆಗಿದೆ. ಈ ಬಗ್ಗೆ ಸಂದರ್ಶನವೊಂದರಲ್ಲಿ ಪ್ರತಿಕ್ರಿಯಿಸಿದ ಗಿಲ್ಲಿ ನಟ, ಅಚ್ಚರಿ ವ್ಯಕ್ತಪಡಿಸುವುದರ ಜೊತೆಗೆ ವಿಡಿಯೋ ಮಾಡಿದವರ ಶ್ರಮವನ್ನು ಶ್ಲಾಘಿಸಿದ್ದಾರೆ. </p><img><p>ಗಿಲ್ಲಿ ನಟ ಮತ್ತು ಕಾವ್ಯಾ ಶೈವ (Bigg Boss Gilli Nata and Kavya Shaiva) ಈ ಬಾರಿಯ ಬಿಗ್ಬಾಸ್ನಲ್ಲಿ ಭಾರಿ ಸೌಂಡ್ ಮಾಡಿದವರು. ಇವರಿಬ್ಬರ ಜೋಡಿಯನ್ನು ಜನ ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದರು.</p><img><p>ಬಿಗ್ಬಾಸ್ ನಡೆಯುತ್ತಿದ್ದ ಸಮಯದಲ್ಲಿಯೇ ಇವರಿಬ್ಬರ ಮದುವೆ ವಿಡಿಯೋ ವೈರಲ್ ಆಗಿದ್ದವು. ಇವರಿಬ್ಬರಿಗೂ ಮಗು ಆದ್ರೆ ಹೇಗಿರತ್ತೆ ಎಂದೂ ಎಐ ಮೂಲಕ ವಿಡಿಯೋ ಮಾಡಿ ಹರಿಬಿಟ್ಟಿದ್ದರು.</p><img><p>ಇದೀಗ, ಗಿಲ್ಲಿ ನಟ ಸಂದರ್ಶನವೊಂದರ ಸಮಯದಲ್ಲಿ ಈ ವಿಡಿಯೋ ನೋಡಿ ಶಾಕ್ ಆಗಿದ್ದಾರೆ. ಇದು ಎಐ ಅನ್ನಿಸ್ತನೇ ಇಲ್ಲ. ನಿಜವಾಗಿಯೂ ಮದ್ವೆ ಆದ ಹಾಗಿದೆ ಎಂದಿದ್ದಾರೆ. ಆದರೆ ಇದೇ ವೇಳೆ ಖುಷಿ ಪಟ್ಟುಕೊಂಡಿರುವ ಅವರು, ಅಯ್ಯಯ್ಯೋ ನಮಗಾಗಿ ಇಷ್ಟೊಂದು ಟೈಂ ಕೊಟ್ಟು ವಿಡಿಯೋ ಮಾಡಿದ್ದು ನೋಡಿ ಸಕತ್ ಖುಷಿಯಾಯ್ತು ಎಂದಿದ್ದಾರೆ.</p><img><p>ವಿಡಿಯೋ ಬಗ್ಗೆ ಯಾವುದೇ ಬೇಸರವನ್ನು ಅವರು ವ್ಯಕ್ತಪಡಿಸಿಲ್ಲ. ಅಥವಾ ವಿಡಿಯೋ ಮಾಡಿದವರಿಗೆ ಏನೂ ಹೇಳಲಿಲ್ಲ. ಆದರೆ, ಅವರು ಪಟ್ಟಿರುವ ಶ್ರಮಕ್ಕೆ ಶ್ಲಾಘನೆ ವ್ಯಕ್ತಪಡಿಸಿದರು ಗಿಲ್ಲಿ ನಟ.</p><img><p>ಅಷ್ಟಕ್ಕೂ ಗಿಲ್ಲಿ ನಟ ಇಷ್ಟು ಬೇಗ ತಾವು ಮದುವೆಯಾಗುವುದಿಲ್ಲ ಎಂದಿದ್ದಾರೆ. ಹುಡುಗಿ ಯಾರು ಏನು ಎತ್ತ ಎನ್ನುವುದು ಆಮೇಲೆ ನಿರ್ಧಾರ ಆಗುತ್ತದೆ. ಸದ್ಯ ಮಾಡಲು ಬೇಕಾದಷ್ಟು ಕೆಲಸ ಇದೆ ಎಂದು ಹೇಳಿದ್ದಾರೆ.</p><img><p>ಆದರೆ, ಅವರ ಅಭಿಮಾನಿಗಳು ಮಾತ್ರ ಕಾವ್ಯಾ ಶೈವ ಮತ್ತು ಗಿಲ್ಲಿ ನಟನ ಮದುವೆ ಮಾಡದೇ ಬಿಡುವಂತೆ ಕಾಣಿಸುತ್ತಿಲ್ಲ ಅವರಿಬ್ಬರ ಜೋಡಿ ಅಷ್ಟು ಇಷ್ಟ ಆಗಿಬಿಟ್ಟಿದೆ ಫ್ಯಾನ್ಸ್ಗೆ.</p>
Source link
ಕಾವ್ಯಾ ಜೊತೆ ತನ್ನದೇ ಮದ್ವೆ, ಮಗು ವಿಡಿಯೋ ನೋಡಿ ಗಿಲ್ಲಿ ನಟ ಫುಲ್ ಶಾಕ್: ಏನ್ ಹೇಳಿದ್ರು ನೋಡಿ!
