ದಕ್ಷಿಣ ಭಾರತೀಯರ ಉಪಾಹಾರದಲ್ಲಿ ವಿಶೇಷವಾಗಿ ಚಟ್ನಿ ಅದರಲ್ಲೂ ಕೊಬ್ಬರಿ ಚಟ್ನಿ ಇಲ್ಲದಿದ್ದರೆ ತುತ್ತು ಗಂಟಲಿಗಿಳಿಯದು. ಇಡ್ಲಿ, ದೋಸೆ, ವಡೆ.. ಹೀಗೆ ಯಾವುದಕ್ಕಾದರೂ ಈ ಚಟ್ನಿ ನೀಡುವ ರುಚಿಯೇ ಬೇರೆ. ಆದರೆ ಕೊಬ್ಬರಿ ಚಟ್ನಿ ಮಾಡುವುದು ನೋಡಲು ಸುಲಭವೆಂದು ಅನಿಸಿದರೂ, ಅದರ ರುಚಿ, ಬಣ್ಣ ಮತ್ತು ಘಮ ಸರಿಯಾಗಿ ಬರಲು ಕೆಲವು ಕೌಶಲಗಳು ಅಗತ್ಯ. ಕೊಬ್ಬರಿಯ ತಾಜಾತನದಿಂದ ಹಿಡಿದು ಹಸಿಮೆಣಸಿನಕಾಯಿಯ ಖಾರದವರೆಗೆ, ಒಗ್ಗರಣೆಯಲ್ಲಿ ಹಾಕುವ ಕರಿಬೇವಿನ ಚಿಟಪಟ ಸದ್ದಿನವರೆಗೆ ಪ್ರತಿಯೊಂದೂ ಒಂದು ಕಲೆ!
