ಟಾಲಿವುಡ್ ಸ್ಟಾರ್ ನಟ ಮಹೇಶ್ ಬಾಬು (ಮಹೇಶ್ ಬಾಬು) ಅವರು ‘ವಾರಾಣಸಿ’ ಸಿನಿಮಾದ ಕೆಲಸಗಳಲ್ಲಿ ಬ್ಯೂಸಿ ಆಗಿದ್ದಾರೆ. ಈ ಚಿತ್ರಕ್ಕೆ ಖ್ಯಾತ ನಿರ್ದೇಶಕ ಎಸ್.ಎಸ್. ರಾಜಮೌಳಿ (ಎಸ್ ಎಸ್ ರಾಜಮೌಳಿ) ಆ್ಯಕ್ಷನ್-ಕಟ್ ಹೇಳುತ್ತಿದ್ದಾರೆ. ಈ ಸಿನಿಮಾದ ಅಪ್ಡೇಟ್ ತಿಳಿಯಲು ಫ್ಯಾನ್ಸ್ ತುದಿಗಾಲಿನಲ್ಲಿ ನಿಂತಿರುತ್ತಾರೆ. ಆದರೆ ಅಂಥ ಅಭಿಮಾನಿಗಳಿಗೆ ಶಾಕ್ ಆಗುವಂತಹ ಒಂದು ವಿಡಿಯೋ ವೈರಲ್ ಆಗಿದೆ. ನಿರ್ದೇಶಕ ರಾಜಮೌಳಿ ಮತ್ತು ಮಹೇಶ್ ಬಾಬು ಅವರ ಮುಖ ಮೂತಿ ನೋಡದೇ ಹೊಡೆದಾಡಿಕೊಂಡ ದೃಶ್ಯ ಈ ವಿಡಿಯೋದಲ್ಲಿ ಇದೆ. ಆದರೆ ಇದು ಐ ವಿಡಿಯೋ (AI ವಿಡಿಯೋ) ಎಂಬುದು ತಿಳಿದ ಬಳಿಕ ಫ್ಯಾನ್ಸ್ ನಿಟ್ಟುಸಿರುವ ಬಿಟ್ಟಿದ್ದಾರೆ.
ದಿನದಿನಕ್ಕೂ ಐ ತಂತ್ರಜ್ಞಾನ ಬೆಳೆಯುತ್ತಿದೆ. ಅದನ್ನು ಕೆಟ್ಟ ಉದ್ದೇಶದಿಂದ ಬಳಸುವವರ ಸಂಖ್ಯೆ ಕೂಡ ಜಾಸ್ತಿ ಆಗುತ್ತಿದೆ. ಸೆಲೆಬ್ರಿಟಿಗಳ ವಿಡಿಯೋವನ್ನು ಮನಸ್ಸಿಗೆ ಬಂದಂತೆ ತಿರುಚಲಾಗುತ್ತಿದೆ. ಈಗ ಮಹೇಶ್ ಬಾಬು ಮತ್ತು ರಾಜಮೌಳಿ ಅವರು ಹೊಡೆದಾಡುತ್ತಿರುವ ರೀತಿಯಲ್ಲಿ ಈ ಐ ವಿಡಿಯೋ ಸೃಷ್ಟಿಯಾಗಿದೆ. ಅದಕ್ಕೆ ಜನರಿಂದ ಹಲವು ರೀತಿಯ ಪ್ರತಿಕ್ರಿಯೆ ಬಂದಿದೆ.
ಈ ವಿಡಿಯೋ ನೋಡಿದ ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು ‘ಸಿನಿಮಾ ಸತ್ತುಹೋಯ್ತು’ ಎಂದು ಹೇಳಿದ್ದಾರೆ. ‘ಇದು ಶೇಕಡ 100ರಷ್ಟು ಎಐ ಮೂಲಕ ಸೃಷ್ಟಿಸಿದ ವಿಡಿಯೋ’ ಈ ವಿಡಿಯೋದಲ್ಲಿ ಸ್ಪಷ್ಟವಾಗಿ ನಮೂದಿಸಲಾಗಿದೆ. ಹಾಗಿದ್ದರೂ ಕೂಡ ರಾಮ್ ಗೋಪಾಲ್ ವರ್ಮಾ ಅವರು ಇದನ್ನು ಖಂಡಿಸಿದ್ದಾರೆ. ಜನರು ಕೂಡ ಈ ಬಗ್ಗೆ ತಕರಾರು ತೆಗೆದಿದ್ದಾರೆ.
ಸಿನಿಮಾ ಸತ್ತಿದೆ https://t.co/JUPhPHPTDz
– ರಾಮ್ ಗೋಪಾಲ್ ವರ್ಮಾ (@RGVzoomin) ಫೆಬ್ರವರಿ 24, 2026
‘ಇಂಥ ಎಐ ಕಂಟೆಂಟ್ ನಿಲ್ಲಿಸಿ. ಇದು ಅಪಾಯಕಾರಿ’ ಎಂದು ನೆಟ್ಟಿಗರಿಂದ ಕಮೆಂಟ್ ಮಾಡಲಾಗಿದೆ. ‘ನಾನು ಈ ರೀತಿಯ ವಿಡಿಯೋಗಳನ್ನು ಉಚಿತವಾಗಿ ಕೂಡ ನೋಡಲ್ಲ’ ಎಂಬ ಕಮೆಂಟ್ ಸಹ ಬಂದಿದೆ. ಆದರೆ ಈ ವಿಡಿಯೋ ನೋಡಿ ತಮಾಷೆ ಮಾಡಿದ್ದಾರೆ. ‘ಇದು ರಾಜಾಸಾಬ್ ಸಿನಿಮಾದ ವಿಎಫ್ ಎಕ್ಸ್ ದೃಶ್ಯ ಉತ್ತಮವಾಗಿದೆ’ ಎಂದು ಕೆಲವರು ಹೇಳಿದ್ದಾರೆ. ‘ಕೊನೇ ಪಕ್ಷ ಎಐ ವಿಡಿಯೋದಲ್ಲಾದರೂ ಮಹೇಶ್ ಬಾಬು ಅವರ ಬೇರೆ ಬೇರೆ ಎಕ್ಸ್ ಪ್ರೆಷನ್ ಕಾಣಿಸುತ್ತಿದೆ’ ಎಂದು ವ್ಯಂಗ್ಯವಾಡಿದರು.
ಇದನ್ನೂ ಓದಿ: ಬೆಂಗಳೂರಿಗೆ ಬಂದ ಮಹೇಶ್ ಬಾಬು ನೋಡಲು ಅಭಿಮಾನಿಗಳ ನೂಕು ನುಗ್ಗಲು
ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. rishikesav_m ಎಂಬ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಇದನ್ನು ಅಪ್ಲೋಡ್ ಮಾಡಲಾಗಿದೆ. ಇದು ಮಿಲಿಯನ್ ಗಟ್ಟಲೆ ವೀವ್ಸ್ ಪಡೆದಿದೆ. ಇದನ್ನು ರಾಜಮೌಳಿ ಮತ್ತು ಮಹೇಶ್ ಬಾಬು ಅವರು ಯಾವ ರೀತಿ ಹೇಳಬಹುದು ಎಂಬುದನ್ನ ನೋಡಿದರೆ ಕುತೂಹಲ ಎಲ್ಲರಿಗೂ ಇದೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
