ಜನವರಿ, ಮಾರ್ಚ್ 1: ಇರಾನ್ ಮೇಲೆ ಅಮೆರಿಕ ಮತ್ತು ಇಸ್ರೇಲ್ ನಿಂದ ವ್ಯಾಪಕ ಮಿಲಿಟರಿ ದಾಳಿಯಾಗಿದೆ. ಇರಾನ್ ಸರ್ವೆಚ್ಚ ನಾಯಕ ಆಯತುಲ್ಲಾ ಅಲಿ ಖಮೇನೀ (ಅಯತೊಲ್ಲಾ ಅಲಿ ಖಮೇನಿ) ಸೇರಿದಂತೆ 200ಕ್ಕೂ ಹೆಚ್ಚು ಜನರು ದಾಳಿಯಲ್ಲಿ ಹತರಾಗಿದ್ದಾರೆ. ಈ ಮಧ್ಯೆ ಚೀನಾದ ಎಚ್ಕ್ಯೂ-9ಬಿ (HQ-9B) ಎಂಬ ಏರ್ ಡಿಫೆನ್ಸ್ ಸಿಸ್ಟಂನ ಸುದ್ದಿ ಚಾಲನೆಗೆ ಬಂದಿದೆ. ಸುದ್ದಿ, ಇರಾನ್ ದೇಶ ಇತ್ತೀಚೆಗಷ್ಟೇ ಚೀನಾದ ಎಚ್ಕ್ಯೂ-9ಬಿ ಅನ್ನು ಪಡೆದಿತ್ತು. ಇದು ನಿಜವೇ ಆದಲ್ಲಿ ಚೀನಾಗೆ ಮುಜುಗರ ತರಬಹುದಾದಂತಹ ಮತ್ತು ಕಳವಳಪಡಬೇಕಾದಂತಹ ಸಂಗತಿಯಾಗಿದೆ.
ಅಮೆರಿಕ ಮತ್ತು ಇಸ್ರೇಲ್ನ ಜಂಟಿ ದಾಳಿಗಳನ್ನು ತಡೆಯಲು ಇರಾನ್ಗೆ ಸಾಧ್ಯವಾಗಲಿಲ್ಲ. ಅಂದರೆ ಚೀನಾ ನೀಡಿದ ಎಚ್ಕ್ಯೂ-9ಬಿ ಏರ್ ಡಿಫೆನ್ಸ್ ಸಿಸ್ಟಂ ವಿಫಲಗೊಂಡಿರಬಹುದು. ಅಥವಾ ಅಮೆರಿಕ ಇಸ್ರೇಲ್ನ ಸಂಯೋಜಿತ ದಾಳಿ ಎದುರಿಸಲು ಇದು ವಿಫಲವಾಗಬಹುದು.
ಇದನ್ನೂ ಓದಿ: ಹಾರ್ಮುಜ್ ಜಲಸಂಧಿಯಲ್ಲಿ ಆಯಿಲ್ ಟ್ಯಾಂಕರ್ ಮೇಲೆ ಇರಾನ್ ದಾಳಿ; ತೈಲ ಹಡಗಿನಲ್ಲಿದ್ದರು 15 ಮಂದಿ ಭಾರತೀಯರು
ಆಪರೇಷನ್ ಸಿಂದೂರ್ ವೇಳೆಯೂ ಎಚ್ಕ್ಯೂ-9ಬಿ ಏರ್ ಡಿಫೆನ್ಸ್ ಸಿಸ್ಟಂ ಮುನ್ನೆಲೆಗೆ ಬಂದಿತ್ತು. ಭಾರತದ ವಾಯು ದಾಳಿಗಳನ್ನು ತಡೆಯಲು ಈ ಚೀನೀ ಸಿಸ್ಟಂ ವಿಫಲವಾಗಿದೆ. ಈಗ ಮತ್ತೊಂದು ಯುದ್ಧದ ಸಂದರ್ಭದಲ್ಲಿ ಅದರ ವೈಫಲ್ಯ ಕಂಡು ಬಂದಿರುವುದು ಗಮನಾರ್ಹ ಸಂಗತಿ.
ಚೈನಾ ಏರೋಸ್ಪೇಸ್ ಸೈನ್ಸ್ ಅಂಡ್ ಇಂಡಸ್ಟ್ರಿ ಕಾರ್ಪೊರೇಶನ್ ಸಂಸ್ಥೆ ಅಭಿವೃದ್ದಿಪಡಿಸಿದ ಎಚ್ಕ್ಯೂ-9ಬಿ ಏರ್ ಡಿಫೆನ್ಸ್ ಸಿಸ್ಟಂ 2006 ರಲ್ಲಿ ಮೊದಲ ಪರೀಕ್ಷೆಗೆ ಒಳಪಟ್ಟಿತು. ಇದು ರಷ್ಯಾದ ಎಸ್-300 ಪಿಎಂಯು ಮತ್ತು ಅಮೆರಿಕದ ಪೇಟ್ರಿಯಟ್ ಪ್ಯಾಕ್-2 ಸಿಸ್ಟಂ ಮಾದರಿಯಲ್ಲಿ ಚೀನಾ ತಯಾರಿಸಿದ ಸಿಸ್ಟಂ. ಇದರ ದಾಳಿ ಶ್ರೇಣಿ 260 ಕಿಮೀ ಇದೆ. 50 ಕಿಮೀ ಎತ್ತರದ ಗುರಿಯನ್ನೂ ಇದು ಮುಟ್ಟಬಲ್ಲದು. ಶತ್ರುಗಳ ವಂಚಕ ವಿಮಾನಗಳನ್ನು ಪತ್ತೆ ಮಾಡುವ ಸಾಮರ್ಥ್ಯ ಇದೆ ಎನ್ನಲಾಗುತ್ತಿದೆ.
ಇದನ್ನೂ ಓದಿ: ಆಯತುಲ್ಲಾ ಖಮೇನಿ ಮೇಲೆ ದಾಳಿಗೆ ಶನಿವಾರ ಬೆಳಗಿನ ಸಮಯ ಆರಿಸಿದ್ದು ಯಾಕೆ? ಬೇರೆ ಇದ್ದ ಪ್ಲಾನ್ ಬದಲಾಗಿದ್ದು ಯಾಕೆ?
ಗಮನಾರ್ಹ ಸಂಗತಿ ಎಂದರೆ, ಭಾರತದ ಗಡಿ ಭಾಗದಲ್ಲಿರುವ ಟಿಬೆಟ್, ಚೀನಾದ ರಾಜಧಾನಿ ನಗರಿಯಾದ ಬಿಸಿಂಗ್, ಆಯಕಟ್ಟಿನ ಪ್ರದೇಶವಾದ ಸೌತ್ ಚೀನಾ ಜಾಗಗಳಲ್ಲಿ ಎಚ್ಕ್ಯೂ-9ಬಿ ಏರ್ ಡಿಫೆನ್ಸ್ ಸಿಸ್ಟಂಗಳನ್ನು ಅಳವಡಿಸಲಾಗಿದೆ. ಪ್ರಕಾರ, ಇದು ಚೀನಾದ ಪ್ರಮುಖ ರಕ್ಷಣಾ ಕೋಟೆ ಎನಿಸಿದೆ. ಇಂಥ ಡಿಫೆನ್ಸ್ ಸಿಸ್ಟಂ ಆಪರೇಷನ್ ಸಿಂದೂರ್ ಮತ್ತು ಇರಾನ್ ಯುದ್ಧದಲ್ಲಿ ವಿಫಲವಾಗಿರುವುದು ಚೀನಾದ ದೌರ್ಬಲ್ಯವನ್ನು ಜಾಹೀರುಗೊಳಿಸಿದಂತಾಗಿರಬಹುದು.
ಹೆಚ್ಚಿನ ಅಂತರರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
