Dog Satish ಮಗನಿಗೆ ಡಿಂಪಲ್​ ಕ್ವೀನ್​ ರಚಿತಾ ರಾಮ್​ ನಾಯಕಿ? 1 ಕೋಟಿಗೆ ಆಫರ್​; ಏನಿದು ಬಿಸಿಬಿಸಿ ಸುದ್ದಿ?

<p>ಬಿಗ್‌ಬಾಸ್ ಖ್ಯಾತಿಯ ಡಾಗ್ ಸತೀಶ್ ಅವರ ಮಗ ಹರ್ಷ್ ಅವರನ್ನು ನಾಯಕನನ್ನಾಗಿ ಮಾಡಲು ಸಿದ್ಧತೆ ನಡೆಸಿದ್ದಾರೆ ಎನ್ನಲಾಗಿದೆ. ಹರ್ಷ್‌ಗೆ ನಾಯಕಿಯಾಗಿ ನಟಿ ರಚಿತಾ ರಾಮ್‌ಗೆ ಒಂದು ಕೋಟಿ ರೂಪಾಯಿ ಆಫರ್ ನೀಡಲಾಗಿದೆ ಎಂಬ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.</p><p>&nbsp;</p><img><p>ಬಿಗ್​ಬಾಸ್​ನಿಂದ ಫೇಮಸ್​ ಆಗಿರೋ ಡಾಗ್​ ಸತೀಶ್​ (Bigg Boss Dog Satish) ಹೇಗಾದ್ರೂ ಮಾಡಿ ತಮ್ಮ ಹೆಸರು ಚಾಲ್ತಿಯಲ್ಲಿ ಇರಬೇಕು ಎಂದುಕೊಂಡು ಒಂದರ ಮೇಲೊಂದರಂತೆ ಮನಸ್ಸಿಗೆ ಬಂದಂತೆ ಮಾತನಾಡ್ತಿರೋದು ಎಲ್ಲರಿಗೂ ಗೊತ್ತಿರುವಂಥದ್ದೇ. ಬಾಯಿ ಬಿಟ್ಟರೆ, ಕೋಟಿಯಲ್ಲಿಯೇ ಮಾತನಾಡುವ ಡಾಗ್​ ಸತೀಶ್​, ತಾವು ಅಂದುಕೊಂಡಷ್ಟು ಫೇಮಸ್​ ಆಗಿಲ್ಲ ಎಂದೋ ಏನೋ, ದರ್ಶನ್​ ಅವರ ಬಗ್ಗೆ ವಿವಾದ ಸೃಷ್ಟಿಸಿ ಕೇಸು ದಾಖಲಿಸಿಕೊಂಡಿದ್ದಾರೆ.</p><img><p>ಅಷ್ಟಕ್ಕೂ ಡಾಗ್​ ಸತೀಶ್​ ಅವರಿಗೆ ಜೈಲು ಹೊಸತೇನಲ್ಲ. ಇದಾಗಲೇ ಫ್ಯಾಮಿಲಿ ಮ್ಯಾಟರ್​ನಲ್ಲಿಯೂ ಜೈಲುವಾಸ ಅನುಭವಿಸಿದ್ದಾರೆ. ಅದರ ಬಗ್ಗೆಯೂ ಇದಾಗಲೇ ಹೊಗಳಿಕೊಂಡಿದ್ದ ಸತೀಶ್​ ಅವರು, ಮನೆಗಿಂತ ಜೈಲೇ ವಾಸಿ. ಅಲ್ಲಿ ಇರುವವರನ್ನು ಹೇಗೆ ನೋಡಿಕೊಳ್ಳಬೇಕು ಎನ್ನುವುದು ನನಗೆ ಗೊತ್ತು. ರಾಜಾತಿಥ್ಯ ಪಡೆದುಕೊಳ್ಳಲು ಏನೆಲ್ಲಾ ಮಾಡಬೇಕು ಎನ್ನುವುದು ನನಗೆ ಗೊತ್ತು ಎಂದು ಸಂದರ್ಶನದಲ್ಲಿ ಹೇಳಿದ್ದರು!</p><img><p>ಆದರೆ, ಇದೀಗ ಸುದ್ದಿ ಮಾಡ್ತಿರೋದು ಡಾಗ್​ ಸತೀಶ್​ ಅಲ್ಲ, ಬದಲಿಗೆ ಅವರ ಮಗ ಹರ್ಷ್​. ಇದಾಗಲೇ ಡಾಗ್​ ಸತೀಶ್​ ತಮ್ಮ ಮಗನನ್ನು ವಿಶ್ವದ ನಂಬರ್​ 2 ನಾಯಕ ಮಾಡುವುದಾಗಿ ಘೋಷಿಸಿದ್ದಾರೆ. ನಂ.1 ಮಾಡಿದರೆ ಆತನಿಗೆ ಚಿಕ್ಕ ವಯಸ್ಸಿನಲ್ಲಿಯೇ ಕೊಬ್ಬು ಬಂದು ಬಿಡುತ್ತದೆ ಎನ್ನುವ ಕಾರಣವನ್ನೂ ಕೊಟ್ಟಿದ್ದಾರೆ.</p><img><p>ಅದಕ್ಕೆ ತಕ್ಕಂತೆ ಈಗ ಅವರ ಅಭಿಮಾನಿಗಳೋ ಏನೋ ಗೊತ್ತಿಲ್ಲ, ಒಟ್ಟಿನಲ್ಲಿ ಒಂದಿಷ್ಟ ಸೋಷಿಯಲ್​ ಮೀಡಿಯಾ ಖಾತೆಯಲ್ಲಿ, ಹರ್ಷ್​ ಅವರಿಗೆ ನಾಯಕಿಯಾಗಿ ಡಿಂಪಲ್​ ಕ್ವೀನ್​ ರಚಿತಾ ರಾಮ್​ ನಟಿಸುತ್ತಿದ್ದಾರೆ ಎನ್ನುವ ಪೋಸ್ಟ್​ ಸದ್ದು ಮಾಡುತ್ತಿದೆ!</p><img><p>ತಮ್ಮ ಮಗ ಕ್ಲಿಕ್​ ಆಗಬೇಕು ಎಂದರೆ ರಚಿತಾ ರಾಮ್​ ನಾಯಕಿಯಾಗಬೇಕು ಎಂದು ಡಾಗ್​ ಸತೀಶ್​ ಹೇಳಿದ್ದಾರಂತೆ. ಅದಕ್ಕಾಗಿಯೇ ಚಿತ್ರತಂಡ ರಚಿತಾ ಅವರಿಗೆ ಒಂದು ಕೋಟಿ ರೂಪಾಯಿ ಆಫರ್​ ಕೊಟ್ಟು ಬುಕಿಂಗ್​ ಮಾಡಿಕೊಂಡಿದೆಯಂತೆ ಎನ್ನುವ ಬಿಸಿಬಿಸಿ ಸುದ್ದಿ ಹರಿದಾಡುತ್ತಿದೆ.</p><img><p>ಅಷ್ಟಕ್ಕೂ ಇದು ಫೇಕ್​ ಸುದ್ದಿ ಎಂದೇ ಹಲವರು ಹೇಳುತ್ತಿದ್ದಾರೆ. ಈ ಬಗ್ಗೆ ಎಲ್ಲಿಯೂ ಅಧಿಕೃತ ಮಾಹಿತಿ ಬಂದಿಲ್ಲ. ಡಾಗ್​ ಸತೀಶ್​ ಅವರೂ ಹೇಳಿದ್ದಾರೋ ಗೊತ್ತಿಲ್ಲ. ಬಹುಶಃ ಇಂಥ ವಿಷ್ಯ ಸೋಷಿಯಲ್​ ಮೀಡಿಯಾದಲ್ಲಿ ಓಡಾಡ್ತಿದೆ ಎಂದು ತಿಳಿದರೆ ಅವರು ಹೇಳಿದರೂ ಹೇಳಬಹುದು, ಅಚ್ಚರಿಯೇನಿಲ್ಲ.</p>



Source link