ಇಸ್ಲಾಮಾಬಾದ್, ಮಾರ್ಚ್ 2: ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧವು ಜಾಗತಿಕವಾಗಿ ಎಲ್ಲಾ ಮಾರುಕಟ್ಟೆಗಳನ್ನು ಅಲುಗಾಡಿಸುತ್ತಿದೆ. ಭಾರತದ ಸೆನ್ಸೆಕ್ಸ್, ನಿಫ್ಟಿ ಸೂಚ್ಯಂಕಗಳು ತತ್ತರಿಸಿವೆ. ಶೇ. 1-2ರಷ್ಟು ಕುಸಿತ ಕಂಡಿವೆ. ಆದರೆ, ಪಾಕಿಸ್ತಾನದ ಷೇರು ಮಾರುಕಟ್ಟೆ (Pakistan Stock Market) ಅತಿ ಹೆಚ್ಚು ಕರಡಿ ಕುಣಿತ ಕಂಡಿದೆ. ಇಂದು ಸೋಮವಾರದ ವಹಿವಾಟಿನಲ್ಲಿ ಪಾಕಿಸ್ತಾನ ಷೇರು ವಿನಿಮಯ ಕೇಂದ್ರದ ಕೆಎಸ್ಇ-100 ಇಂಡೆಕ್ಸ್ (ಕೆಎಸ್ಇ-100 ಇಂಡೆಕ್ಸ್) ಶೇ. 9ರಷ್ಟು ಕುಸಿತ ಕಂಡಿದೆ., ಕೆಎಸ್ಇ-30 ಇಂಡೆಕ್ಸ್ ಕೂಡ ಕೆಳಗಿನ ಸರ್ಕ್ಯುಟ್ ಮಿತಿ ಮುಟ್ಟಿದೆ.
ಪಾಕಿಸ್ತಾನದ ಷೇರು ಮಾರುಕಟ್ಟೆ ಬಹಳ ಅಸ್ಥಿರತೆಯಿಂದ ಕೂಡಿದೆ. ಇಲ್ಲಿ ಪಟ್ಟಿ ಆಗಿರುವ ಷೇರುಗಳ ಸಂಖ್ಯೆ ಕಡಿಮೆ ವೊಲಾಟಾಲಿಟಿ ಅಥವಾ ಪ್ರಕ್ಷುಬ್ದತೆ ಅಥವಾ ಕುಲುಕಾಟ ತೀವ್ರವಾಗಿದೆ.
ಇದನ್ನೂ ಓದಿ: ಜನವರಿವರೆಗೂ ಭಾರತದ ಒಟ್ಟಾರೆ ರಫ್ತು 720 ಬಿಲಿಯನ್ ಡಾಲರ್; ಹಿಂದಿನ ವರ್ಷಕ್ಕಿಂತ ಶೇ. 6.15 ಒಟ್ಟು
ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧವು ಇಸ್ರೇಲ್, ಅಮೆರಿಕ, ಇರಾನ್ ಮಧ್ಯೆ ಮಾತ್ರ ಸೀಮಿತವಾಗಿಲ್ಲ. ಕೊಲ್ಲಿ ದೇಶಗಳನ್ನೂ ಇರಾನ್ ಗುರಿ ಮಾಡಿ ದಾಳಿ ಮಾಡುತ್ತಿರುವುದು ಪಾಕಿಸ್ತಾನೀಯರಿಗೆ ಅನಿರೀಕ್ಷಿತ ಬೆಳವಣಿಗೆ ಎನಿಸಿದೆ. ಪಾಕಿಸ್ತಾನದ ಹೆಚ್ಚಿನ ವಹಿವಾಟು ಗಲ್ಫ್ ದೇಶಗಳೊಂದಿಗೆ ವ್ಯಾಪಾರ ಅಲ್ಲಿಯ ಬಿಕ್ಕಟ್ಟು ದೇಶಕ್ಕೆ ಅತಿಹೆಚ್ಚು ಬಾಧೆ ಉಂಟು ಮಾಡುವ ವಿಚಾರ.
ಕುಸಿತದ ತೀವ್ರತೆಯಿಂದ ಟ್ರೇಡಿಂಗ್ ಬಂದ್
ಪಾಕಿಸ್ತಾನದ ಬ್ಯಾಂಕ್ಗಳು, ಇಂಧನ ಸಂಸ್ಥೆಗಳು, ಸಿಮೆಂಟ್, ರಸಗೊಬ್ಬರ, ಆಟೋಮೊಬೈಲ್ ಅಸೆಂಬ್ಲಿಂಗ್, ವಿದ್ಯುತ್ ಕಂಪನಿಗಳ ಷೇರುಗಳಿಗೆ ಸೋಮವಾರ ತೀವ್ರ ಹಿನ್ನಡೆಯಾಗಿದೆ.
ಇದನ್ನೂ ಓದಿ: ಪಶ್ಚಿಮ ಏಷ್ಯಾ ಬಿಕ್ಕಟ್ಟಿನ ಫಲ; ಭಾರತದಲ್ಲಿ ಚಿನ್ನದ ಬೆಲೆ ಸದ್ಯದಲ್ಲೇ 20,000 ರೂ ಮುಟ್ಟುತ್ತಾ?
ಕೆಎಸ್ಇ-100 ಮತ್ತು ಕೆಎಸ್ಇ-30 ಸೂಚ್ಯಂಕಗಳಲ್ಲಿ ಕುಸಿತ ಬಹಳ ತೀವ್ರವಾಗಿತ್ತು. ಹೂಡಿಕೆದಾರರು ಮನಬಂದಂತೆ ಷೇರುಗಳನ್ನು ಮಾರುತ್ತಿರುವ ಟ್ರೆಂಡ್ ಗೋಚರಿಸುವಂತೆಯೇ ಟ್ರೇಡಿಂಗ್ ನಿಲ್ಲಿಸಲಾಗಿದೆ. ಟ್ರೇಡಿಂಗ್ ಮುಂದುವರಿದೇ ಆದಲ್ಲಿ ಪಾಕಿಸ್ತಾನದ ಷೇರು ಮಾರುಕಟ್ಟೆಯ ಕುಸಿತ ಇನ್ನಷ್ಟು ತೀವ್ರವಾಗಿದೆ.
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
