Amruthadhaare: ಹೀಗೆ ಮಾಡಿದ್ರೆ ಮಲ್ಲಿ ಕಾಲಿಗೆ ಬಿದ್ದು ಡಿವೋರ್ಸ್​ ಕೊಡ್ತಾನೆ ನೋಡಿ: ಗೌತಮ್​ಗೆ ಫ್ಯಾನ್ಸ್​ ಟಿಪ್ಸ್​

ಅಮೃತಧಾರೆ ಧಾರಾವಾಹಿಯಲ್ಲಿ, ಮಲ್ಲಿಗೆ ಡಿವೋರ್ಸ್ ಕೊಡಲು ಜೈದೇವ ಆಸ್ತಿಯ ಬೇಡಿಕೆ ಇಟ್ಟಿದ್ದಾನೆ. ಆದರೆ, ಡಿವೋರ್ಸ್ ಕೊಡದೆ ಮೋಸ ಮಾಡುವ ಪ್ಲಾನ್‌ನಲ್ಲಿದ್ದಾನೆ. ಈ ನಡುವೆ, ಬಹುಪತ್ನಿತ್ವದ ಅಡಿಯಲ್ಲಿ ಜೈದೇವನ ವಿರುದ್ಧವೇ ಕೇಸ್ ಹಾಕುವಂತೆ ವೀಕ್ಷಕರು ಗೌತಮ್‌ಗೆ ಐಡಿಯಾ ನೀಡಿದ್ದಾರೆ.<img><p>ಅಮೃತಧಾರೆ (Amruthadhaare Serial)ನಲ್ಲಿ, ಇದೀಗ ಮಲ್ಲಿಗೆ ಡಿವೋರ್ಸ್​ ಕೊಡದೇ ಸತಾಯಿಸುತ್ತಿದ್ದಾನೆ ಜೈದೇವ. ಮಲ್ಲಿಯ ಮದುವೆಗೆ ಜೈದೇವನ ಡಿವೋರ್ಸ್​ ಬೇಕು ಎಂದು ಆನಂದ್​ ಬಂದು ಕೇಳಿದಾಗ, ಜೈದೇವ್​ ಅದಕ್ಕೆ ಷರತ್ತು ವಿಧಿಸಿದ್ದ.</p><img><p>ನನಗೆ ಎಲ್ಲಾ ಆಸ್ತಿ ಕೊಟ್ಟಾಗಿದೆ. ಅಪ್ಪನ ಸಮಾಧಿಯ ಬಳಿಯ ಆಸ್ತಿಯೂ ನನ್ನ ಹೆಸರಿಗೆ ಬೇಕು. ಹಾಗೆ ಮಾಡಿದ್ರೆ ಡಿವೋರ್ಸ್​ ಕೊಡುವುದಾಗಿ ಹೇಳಿದ್ದಾನೆ. ಅಷ್ಟಕ್ಕೂ, ಅಪ್ಪನ ತಿಥಿಯ ದಿವಸ ಅದೇ ಜಾಗದಲ್ಲಿ ಗೌತಮ್​, ಜೈದೇವನ ಅಧಿಕ ಪ್ರಸಂಗದಿಂದ ಕಪಾಳ ಮೋಕ್ಷ ಮಾಡಿದ್ದ ಕಾರಣದಿಂದ ಸೇಡು ತೀರಿಸಿಕೊಳ್ಳಲು ಜೈದೇವ ಕಾಯುತ್ತಿದ್ದಾನೆ.</p><img><p>ಹಾಗೆಂದು ಒಂದು ವೇಳೆ ಗೌತಮ್​ ಆ ಆಸ್ತಿಯನ್ನು ಬರೆದುಕೊಟ್ಟರೂ ಡಿವೋರ್ಸ್​ ಪೇಪರ್​ಗೆ ಖಂಡಿತ ಸಹಿ ಹಾಕುವುದಿಲ್ಲ ಎನ್ನುವುದೂ ಸತ್ಯ. ಏಕೆಂದರೆ ಇದೇ ಕಾರಣಕ್ಕೆ ಆತ ಸುನಿಲ್​ನನ್ನು ಛೂ ಬಿಟ್ಟಿದ್ದಾನೆ.</p><img><p>ಇವೆಲ್ಲವುಗಳ ನಡುವೆ, ಇದೀಗ ನೆಟ್ಟಿಗರು ಪ್ರೊಮೋ ನೋಡಿ ನಿರ್ದೇಶಕರಿಗೆ ಮತ್ತು ಗೌತಮ್​ಗೆ ಐಡಿಯಾ ಕೊಟ್ಟಿದ್ದಾರೆ.</p><img><p>ಅದೇನೆಂದರೆ, ಜೈದೇವ್​ ಕೂಡ ಡಿವೋರ್ಸ್​ ಆಗದೇ ಮದುವೆಯಾಗಿದ್ದಾನೆ. ಈಗೊಂದು ವೇಳೆ ಮಲ್ಲಿ ಆತನ ವಿರುದ್ಧ ಕೇಸ್​ ದಾಖಲು ಮಾಡಿದರೆ ಹಿಂದೂ ವೈವಾಹಿಕ ಕಾಯ್ದೆಯ ಅಡಿ ಬಹುಪತ್ನಿತ್ವದ ಆಧಾರದ ಮೇಲೆ ಜೈದೇವ ಜೈಲಿಗೆ ಹೋಗ್ತಾನೆ.</p><img><p>ಒಂದು ವೇಳೆ ಡಿವೋರ್ಸ್​ ಕೊಟ್ಟಿಲ್ಲ ಎಂದರೆ ಕೇಸ್​ ಹಾಕಿಸ್ತೀನಿ ಎಂದು ಗೌತಮ್​ ಒಂದು ಮಾತು ಹೇಳಿದ್ದರೆ ಜೈದೇವ ಥರ ಥರ ನಡುಗಿ ಹೋಗ್ತಾನೆ. ಇಷ್ಟೂ ಮಾಡಲು ಗೊತ್ತಾಗಲ್ವಾ ಎಂದು ಗೌತಮ್​ಗೆ ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. ಬಹುಶಃ ಗೌತಮ್​ ಹಾಗೆ ಮಾಡಲೂಬಹುದು ಎನ್ನುವ ಊಹೆಯೂ ಇದೆ.</p>



Source link