'ಅವ್ರು ತಬ್ಬಿಕೊಳ್ಳುವಾಗ್ಲೇ ನಂಗೆ ಗೊತ್ತಾಗತ್ತೆ' ಎಂದು ವೇದಿಕೆ ಮೇಲೆ ಹೇಳಿ ತಬ್ಬಿಬ್ಬು ಮಾಡಿದ Rakshita Shetty

ಬಿಗ್​ಬಾಸ್​ ಖ್ಯಾತಿಯ ರಕ್ಷಿತಾ ಶೆಟ್ಟಿ ಇದೀಗ ‘ಗಿಚ್ಚಿ ಗಿಲಿಗಿಲಿ’ ಶೋನಲ್ಲಿ ತಮ್ಮ ಅರೆಬರೆ ಕನ್ನಡದಿಂದ ನಗೆಗಡಲಲ್ಲಿ ತೇಲಿಸಿದ್ದಾರೆ. ಈ ಹಿಂದೆ ತಾವು ರೈತನ ಮಗನನ್ನು ಮದುವೆಯಾಗುವುದಾಗಿ ಹೇಳಿಕೆ ನೀಡಿ ಗಮನ ಸೆಳೆದಿದ್ದ ರಕ್ಷಿತಾ, ಸೆಲೆಬ್ರಿಟಿಯಾದ ಮೇಲೂ ತಮ್ಮ ಮಾತಿಗೆ ಬದ್ಧರಾಗಿದ್ದಾರೆ.<img><p>ಬಿಗ್​ಬಾಸ್​ ಖ್ಯಾತಿಯ ರಕ್ಷಿತಾ ಶೆಟ್ಟಿ (Rakshita Shetty) ಮಾತನಾಡಿದ್ರು ಎಂದರೆ, ಅಲ್ಲೊಂದು ಏನೋ ಸುದ್ದಿ ಆಗಿಯೇ ಆಗುತ್ತದೆ ಎನ್ನುವುದಂತೂ ದಿಟ. ಇದೇ ಕಾರಣಕ್ಕೆ ಬಹುತೇಕ ಎಲ್ಲಾ ಯುಟ್ಯೂಬ್​ ಚಾನೆಲ್​ನವರೂ ಈಕೆಯನ್ನು ಕರೆಸಿ ಮಾತನಾಡುವುದು ಉಂಟು.</p><img><p>ಅರೆಬರೆ ಕನ್ನಡದಿಂದ ಎಲ್ಲರ ಮನಸ್ಸನ್ನು ಗೆದ್ದು, ಕದ್ದು, ಬಿಗ್​ಬಾಸ್​ನಂಥ ಷೋನಲ್ಲಿ ಘಟಾನುಘಟಿಗಳನ್ನು ಮಣಿಸಿ ಮೊದಲ ರನ್ನರ್​ ಅಪ್​ ಆದ ಮಂಗಳೂರು ಪುಟ್ಟಿ, ಇದೀಗ ಸಕತ್​ ಸೆಲೆಬ್ರಿಟಿಯಾಗಿದ್ದಾರೆ. ಅವಕಾಶಗಳ ಆಗರವೇ ಹರಿದು ಬರುತ್ತಿದೆ.</p><img><p>ಇದೀಗ ರಕ್ಷಿತಾ ಶೆಟ್ಟಿ ಗಿಚ್ಚಿ ಗಿಲಿಗಿಲಿ ಷೋನಲ್ಲಿ ಕಾಣಿಸಿಕೊಂಡಿದ್ದಾರೆ. ಬಿಗ್​ಬಾಸ್​ನಿಂದ ಬಂದ ಮೇಲೆ ಏನು ಬದಲಾವಣೆ ಆಯಿತು ಎಂದು ಪ್ರಶ್ನಿಸಿದಾಗ, ಎಲ್ಲರೂ ತಬ್ಬಿಕೊಳ್ಳುವಾಗಲೇ ನನಗೆ ಗೊತ್ತಾಗತ್ತೆ, ಎಷ್ಟು ಪ್ರೀತಿ ತೋರುತ್ತಾರೆ ಎಂದು ಎಂದಿದ್ದಾರೆ ರಕ್ಷಿತಾ.</p><img><p>ಇದನ್ನು ಕೇಳಿ ಜಡ್ಜಸ್​ ಸೇರಿ ಎಲ್ಲರೂ ಬಿದ್ದೂ ಬಿದ್ದೂ ನಕ್ಕಿದ್ದಾರೆ. ಇದೇ ಷೋನಲ್ಲಿ ಅಜ್ಜಿ ಪಾತ್ರದಲ್ಲಿ ರಕ್ಷಿತಾ ಶೆಟ್ಟಿ ನಟಿಸಿದ್ದಾರೆ. ಅಲ್ಲಿಯೂ ಅವರ ಅರೆಬರೆ ಕನ್ನಡದಿಂದ ಒಮ್ಮೆ ಕಾಮಿಡಿ ಸೀನ್​ ಕ್ರಿಯೇಟ್​ ಆಗಿದೆ. ಅದನ್ನು ಕಲರ್ಸ್​ ವಾಹಿನಿ ಶೇರ್​ ಮಾಡಿಕೊಂಡಿದೆ.</p><img><p>ಈ ಹಿಂದೆ ರಕ್ಷಿತಾ ತಾವು ಮದುವೆಯಾಗುವ ಹುಡುಗ ರೈತನ ಮಗ ಆಗಿರಬೇಕು ಎನ್ನುವ ಮೂಲಕ ಎಲ್ಲರ ಮಸನ್ಸನ್ನು ಗೆದ್ದಿದ್ದಾರೆ. ಸಾಮಾನ್ಯವಾಗಿ ಸೆಲೆಬ್ರಿಟಿ ಆದ ಬಳಿಕ ತಮ್ಮದೇ ಲೆವೆಲ್​ ಹುಡುಗನ ಕನಸು ಕಾಣ್ತಾರೆ. ಆದರೆ ರಕ್ಷಿತಾ ಮಾತ್ರ ಅದನ್ನು ಬಿಟ್ಟುಕೊಟ್ಟಿಲ್ಲ ಎನ್ನುವುದಕ್ಕೆ ಸಿಕ್ಕಾಪಟ್ಟೆ ಖುಷಿ ಪಟ್ಟುಕೊಳ್ಳುತ್ತಿದ್ದಾರೆ.</p>



Source link