ಜನವರಿ, ಮಾರ್ಚ್ 9: ಭಾರತದ ಬತ್ತಳಿಕೆಯಲ್ಲಿರುವ ಯುದ್ಧಾಸ್ತ್ರಗಳಲ್ಲಿ ಪ್ರಮುಖವಾಗಿರುವ ಬ್ರಹ್ಮೋಸ್ ಮಿಸೈಲ್ ಸಿಸ್ಟಂ (ಬ್ರಹ್ಮೋಸ್ ಕ್ಷಿಪಣಿ ವ್ಯವಸ್ಥೆ) ಅನ್ನು ಖರೀದಿಸಲು ಇಂಡೋನೇಷ್ಯಾ ಒಪ್ಪಂದ ಮಾಡಿಕೊಂಡಿದೆ. ಈ ವಿಚಾರವನ್ನು ಇಂಡೋನೇಷ್ಯಾದ ರಕ್ಷಣಾ ಸಚಿವಾಲಯದ ವಕ್ತಾರರಾದ ರಿಕೋ ರಿಕಾರ್ಡೊ ಸಿರಾಯ್ಟ್ ಅವರೇ ಖುದ್ದಾಗಿ ಮಾಹಿತಿ ನೀಡಿದ್ದಾರೆ. 2023ರಲ್ಲೇ ಭಾರತ ಮತ್ತು ಇಂಡೋನೇಷ್ಯಾ ನಡುವೆ ಈ ಒಪ್ಪಂದದ ಮಾತುಕತೆ ಅಂತಿಮ ಹಂತದಲ್ಲಿದೆ ಎಂದು ಹೇಳಲಾಗಿದೆ. ಈ ಡೀಲ್ ಸುಮಾರು 200 ಮಿಲಿಯನ್ ಡಾಲರ್ ನಿಂದ 350 ಮಿಲಿಯನ್ ಡಾಲರ್ ಇರಬಹುದು. ಅಂದರೆ ಸುಮಾರು 2,000 ಕೋಟಿ ರೂ ಮೊತ್ತದ ಡೀಲ್ ಇದಿರಬಹುದು.
ಆದರೆ, ಒಪ್ಪಂದದ ಸ್ವರೂಪ ಎಂಬುದು ಗೊತ್ತಾಗಿಲ್ಲ. ಭಾರತದ ವಕ್ತಾರರು ನೀಡಿರುವ ಮಾಹಿತಿ ಪ್ರಕಾರ, ತಮ್ಮ ಮಿಲಿಟರಿ ಭದ್ರತಾ ದೃಢೀಕರಣ ಮತ್ತು ರಕ್ಷಣಾ ಸಾಮರ್ಥ್ಯಕ್ಕಾಗಿ ಈ ಒಪ್ಪಂದವನ್ನು ಬಳಸಲಾಗಿದೆ. ಆದರೆ, ಅವರು ಈ ಡೀಲ್ನ ಒಟ್ಟು ಮೊತ್ತವೆಷ್ಟು ಎಂದು ನಿಖರವಾದ ಡಾಟಾ ಕೊಡಲು ನಿರಾಕರಿಸಿದ್ದಾರೆ.
ಇದನ್ನೂ ಓದಿ: ಆಯತೊಲ್ಲಾ ಅಲಿ ಖಮನೈ ಪುತ್ರನಿಗೆ ಇರಾನ್ ಸರ್ವೋಚ್ಚ ನಾಯಕನ ಪಟ್ಟ: ಟ್ರಂಪ್ ಮಹತ್ವದ ಎಚ್ಚರಿಕೆ
ಪಾಕಿಸ್ತಾನದ ವಿರುದ್ಧ ಭಾರತ ನಡೆಸಿದ ಆಪರೇಷನ್ ಸಿಂದೂರ್ ನಲ್ಲಿ ಬ್ರಹ್ಮೋಸ್ ಕ್ಷಿಪಣಿಯ ಸಾಮರ್ಥ್ಯ ಜಗಜ್ಜಾಹೀರಾಗಿತ್ತು. ಭಾರತದ ಡಿಆರ್ಡಿಒ ಮತ್ತು ರಷ್ಯಾದ ಎನ್ಪಿಒ ಮಶಿನೋಸ್ಟ್ರೋಯೇನಿಯಾ ಕಂಪನಿಗಳು ಜಂಟಿಯಾಗಿ ಬ್ರಹ್ಮೋಸ್ ಏರೋಸ್ಪೇಸ್ ಎಂಬ ಸಂಸ್ಥೆಯನ್ನು ಹುಟ್ಟುಹಾಕಿವೆ. ಬ್ರಹ್ಮೋಸ್ ಹೆಸರಿನಲ್ಲಿ ಭಾರತದ ಬ್ರಹ್ಮಪುತ್ರ ಮತ್ತು ರಷ್ಯಾದ ಮೋಸ್ಕವಾ ನದಿಗಳ ಹೆಸರು.
ಬ್ರಹ್ಮೋಸ್ ಕ್ಷಿಪಣಿ ಖರೀದಿಸಲು ವಿಶ್ವದ ಅನೇಕ ದೇಶಗಳು ಆಸಕ್ತವಾಗಿವೆ. 2022ರಲ್ಲಿ ಫಿಲಿಪೈನ್ಸ್ ದೇಶವು ಬ್ರಹ್ಮೋಸ್ ಖರೀದಿಗೆ ಡೀಲ್ ಮಾಡಿಕೊಂಡಿತ್ತು. ಇದೀಗ ಇಂಡೋನೇಷ್ಯಾದಿಂದ ಒಪ್ಪಂದವಾಗಿದೆ.
ಬ್ರಹ್ಮೋಸ್ ಕ್ಷಿಪಣಿಯನ್ನು ಹಡಗು, ಸಬ್ಮರೀನ್, ಮೊಬೈಲ್ ಲಾಂಚರ್ಸ್ ಮತ್ತು ಫೈಟರ್ ಜೆಟ್ಗಳಿಂದ ಹಾರಿಬಿಡಬಹುದು. ಇದಕ್ಕೆ ಗುರಿ ನಿಗದಿ ಮಾಡಿ ಬಿಟ್ಟರೆ ಸಾಕು ಬಹಳ ನಿಖರವಾಗಿ ಗುರಿ ಮುಟ್ಟುತ್ತದೆ.
ಇದನ್ನೂ ಓದಿ: ಬಹರೇನ್ ಅಮೆರಿಕನ್ ಫಿಫ್ತ್ ಫ್ಲೀಟ್ ಮೇಲೆ ಇರಾನ್ ದಾಳಿ; 21 ಸೈನಿಕರ ಹತ್ಯೆ
ಈ ಕ್ಷಿಪಣಿಯ ದೂರ ಶ್ರೇಣಿ ಮೂಲತಃ 290 ಕಿಮೀ ಇದೆ. ಇದನ್ನು 800 ಕಿಮೀವರೆಗೂ ವಿಸ್ತರಿಸುವ ಅವಕಾಶ ಇರುತ್ತದೆ. ರಾಡಾರ್ ಕಣ್ಣಿಂದ ತಪ್ಪಿಸಿಕೊಳ್ಳಲು ಇದು ಸಮುದ್ರದ ನೀರಿನಿಂದ ಕೇವಲ 3-10 ಮೀಟರ್ ಎತ್ತರದಲ್ಲಿ ತೂರಿ ಹೋಗಬಲ್ಲದು. 15 ಕಿಮೀ ಎತ್ತರದಲ್ಲೂ ಇದು ಹೋಗಬಹುದು.
ಬ್ರಹ್ಮೋಸ್ ಕ್ಷಿಪಣಿಯ ವೇಗ ಮ್ಯಾಕ್ 3 ಇದೆ. ಅಂದರೆ ಶಬ್ದಕ್ಕಿಂತ ಮೂರು ಪಟ್ಟು ಹೆಚ್ಚು ವೇಗದಲ್ಲಿ ಇದು ಕ್ರಮಿಸಬಲ್ಲುದು. ಎರಡನೇ ಆವೃತ್ತಿಯ ಬ್ರಹ್ಮೋಸ್ ತಯಾರಿಕೆ ನಡೆದಿದ್ದು ಇದು ಮ್ಯಾಕ್ 8 ವೇಗದಲ್ಲಿ ಸಾಗಬಲ್ಲುದು ಎಂದು ಹೇಳಲಾಗುತ್ತಿದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
