ಕೇವಲ ಕೆಲವೇ ಗಂಟೆಗಳ ಜೀವನ! ಜಗತ್ತಿನಲ್ಲಿ ಅತ್ಯಲ್ಪ ಆಯಸ್ಸು ಹೊಂದಿರುವ 5 ಜೀವಿಗಳು..!

ಕೆಲವು ಜೀವಿಗಳು ಹುಟ್ಟಿದ ಕೆಲವೇ ಗಂಟೆಗಳಲ್ಲಿ ಅಥವಾ ದಿನಗಳಲ್ಲಿ ತಮ್ಮ ಜೀವನವನ್ನು ಕೊನೆಗೊಳಿಸುತ್ತವೆ. ಮೇಫ್ಲೈ, ಲೂನಾ ಮಾತ್, ಮತ್ತು ಸೊಳ್ಳೆಗಳಂತಹ ಜೀವಿಗಳು ಅತ್ಯಂತ ಕಡಿಮೆ ಆಯಸ್ಸನ್ನು ಹೊಂದಿದ್ದು, ಸಂತಾನೋತ್ಪತ್ತಿಗಾಗಿಯೇ ತಮ್ಮ ಅಲ್ಪಾವಧಿಯ ಜೀವನವನ್ನು ಮುಡಿಪಾಗಿಡುತ್ತವೆ.<img><p>ನಿಸರ್ಗದಲ್ಲಿ ಪ್ರತಿಯೊಂದು ಜೀವಿಯೂ ತನ್ನದೇ ಆದ ಪಾತ್ರವನ್ನು ಹೊಂದಿದೆ. ತಮ್ಮ ಪಾಲಿನ ಕರ್ತವ್ಯವನ್ನು ಮುಗಿಸಿ ಈ ಜಗತ್ತಿನಿಂದ ಬೇಗನೆ ನಿರ್ಗಮಿಸುವ ಕೆಲವು ಜೀವಿಗಳಿವೆ. ಇವುಗಳಲ್ಲಿ ಕೆಲವು ಜೀವಿಗಳ ಆಯಸ್ಸು ಕೇವಲ ಒಂದು ದಿನವಾದರೆ, ಇನ್ನು ಕೆಲವು ಜೀವಿಗಳು ಕೇವಲ ಒಂದು ವಾರ ಬದುಕುತ್ತವೆ. ಹುಟ್ಟಿದ ತಕ್ಷಣವೇ ಜೀವನದ ಅಂತ್ಯ ಕಾಣುವ ಅಂತಹ 5 ಜೀವಿಗಳ ಬಗ್ಗೆ ಇಲ್ಲಿದೆ ಮಾಹಿತಿ..</p><img><p>ಈ ಜೀವಿಯು ಅತಿ ಕಡಿಮೆ ಅವಧಿಯ ಜೀವನ ನಡೆಸುವ ‘ವರ್ಲ್ಡ್ ರೆಕಾರ್ಡ್ ಹೋಲ್ಡರ್’. ವಯಸ್ಕವಾದ ನಂತರ ಮೇಫ್ಲೈಗಳಿಗೆ ಕೇವಲ 24 ಗಂಟೆಗಳು ಅಥವಾ ಅದಕ್ಕಿಂತ ಕಡಿಮೆ ಸಮಯ ಮಾತ್ರ ಬದುಕುವ ಅವಕಾಶವಿರುತ್ತದೆ. ಕೆಲವು ಮಾಹಿತಿಗಳ ಪ್ರಕಾರ ಹೆಣ್ಣು ಮೇಫ್ಲೈಗಳು ಕೇವಲ 5 ನಿಮಿಷ ಬದುಕಿದರೆ, ಗಂಡು ಮೇಫ್ಲೈಗಳು ಅಂದಾಜು 2 ದಿನ ಬದುಕಬಹುದು. ಇವುಗಳ ಸಂಪೂರ್ಣ ಗಮನ ಕೇವಲ ಸಂತಾನೋತ್ಪತ್ತಿಯ ಮೇಲಿರುತ್ತದೆ. ಆಶ್ಚರ್ಯವೆಂದರೆ, ಇವುಗಳಿಗೆ ಆಹಾರ ತಿನ್ನಲು ಬಾಯಿ ಕೂಡ ಇರುವುದಿಲ್ಲ! ಏಕೆಂದರೆ ಇವುಗಳ ಬಳಿ ತಿನ್ನಲು ಸಮಯವೇ ಇರುವುದಿಲ್ಲ.</p><img><p>ನೀರಿನಲ್ಲಿ ವಾಸಿಸುವ ಈ ಜೀವಿಯು ಎಷ್ಟು ಚಿಕ್ಕದಾಗಿರುತ್ತದೆ ಎಂದರೆ ಬರಿಗಣ್ಣಿಗೆ ಸರಿಯಾಗಿ ಕಾಣುವುದೂ ಇಲ್ಲ. ಇದರ ಆಯಸ್ಸು ಕೇವಲ ಮೂರರಿಂದ ನಾಲ್ಕು ದಿನಗಳಲ್ಲಿ ಮುಕ್ತಾಯವಾಗುತ್ತದೆ. ಇಷ್ಟು ಕಡಿಮೆ ಅವಧಿಯಲ್ಲೇ ಇವು ಬೆಳೆಯುತ್ತವೆ, ಮರಿಗಳಿಗೆ ಜನ್ಮ ನೀಡುತ್ತವೆ ಮತ್ತು ಸಾವನ್ನಪ್ಪುತ್ತವೆ.</p><img><p>ಅತ್ಯಂತ ಸುಂದರವಾಗಿ ಕಾಣುವ ಈ ಪತಂಗದ ಆಯಸ್ಸು ಕೇವಲ 7 ದಿನಗಳು ಮಾತ್ರ. ಆಶ್ಚರ್ಯದ ಸಂಗತಿಯೆಂದರೆ, ಇವು ವಯಸ್ಕವಾದ ನಂತರ ಏನನ್ನೂ ತಿನ್ನುವುದಿಲ್ಲ ಅಥವಾ ಕುಡಿಯುವುದಿಲ್ಲ. ಏಕೆಂದರೆ ಇವುಗಳಿಗೂ ಬಾಯಿ ಇರುವುದಿಲ್ಲ! ಇವುಗಳು ತಮ್ಮಲ್ಲಿರುವ ಅಲ್ಪಸ್ವಲ್ಪ ಶಕ್ತಿಯನ್ನು ತಮ್ಮ ಸಂಗಾತಿಯನ್ನು ಹುಡುಕಲು ಮಾತ್ರ ಬಳಸುತ್ತವೆ.</p><img><p>ಜಗತ್ತಿನಲ್ಲಿ ಸುಮಾರು 5,000 ಕ್ಕೂ ಹೆಚ್ಚು ಜಾತಿಯ ಡ್ರ್ಯಾಗನ್‌ ಫ್ಲೈಗಳಿವೆ. ಇವುಗಳ ಗರಿಷ್ಠ ಆಯಸ್ಸು ಕೇವಲ 4 ತಿಂಗಳುಗಳು. ಆದರೆ ಇವುಗಳ ಜೀವನದ ಬಹುಪಾಲು ಸಮಯವು ಲಾರ್ವಾ ಹಂತದಲ್ಲೇ ಕಳೆದುಹೋಗುತ್ತದೆ. ಒಮ್ಮೆ ರೆಕ್ಕೆಗಳು ಬಂದ ನಂತರ ಇವುಗಳು ತುಂಬಾ ಕಡಿಮೆ ದಿನಗಳು ಮಾತ್ರ ಬದುಕುತ್ತವೆ.</p><img><p>ಕಾಯಿಲೆಗಳನ್ನು ಹರಡುವ ಸೊಳ್ಳೆಗಳು ಕೂಡ ಅಲ್ಪಾಯುಷಿಗಳೇ. ಗಂಡು ಸೊಳ್ಳೆಗಳು ಕೇವಲ ಒಂದು ವಾರ ಮಾತ್ರ ಬದುಕುತ್ತವೆ. ಆದರೆ ಹೆಣ್ಣು ಸೊಳ್ಳೆಗಳು ಗಂಡು ಸೊಳ್ಳೆಗಳಿಗಿಂತ ಸ್ವಲ್ಪ ಹೆಚ್ಚು ದಿನಗಳ ಕಾಲ ಜೀವಿಸುತ್ತವೆ.</p>



Source link