Pudina Care Tips: ಬೇಸಿಗೆಯ ಉರಿ ಬಿಸಿಲಲ್ಲೂ ಪುದೀನಾ ಸೊಂಪಾಗಿ ಬೆಳೆಯಬೇಕೇ? ಈ ತರಕಾರಿಯ ಸಿಪ್ಪೆ ಬಳಸಿ

<p>Mint plant care summer Kannada: ಬೇಸಿಗೆ ಕಾಲ ಶುರುವಾಗುತ್ತಿದ್ದಂತೆ ಮನೆ ಮುಂದೆ ಅಥವಾ ಕುಂಡದಲ್ಲಿ ಬೆಳೆಸಿದ ಪುದೀನಾ ಗಿಡಗಳು ಬಾಡಿ ಹೋಗುವುದು ಸಾಮಾನ್ಯ. ಆದರೆ ಕೆಲವು ಮನೆಮದ್ದಿನ ಸಹಾಯದಿಂದ ಮೇ-ಜೂನ್ ತಿಂಗಳ ಬಿಸಿಲಲ್ಲೂ ಪುದೀನಾ ಗಿಡವನ್ನು ಹಸಿರಾಗಿ ಮತ್ತು ಸೊಂಪಾಗಿ ಇಡಬಹುದು.</p><p>&nbsp;</p><img><p>ಪುದೀನಾ ಸಾಮಾನ್ಯವಾಗಿ ಸೂರ್ಯನ ಬೆಳಕನ್ನು ಇಷ್ಟಪಡುವ ಗಿಡ. ಆದರೆ ಬೇಸಿಗೆಯ ತೀವ್ರ ಬಿಸಿಲು ಇದಕ್ಕೆ ಮಾರಕವಾಗಬಹುದು. ಸರಿಯಾದ ಗೊಬ್ಬರ, ನೀರು ಮತ್ತು ಬಿಸಿಲಿನ ನಿರ್ವಹಣೆ ಮಾಡಿದರೆ ನಿಮ್ಮ ಮನೆಯ ಪುದೀನಾ ಗಿಡವು ವರ್ಷಪೂರ್ತಿ ತಾಜಾ ಎಲೆಗಳನ್ನು ನೀಡುತ್ತದೆ.</p><img><p>ಮೇ ಮತ್ತು ಜೂನ್ ತಿಂಗಳಲ್ಲಿ ತಾಪಮಾನ 40-45 ಡಿಗ್ರಿ ತಲುಪಿದಾಗ, ಪುದೀನಾ ಗಿಡವನ್ನು ದಿನವಿಡೀ ಬಿಸಿಲಿನಲ್ಲಿ ಬಿಡಬೇಡಿ. ಬೆಳಗಿನ 3-4 ಗಂಟೆಗಳ ಕಾಲ ಮಾತ್ರ ಹಗುರವಾದ ಬಿಸಿಲು ತಗುಲುವಂತೆ ನೋಡಿಕೊಳ್ಳಿ. ಅತಿಯಾದ ಬಿಸಿಲು ಎಲೆಗಳನ್ನು ಸುಡುತ್ತದೆ ಮತ್ತು ಅವುಗಳ ಸುವಾಸನೆಯನ್ನು ಕಡಿಮೆ ಮಾಡುತ್ತದೆ.<strong>ಪಾಟ್‌: </strong>ನಿಮ್ಮ ಪುದೀನಾ ಪಾಟ್‌ನಲ್ಲಿದ್ದರೆ ಬಿಸಿಲು ಹೆಚ್ಚಾದಾಗ ಅದನ್ನು ಬಾಲ್ಕನಿ ಅಥವಾ ಕಿಟಕಿಯ ಹತ್ತಿರ ತಂಪಾದ ಜಾಗಕ್ಕೆ ಶಿಫ್ಟ್ ಮಾಡಿ.<strong>ಟೆರೇಸ್ ಗಾರ್ಡನ್: </strong>ಒಂದು ವೇಳೆ ನೀವು ಟೆರೇಸ್ ಗಾರ್ಡನ್ ಮಾಡುತ್ತಿದ್ದರೆ ಗಿಡದ ಮೇಲೆ ‘ಗ್ರೀನ್ ನೆಟ್’ಹಾಕುವುದರಿಂದ ಬಿಸಿಲಿನ ತಾಪವನ್ನು 50% ಕಡಿಮೆ ಮಾಡಬಹುದು.&nbsp;</p><img><p>ಪುದೀನಾ ವೇಗವಾಗಿ ಬೆಳೆಯಲು ಮಣ್ಣು ಸಡಿಲವಾಗಿರಬೇಕು. ಕುಂಡದಲ್ಲಿ ನೀರು ನಿಲ್ಲದಂತೆ ನೋಡಿಕೊಳ್ಳಿ. ಅಂತಹ ಮಣ್ಣಿನಲ್ಲಿ ಬೇರುಗಳು ಸುಲಭವಾಗಿ ಹರಡಿ ಗಿಡವು ಶೀಘ್ರವಾಗಿ ಬೆಳೆಯುತ್ತದೆ.</p><img><p>ನಿಮ್ಮ ಪುದೀನಾ ಗಿಡವು ಪೊದೆಯಂತೆ ದಟ್ಟವಾಗಿ ಬೆಳೆಯಬೇಕೆಂದರೆ, ಪ್ರತಿ 15 ದಿನಕ್ಕೊಮ್ಮೆ ಎಲೆಗಳ ಹತ್ತಿರವಿರುವ ಕಾಂಡದ ತುದಿಯನ್ನು ಸ್ವಲ್ಪ ಚಿವುಟುತ್ತಿರಿ. ಇದರಿಂದ ಹೊಸ ಕೊಂಬೆಗಳು ಚಿಗುರಿ, ಗಿಡವು ಹೆಚ್ಚು ಎಲೆಗಳಿಂದ ತುಂಬಿಕೊಳ್ಳುತ್ತದೆ.</p><img><p>ಪುದೀನಾ ಎಲೆಗಳನ್ನು ನಾವು ನೇರವಾಗಿ ಆಹಾರದಲ್ಲಿ ಬಳಸುವುದರಿಂದ ಯಾವುದೇ ಕಾರಣಕ್ಕೂ ಕೆಮಿಕಲ್ ಗೊಬ್ಬರಗಳನ್ನು ಬಳಸಬೇಡಿ. ಯಾವಾಗಲೂ ಸಾವಯವ ಗೊಬ್ಬರವನ್ನೇ ನೀಡಿ.</p><img><p>ಬೇಸಿಗೆಯಲ್ಲಿ ಪುದೀನಾಗೆ ಸೌತೆಕಾಯಿ ಸಿಪ್ಪೆಯಿಂದ ಮಾಡಿದ ಲಿಕ್ವಿಡ್ ಗೊಬ್ಬರ ಅತ್ಯಂತ ಪ್ರಯೋಜನಕಾರಿ.<strong>ತಯಾರಿಸುವ ವಿಧಾನ: </strong>2 ಸೌತೆಕಾಯಿ ಸಿಪ್ಪೆಯನ್ನು 1 ಲೀಟರ್ ನೀರಿನಲ್ಲಿ 24 ಗಂಟೆಗಳ ಕಾಲ ನೆನೆಸಿಡಿ. ಮರುದಿನ ಆ ನೀರನ್ನು ಸೋಸಿ ಗಿಡದ ಬುಡಕ್ಕೆ ಹಾಕಿ. ಇದರಲ್ಲಿರುವ ವಿಟಮಿನ್ C, A, K ಮತ್ತು ಪೊಟ್ಯಾಶಿಯಂ ಬೇರುಗಳಿಗೆ ತಂಪು ನೀಡುತ್ತದೆ.</p><img><p>ಬಳಸಿದ ಟೀ ಪುಡಿ ಅಥವಾ ಎರೆಗೊಬ್ಬರವನ್ನು (Vermicompost) ಬಳಸಬಹುದು. ಇದರಲ್ಲಿರುವ ಸಾರಜನಕವು ಎಲೆಗಳನ್ನು ಹಸಿರಾಗಿರಿಸುತ್ತದೆ ಮತ್ತು ಮಣ್ಣಿನಲ್ಲಿ ಆಮ್ಲಜನಕದ ಸಂಚಾರಕ್ಕೆ ಸಹಾಯ ಮಾಡುತ್ತದೆ.</p><img><p>ಪುದೀನಾ ಗಿಡಕ್ಕೆ ಯಾವಾಗಲೂ ‘ಸಂಜೆ’ ಅಥವಾ ‘ಬೆಳಗಿನ ಜಾವ’ ನೀರು ಹಾಕಿ. ಮಧ್ಯಾಹ್ನದ ಬಿಸಿಲಿನಲ್ಲಿ ನೀರು ಹಾಕುವುದರಿಂದ ಮಣ್ಣಿನ ಉಷ್ಣತೆ ಹೆಚ್ಚಾಗಿ ಬೇರುಗಳು ಹಾಳಾಗುವ ಸಂಭವವಿರುತ್ತದೆ.</p>



Source link