ಸರ್ಕಾರದಿಂದ ನಡೆಸಲಾಗುವ ವಿವಿಧ ಸಣ್ಣ ಉಳಿತಾಯ ಯೋಜನೆಗಳಲ್ಲಿ (ಸಣ್ಣ ಉಳಿತಾಯ ಯೋಜನೆಗಳು) ಹೆಚ್ಚು ಬಡ್ಡಿ ಕೊಡುವುದು ಸುಕನ್ಯಾ ಸಮೃದ್ಧಿ ಸ್ಕೀಮ್ (ಸುಕನ್ಯಾ ಸಮೃದ್ಧಿ ಯೋಜನೆ). 2014-15ರಲ್ಲಿ ಪ್ರಾರಂಭವಾದ ಈ ಯೋಜನೆ ಬಾಲಕಿಯರ ಭವಿಷ್ಯದ ಭದ್ರತೆಗೆಂದು ರೂಪಿಸಲಾಗಿದೆ. 10 ವರ್ಷದ ವಯಸ್ಸಿನ ಬಾಲಕಿಯರ ಹೆಸರಿನಲ್ಲಿ ಸುಕನ್ಯಾ ಸಮೃದ್ದಿ ಸ್ಕೀಮ್ನ ಅಕೌಂಟ್ ತೆರೆಯಬಹುದು. ಯಾವುದಾದರೂ ಬ್ಯಾಂಕ್ ಅಥವಾ ಅಂಚೆ ಕಚೇರಿಯಲ್ಲಿ ಈ ಅಕೌಂಟ್ ಪ್ರಾರಂಭಿಸಬಹುದು.
ಹೂಡಿಕೆ ಅವಧಿ 15 ವರ್ಷ ಇರುತ್ತದೆ. 21 ವರ್ಷಕ್ಕೆ ಮೆಚ್ಯೂರ್ ಆಗುತ್ತದೆ. ಅಂದರೆ, ಇವತ್ತು ನೀವು ಅಕೌಂಟ್ ತೆರೆದರೆ, 2031 ರವರೆಗಿನ ಪ್ರತೀ ವರ್ಷ ನೀವು ಒಂದೂವರೆ ಲಕ್ಷ ರೂವರೆಗೆ ಹೂಡಿಕೆಗೆ ಅವಕಾಶ ಇರುತ್ತದೆ. ಅದಾದ ಬಳಿಕ ಹೂಡಿಕೆ ನಿಲ್ಲಿಸಬೇಕು. ಆದರೆ, ಆ ಅಕೌಂಟ್ 21 ವರ್ಷಕ್ಕೆ ಚಾಲನೆಯಲ್ಲಿದೆ. ಅಂದರೆ 2037ಕ್ಕೆ ಮೆಚ್ಯೂರ್ ಆಗುತ್ತದೆ. ಅಲ್ಲಿಯವರೆಗೆ ವಾರ್ಷಿಕ ಬಡ್ಡಿ ಜಮೆ ಆಗುತ್ತಾ ಹೋಗುತ್ತದೆ.
ಇದನ್ನೂ ಓದಿ: ಕ್ರೆಡಿಟ್ ಕಾರ್ಡ್ ಇಎಂಐ, ಝೀರೋ ಕಾಸ್ಟ್ ಇಎಂಐ ಹಿಂದಿರುವ ಸೀಕ್ರೆಟ್ ವಿಚಾರಗಳು ಏನು ಗೊತ್ತಾ?
ಸುಕನ್ಯಾ ಸಮೃದ್ದಿ ಯೋಜನೆ 2014-15ರಲ್ಲಿ ಆರಂಭವಾಗಿದೆ. ಆ ವರ್ಷ 4.2 ಲಕ್ಷ ಮಂದಿ ಹೂಡಿಕೆ ಮಾಡಿದ್ದರು. 2024-25ರಲ್ಲಿ 4.25 ಕೋಟಿ ಅಕೌಂಟ್ಗಳು ಆರಂಭಗೊಂಡಿವೆ. ಹೆಚ್ಚೂಕಡಿಮೆ 3 ಲಕ್ಷ ಕೋಟಿ ರೂ ಹಣ ಹೂಡಿಕೆ ಆಗಿದೆ.
2014-15ರಲ್ಲಿ ಸುಕನ್ಯಾ ಸಮೃದ್ಧಿ ಸ್ಕೀಮ್ನಲ್ಲಿ ಶೇ. 9.1 ಬಡ್ಡಿ ನೀಡಲಾಗುತ್ತದೆ. 2015ರ ಏಪ್ರಿಲ್ 1 ರಂದು ಶೇ. 9.2ಕ್ಕೆ ಏರಿಸಲಾಯಿತು. ಅದಾದ ಬಳಿಕ ಬಡ್ಡಿಯಲ್ಲಿ ಏಳುಪೇರು ಬ್ಯಾಂಕ್. 2020ರ ಏಪ್ರಿಲ್ 1 ರಂದು ಶೇ. 7.6 ಬಡ್ಡಿ ಕನಿಷ್ಠ ಮಟ್ಟದ್ದಾಗಿದೆ. 2024ರ ಜನವರಿ 1 ರಿಂದ ಶೇ. 8.2 ಬಡ್ಡಿ ನಿಗದಿ ಮಾಡಲಾಗಿದೆ.
ಒಂದು ವೇಳೆ 2014-15ರಲ್ಲಿ ನೀವು ಈ ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಗರಿಷ್ಠ ಒಂದೂವರೆ ಲಕ್ಷ ರೂ ವಾರ್ಷಿಕ ಹೂಡಿಕೆ ಮಾಡಿದ್ದರೆ ನಿಮಗೆ ಎಷ್ಟು ರಿಟರ್ನ್ ಸಿಗಬಹುದು? ಅಲ್ಲಿಂದ ಇಲ್ಲಿಯವರೆಗೆ ಚಾಲ್ತಿಯಲ್ಲಿದ್ದ ಬಡ್ಡಿದರಗಳನ್ನು ಪರಿಗಣಿಸುತ್ತಾ, ಮತ್ತು ಈಗಿರುವ ಶೇ. 8.2ರ ಬಡ್ಡಿದರವೇ ಮುಂದುವರಿಯುತ್ತದೆ ಎಂದು ಭಾವಿಸುತ್ತಾ ಲೆಕ್ಕ ಹಾಕಿ ನೋಡಿ.
ಇದನ್ನೂ ಓದಿ: ಹೊಸ ಪ್ಯಾನ್ ನಿಯಮದಿಂದ ಹಿಡಿದು ಇನ್ಷೂರೆನ್ಸ್ ಪಾವತಿಯವರೆಗೆ, ಮಾರ್ಚ್ 31ಕ್ಕೆ ಡೆಡ್ಲೈನ್ ಇರುವ ಕೆಲವು ಪ್ರಮುಖ ಹಣಕಾಸು ಕಾರ್ಯಗಳು
2014-15ರಲ್ಲಿ ಹೂಡಿಕೆ ಆರಂಭಿಸಿದರೆ 2035-36ಕ್ಕೆ ಮೆಚ್ಯೂರ್ ಆಗುತ್ತದೆ. 15 ವರ್ಷದ ಪಾವತಿ ನೀವು ಮಾಡಿರುವ ಒಟ್ಟು ಹೂಡಿಕೆ 2.50 ಲಕ್ಷ ರೂ. ಅದು ವಾರ್ಷಿಕ ಒಂದೂವರೆ ಲಕ್ಷ ರೂ. 2035-36ರಲ್ಲಿ ನಿಮ್ಮ ಅಕೌಂಟ್ ಮೆಚ್ಯೂರ್ ಆದಾಗ ನಿಮಗೆ ಸಿಗುವ ಒಟ್ಟು ರಿಟರ್ನ್ 76 ಲಕ್ಷ ರೂ ಆಗಿರುತ್ತದೆ.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
