Bigg Boss ಮ್ಯೂಟಂಟ್​ ರಘುಗೆ ಹಾರ್ಟ್​ ಕೊಟ್ಟ ಅಶ್ವಿನಿ ಗೌಡ! ಅಲ್ಲಿ ಹಾವು-ಮುಂಗುಸಿ, ಇಲ್ಲಿ ನೋಡಿ ಮಜಾ

ಬಿಗ್​ಬಾಸ್​ 12ರಲ್ಲಿ ಅತಿ ಹೆಚ್ಚು ಜಗಳವಾಡಿದ್ದ ಅಶ್ವಿನಿ ಗೌಡ ಮತ್ತು ಮ್ಯೂಟಂಟ್​ ರಘು, ಶೋನಿಂದ ಹೊರಬಂದ ನಂತರ ತಮ್ಮ ವೈರತ್ವ ಮರೆತಿದ್ದಾರೆ. ಗಿಚ್ಚಿ ಗಿಲಿಗಿಲಿ ಷೋನಲ್ಲಿ ಒಂದಾದ ಇವರಿಬ್ಬರು, ಪರಸ್ಪರ ಹೊಗಳಿಕೊಂಡು, ಅಶ್ವಿನಿ ಅವರು ರಘುಗೆ ಲವ್​ ಮಾರ್ಕ್​ ತೋರಿಸುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.<img><p>ಬಿಗ್​ಬಾಸ್​ 12 (Bigg Boss 12)ನಲ್ಲಿ ಅತಿ ಹೆಚ್ಚು ಜಗಳ ಮಾಡಿದ್ದು ಯಾರು ಎಂದು ವೀಕ್ಷಕರನ್ನು ಕೇಳಿದರೆ ಮೊದಲಿಗೆ ಬರುವ ಹೆಸರು ಅಶ್ವಿನಿ ಗೌಡ. 2ನೇ ರನ್ನರ್​ ಅಪ್​ ಆಗಿ ಜಯಗಳಿಸಿದ ಅಶ್ವಿನಿ ಅವರು, ಬಿಗ್​ಬಾಸ್​ನಿಂದ ಹೊರಕ್ಕೆ ಬಂದ ಮೇಲೂ ಸಾಕಷ್ಟು ಸೌಂಡ್​ ಮಾಡಿದ್ದರು. ತಮ್ಮಂಥ ಸ್ಪರ್ಧಿ ಹಿಂದೆ ಬಂದಿಲ್ಲ, ಮುಂದೆ ಬರೋದಾದ್ರೆ ನನ್ನನ್ನು ಮೀರಿ ಹೋಗಬೇಕು ಎನ್ನುವ ಮೂಲಕ ವಿನ್ನರ್​, ಮೊದಲ ರನ್ನರ್​ ಅಪ್ ಬಗ್ಗೆ ಸಿಕ್ಕಾಪಟ್ಟೆ ಅಸಮಾಧಾನ ಹೊರಹಾಕಿದ್ದರು.</p><img><p>ಬಿಗ್​ಬಾಸ್​ ಮನೆಯಲ್ಲಿ ಇದ್ದಾಗ, ಇವರು ಬಹುತೇಕ ಎಲ್ಲರ ಜೊತೆಯಲ್ಲಿಯೂ ಜಗಳ ಮಾಡಿಕೊಂಡಿದ್ದಾರೆ. ಅವರಲ್ಲಿ ಒಬ್ಬರು ಮ್ಯೂಟಂಟ್​ ರಘು. ಇವರಿಬ್ಬರ ಜಗಳ ಒಂದು ಹಂತಕ್ಕೆ ಹೋದಾಗ ಹೋಗಲೇ, ಹೋಗೆ ಎನ್ನುವಂಥ ಏಕವಚನಕ್ಕೂ ಹೋಗಿತ್ತು.</p><img><p>ಅಷ್ಟಕ್ಕೂ ಬಿಗ್​ಬಾಸ್​ ಎನ್ನುವುದು ಒಂದು ಆಟ. ಆಟ, ಆಟಗಾರರು, ಸ್ಪರ್ಧೆ ಎಂದು ಬಂದಾಗ ಎಲ್ಲರಿಗೂ ಗೆಲ್ಲಬೇಕು ಎಂದು ಇರುತ್ತದೆ. ಆದ್ದರಿಂದ ಜಗಳ, ಪ್ರೀತಿ, ಪ್ರೇಮ, ಕೆಲವೊಮ್ಮೆ ನಾಟಕಗಳು, ಸ್ಕ್ರಿಪ್ಟೆಡ್​ ಮಾತುಗಳು ಎಲ್ಲವೂ ಮಾಮೂಲು ಎನ್ನುವುದು ಸ್ಪರ್ಧಿಗಳ ಮಾತು ಅನ್ನಿ.</p><img><p>ಇದೇ ಕಾರಣಕ್ಕೆ ಬಿಗ್​ಬಾಸ್​ ಮನೆಯಿಂದ ಹೊರಕ್ಕೆ ಬಂದ ಮೇಲೆ ಒಂದಷ್ಟು ದಿನ ಬಿಗ್​ಬಾಸ್​ ಮನೆಯಲ್ಲಿನ ಸಿಟ್ಟು ಇದ್ದರೂ, ದಿನಗಳೆದಂತೆ, ಆ ಕೋಪ ತಣ್ಣಗಾಗುತ್ತದೆ. ಸ್ಪರ್ಧಿಗಳೆಲ್ಲಾ ಒಂದಾಗುತ್ತಾರೆ. ಅದಕ್ಕೆ ಸಾಕ್ಷಿಯಾದದ್ದು ಗಿಚ್ಚಿ ಗಿಲಿಗಿಲಿ ಷೋ.</p><img><p>ಈ ಷೋನಲ್ಲಿ ಅಶ್ವಿನಿ ಗೌಡ (Bigg Boss Ashwini Gowda) ಮತ್ತು ಮ್ಯೂಟಂಟ್​ ರಘು ಅವರನ್ನು ಕರೆಸಲಾಗಿದೆ. ಬಿಗ್​ಬಾಸ್​ನ ಕರೆಕ್ಷನ್​ ಇಲ್ಲಿ ಮಾಡಬೇಕು ಎಂದು ಆ್ಯಂಕರ್​ ಅನುಪಮಾ ಗೌಡ ಹೇಳಿದಾಗ, ಇಬ್ಬರೂ ಅತ್ಯಂತ ಪ್ರೀತಿಯಿಂದ ಮಾತನಾಡಿದ್ದಾರೆ.</p><img><p>ಅಶ್ವಿನಿ ಅವರೇ ನೀವು ತುಂಬಾ ಚೆನ್ನಾಗಿ ಆಟ ಆಡ್ತಾ ಇದ್ದೀರಾ ಎಂದು ರಘು ಹೇಳಿದ್ರೆ, ಅಶ್ವಿನಿ ಅವ್ರು ನೀವು ತುಂಬಾ ಚೆನ್ನಾಗಿ ಕಾಣಿಸ್ತೀರಾ ಎಂದಿದ್ದಾರೆ. ಬಿಗ್​ಬಾಸ್​ ಇರೋದೇ ನಿಮಗೋಸ್ಕರ ಎಂದು ರಘು ಹೇಳಿದ್ರೆ, ಅಶ್ವಿನಿ ಇಲ್ಲಿ ತುಂಬಾ ಜನ ಜಗಳ ಆಡ್ತಾರೆ, ಜಗಳ ಎಂದ್ರೆ ನನಗೆ ಇಷ್ಟನೇ ಆಗಲ್ಲ ಎಂದಿದ್ದಾರೆ. ಅದಕ್ಕೆ ರಘು ನಾನು ಈಗ ಬಂದಿದ್ದೇನಲ್ಲ, ಎಲ್ಲಾ ಸರಿ ಆಗತ್ತೆ ಎಂದಾಗ ಅಶ್ವಿನಿ ಗೌಡ ಲವ್​ ಮಾರ್ಕ್​ ತೋರಿಸಿದ್ದಾರೆ.</p>



Source link