<p>ಕಿರೀಟಿ ರೆಡ್ಡಿ ಸಿನಿಮಾವನ್ನು ತನ್ನ ಲೆವಲ್ಲಿಗೆ ಏರಿಸಿಕೊಂಡಿಲ್ಲ, ತಾನೇ ಸಿನಿಮಾ ಲೆವಲ್ಲಿಗೆ ಇಳಿದಿದ್ದಾರೆ. ಡ್ಯಾನ್ಸ್, ಫೈಟ್, ಡೈಲಾಗ್ ಡೆಲಿವರಿ, ಸ್ಕ್ರೀನ್ ಅಪಿಯರೆನ್ಸ್ನಲ್ಲಿ ಕಿರೀಟಿ ರೆಡ್ಡಿ ‘ಜೂನಿಯರ್’ ಅಲ್ಲ.</p><img><p><strong>ಆರ್.ಕೇಶವಮೂರ್ತಿ</strong></p><p>ಒಂದು ಕಂಪ್ಲೀಟ್ ಕ್ಲಾರಿಟಿ ಹಾಗೂ ಕ್ವಾಲಿಟಿ ಇರೋ ಸಿನಿಮಾ. ಚಿತ್ರರಂಗಕ್ಕೆ ಪ್ರವೇಶಿಸುವ ನಟನೊಬ್ಬನ ಮೊದಲ ಹೆಜ್ಜೆ ಮತ್ತು ಮೊದಲ ಆಯ್ಕೆ ಹೇಗಿರಬೇಕು ಎಂಬುದಕ್ಕೆ ‘ಜೂನಿಯರ್’ ಚಿತ್ರದ ಮೂಲಕ ಒಂದು ಎಕ್ಸಾಂಪಲ್ ಸೆಟ್ ಮಾಡಿದ್ದಾರೆ ನಿರ್ದೇಶಕ ರಾಧಾಕೃಷ್ಣ ರೆಡ್ಡಿ.</p><img><p>ಫ್ಯಾಮಿಲಿ ಸೆಂಟಿಮೆಂಟ್, ತಂದೆ-ಮಗನ ಬಾಂಧವ್ಯ, ಅಕ್ಕನ ಎಮೋಷನ್, ಅಪ್ಪನ ತ್ಯಾಗ, ಇದೆಲ್ಲದರ ಜೊತೆಗೆ ಬಿಸಿ ರಕ್ತದ ಹುಡುಗನ ಸಾಹಸ ಮತ್ತು ಕನಸುಗಳು…. ಇಷ್ಟೂ ಅಂಶಗಳು ರುಚಿ ತಕ್ಕಷ್ಟು ಸಿನಿಮಾದೊಳಗೆ ಜಾಗ ಪಡೆದುಕೊಂಡು ಕತೆಯಾಗಿ ಪ್ರೇಕ್ಷಕನ ಮುಂದೆ ತೆರೆದುಕೊಳ್ಳುತ್ತದೆ.</p><img><p>ತಂದೆ-ಮಗನ ಕತೆಯಾಗಿ ಶುರುವಾಗಿ ಜನರೇಷನ್ ಗ್ಯಾಪ್ ನುಸುಳುತ್ತದೆ. ಪೋಷಕರು ಮತ್ತು ಮಕ್ಕಳ ನಡುವಿನ ಅಂತರ ಮತ್ತು ಆಲೋಚನೆಗಳಲ್ಲಿರುವ ವ್ಯತ್ಯಾಸಗಳನ್ನು ಹೇಳುತ್ತಿದ್ದಾರೆ ಎಂದುಕೊಂಡರೆ ತಂದೆಯೊಬ್ಬನ ಅಸಹಾಯಕತೆ ಮತ್ತು ಅನಿವಾರ್ಯತೆಗೆ ತ್ಯಾಗದ ಭಾವುಕ ನೆರಳು ಬಂದು ಎಚ್ಚರಿಸುತ್ತದೆ.</p><img><p>ಒಂದಿಷ್ಟು ತಿರುವುಗಳು, ಅಚ್ಚರಿಗಳನ್ನು ಹೇಳುತ್ತಲೇ ಸಾಗುವ ‘ಜೂನಿಯರ್’, ವಿಜಯಾ, ಅಭಿ, ಕೋದಂಡಪಾಣಿ ಎಂಬ ಮೂರು ಪಾತ್ರಗಳನ್ನು ನೆನಪಿಲ್ಲಿ ಉಳಿಸಿಬಿಡುತ್ತದೆ. ಈ ಸಿನಿಮಾದಲ್ಲಿ ಸಕಲ ತಯಾರಿ ಮಾಡಿಕೊಂಡು ಸ್ಕ್ರೀನ್ಗೆ ಎಂಟ್ರಿ ಕೊಟ್ಟಿರುವ ಕಿರೀಟಿ ರೆಡ್ಡಿಯ ಶ್ರಮ, ಪ್ರತಿಭೆ ಮಾತ್ರ ಕಾಣುತ್ತದೆ.</p><img><p>ಕಿರೀಟಿ ರೆಡ್ಡಿ ಸಿನಿಮಾವನ್ನು ತನ್ನ ಲೆವಲ್ಲಿಗೆ ಏರಿಸಿಕೊಂಡಿಲ್ಲ, ತಾನೇ ಸಿನಿಮಾ ಲೆವಲ್ಲಿಗೆ ಇಳಿದಿದ್ದಾರೆ. ಡ್ಯಾನ್ಸ್, ಫೈಟ್, ಡೈಲಾಗ್ ಡೆಲಿವರಿ, ಸ್ಕ್ರೀನ್ ಅಪಿಯರೆನ್ಸ್ನಲ್ಲಿ ಕಿರೀಟಿ ರೆಡ್ಡಿ ‘ಜೂನಿಯರ್’ ಅಲ್ಲ. ತಂದೆಯ ಪಾತ್ರದಲ್ಲಿ ರವಿಚಂದ್ರನ್ ಸೀನಿಯರ್ ಎನಿಸಿಕೊಂಡರೆ, ಅಕ್ಕನ ಪಾತ್ರದಲ್ಲಿ ಜೆನಿಲಿಯಾ ನಟನೆ ಮೆಚ್ಚುವಂತಹುದು.</p><img><p>ಶ್ರೀಲೀಲಾ ಚಿತ್ರದ ನಾಯಕಿ ಎನ್ನುವುದಕ್ಕಿಂತ ಅತಿಥಿ ಪಾತ್ರಧಾರಿ ಎನ್ನಬಹುದು. ಪರಿಚಿತ ಕನ್ನಡ ಧ್ವನಿಗಳು ಅಪರಿಚಿತ ತೆಲುಗು ನಟರಿಗೆ ಡಬ್ ಮಾಡಿರುವುದರಿಂದ ಆ ಪಾತ್ರಧಾರಿಗಳು ಪ್ರೇಕ್ಷಕನಿಗೆ ಅಷ್ಟಾಗಿ ಕನೆಕ್ಟ್ ಆಗಲ್ಲ. ಫ್ಯಾಮಿಲಿ, ಯೂತ್ಫುಲ್ ಸಿನಿಮಾ ನೋಡಬಯಸುವವರಿಗೆ ಈ ಸಿನಿಮಾ ರುಚಿಸುತ್ತದೆ.</p><p><strong>ಚಿತ್ರ: </strong>ಜೂನಿಯರ್<strong>ತಾರಾಗಣ: </strong>ಕಿರೀಟಿ ರೆಡ್ಡಿ, ರವಿಚಂದ್ರನ್, ಅಚ್ಯುತ್ ಕುಮಾರ್, ರಾವ್ ರಮೇಶ್, ಜೆನಿಲಿಯಾ, ಕಿರಣ್ ಶ್ರೀನಿವಾಸ್, ಶ್ರೀಲೀಲಾ<strong>ನಿರ್ದೇಶನ: </strong>ರಾಧಾಕೃಷ್ಣ ರೆಡ್ಡಿ<strong>ರೇಟಿಂಗ್: </strong>3</p>
Source link
ಹೇಗಿದೆ ಜೂನಿಯರ್ ಸಿನಿಮಾ? ಅಪ್ಪನ ತ್ಯಾಗ, ಮಗನ ಸಾಹಸ: ಕಿರೀಟಿ ರೆಡ್ಡಿಗೆ ಪರ್ಫೆಕ್ಟ್ ಲಾಂಚ್
