ನಗದು ವ್ಯವಹಾರಕ್ಕೆ ಹೊಸ ನಿಯಮ: ಕೈಸಾಲಕ್ಕೂ ಇನ್ನು ಕಂಡೀಷನ್‌; ಒಂದು ತಪ್ಪು, 100% ದಂಡ

<p>ಆದಾಯ ತೆರಿಗೆ ಇಲಾಖೆಯು ನಗದು ವ್ಯವಹಾರಗಳ ಮೇಲೆ ಕಠಿಣ ಮಿತಿಗಳನ್ನು ವಿಧಿಸಿದೆ. ದಿನನಿತ್ಯದ ವ್ಯವಹಾರ, ಆಸ್ತಿ ಖರೀದಿ, ಕೈಸಾಲ, ಮತ್ತು ಬಾಡಿಗೆ ಅಡ್ವಾನ್ಸ್ ಸೇರಿದಂತೆ ಹಲವು ವಹಿವಾಟುಗಳಿಗೆ ಮಿತಿ ನಿಗದಿಪಡಿಸಲಾಗಿದ್ದು, ನಿಯಮ ಉಲ್ಲಂಘಿಸಿದರೆ 100% ದಂಡ ತೆರಬೇಕಾಗುತ್ತದೆ.</p><img><p>ಆದಾಯ ತೆರಿಗೆ ಇಲಾಖೆಯ ನಿಯಮಗಳ ಪ್ರಕಾರ ನಗದು ವ್ಯವಹಾರಕ್ಕೆ ಸಂಬಂಧಿಸಿದಂತೆ ಅತ್ಯಂತ ಕಠಿಣವಾದ ಹೊಸ ಮಿತಿಗಳನ್ನು ಜಾರಿಗೆ ತರಲಾಗಿದೆ. ನಿಯಮ ಮೀರಿದರೆ ನೀವು ವ್ಯವಹಾರ ಮಾಡಿದ ಮೊತ್ತಕ್ಕೆ ಸಮನಾದ (100%) ದಂಡ ತೆರಬೇಕಾಗುತ್ತದೆ.</p><img><p>ಯಾವುದೇ ವ್ಯಾಪಾರಸ್ಥರು ಒಬ್ಬ ವ್ಯಕ್ತಿಯಿಂದ ಒಂದೇ ದಿನದಲ್ಲಿ 2 ಲಕ್ಷ ರೂಪಾಯಿಗಿಂತ ಹೆಚ್ಚು ನಗದು ಸ್ವೀಕರಿಸುವಂತಿಲ್ಲ. ಒಂದು ವೇಳೆ ಮಿತಿ ಮೀರಿದರೆ, ಆದಾಯ ತೆರಿಗೆ ಕಾಯ್ದೆಯಡಿ ಸ್ವೀಕರಿಸಿದ ಮೊತ್ತಕ್ಕೆ ಸಮನಾದ (100%) ದಂಡ ವಿಧಿಸಲಾಗುತ್ತದೆ.</p><img><p>ಪ್ರಾಪರ್ಟಿ ಡೀಲ್ ಮಾಡುವಾಗ 20,000 ರೂಪಾಯಿಗಿಂತ ಹೆಚ್ಚು ನಗದನ್ನು ಮುಂಗಡವಾಗಲಿ ಅಥವಾ ಪೂರ್ಣ ಹಣವಾಗಲಿ ನೀಡುವಂತಿಲ್ಲ. ಈ ಮಿತಿ ಮೀರಿದ ವ್ಯವಹಾರಕ್ಕೆ ಪೂರ್ಣ ಮೊತ್ತದಷ್ಟು ದಂಡ ಬೀಳಲಿದೆ.</p><img><p>ಒಂದು ವೇಳೆ ಆಸ್ತಿ ಖರೀದಿ ಒಪ್ಪಂದ (Property Deal) ರದ್ದಾದಲ್ಲಿ, ವಾಪಸ್ ನೀಡುವ ಹಣವು 20,000 ರೂ. ಮೀರಿದ್ದರೆ ಅದನ್ನು ನಗದು ರೂಪದಲ್ಲಿ ನೀಡುವಂತಿಲ್ಲ. ನೀಡಿದಲ್ಲಿ ಅಷ್ಟೇ ಮೊತ್ತದ ಪೆನಾಲ್ಟಿ ಅನ್ವಯವಾಗುತ್ತದೆ.</p><img><p>ವೈಯಕ್ತಿಕವಾಗಿ ನೀಡುವ ಅಥವಾ ತೆಗೆದುಕೊಳ್ಳುವ ಕೈಸಾಲದ ಮಿತಿ ಕೂಡ 20,000 ರೂ. ಮಾತ್ರ. ಈ ಮಿತಿಗಿಂತ ಹೆಚ್ಚು ನಗದು ರೂಪದಲ್ಲಿ ಸಾಲ ಪಡೆದರೂ ಅಥವಾ ಮರುಪಾವತಿ ಮಾಡಿದರೂ 100% ದಂಡ ಪಾವತಿಸಬೇಕಾಗುತ್ತದೆ.</p><img><p>ಬಾಡಿಗೆಗೆ ಮನೆ ಅಥವಾ ಕಚೇರಿ ಪಡೆಯುವಾಗ ನೀಡುವ ಸೆಕ್ಯುರಿಟಿ ಡಿಪಾಸಿಟ್ (Security Deposit) 20,000 ರೂ.ಗಿಂತ ಹೆಚ್ಚಿದ್ದರೆ ಅದನ್ನು ನಗದು ರೂಪದಲ್ಲಿ ನೀಡುವಂತಿಲ್ಲ. ನೀಡಿದಲ್ಲಿ ಅಷ್ಟೇ ಮೊತ್ತದ ದಂಡ ವಿಧಿಸಲು ಅವಕಾಶವಿದೆ.</p><img><p>ಬಾಡಿಗೆದಾರರು ಮನೆ ಖಾಲಿ ಮಾಡುವಾಗ ಮಾಲೀಕರು ಅಡ್ವಾನ್ಸ್ ಹಣವನ್ನು ಹಿಂತಿರುಗಿಸುವಾಗಲೂ ಎಚ್ಚರಿಕೆ ವಹಿಸಬೇಕು. 20,000 ರೂ.ಗಿಂತ ಹೆಚ್ಚಿನ ಮೊತ್ತವನ್ನು ನಗದು ರೂಪದಲ್ಲಿ ವಾಪಸ್ ನೀಡಿದರೂ ಕಠಿಣ ದಂಡ ಅನ್ವಯವಾಗುತ್ತದೆ.</p><img><p>ಒಬ್ಬ ವ್ಯಾಪಾರಸ್ಥರು ತಮ್ಮ ವ್ಯವಹಾರದ ಉದ್ದೇಶಕ್ಕಾಗಿ ಒಬ್ಬ ವ್ಯಕ್ತಿಗೆ ಒಂದೇ ದಿನದಲ್ಲಿ 10,000 ರೂ.ಗಿಂತ ಹೆಚ್ಚು ನಗದು ಪಾವತಿ ಮಾಡಿದರೆ, ಅಂತಹ ಪಾವತಿಯನ್ನು ಆದಾಯ ತೆರಿಗೆ ಲೆಕ್ಕಾಚಾರದಲ್ಲಿ ‘ಖರ್ಚು’ (Expense) ಎಂದು ಪರಿಗಣಿಸಲಾಗುವುದಿಲ್ಲ.</p>



Source link