ಮೊದಲ ಶತ್ರು ಎಂದರೆ ಪೈರಸಿ (ಪೈರಸಿ), ಅದರಿಂದ ಸಾವಿರಾರು ಕೋಟಿ ನಷ್ಟವಾಗುತ್ತಿದೆ ಎಂದು ಚಿತ್ರರಂಗದಲ್ಲಿ ದೂರವಾಗುತ್ತಾರೆ. ಆದರೆ ಅದೇ ಒಂದು ಪೈರಸಿ ಲಿಂಕಿನಿಂದ ಭಾರತೀಯ ಚಿತ್ರರಂಗಕ್ಕೆ ವಿಶೇಷವಾಗಿ ಬಾಲಿವುಡ್ಗೆ ಈವರೆಗೆ 5000 ಕೋಟಿ ಲಾಭವಾಗಿದೆ. ಬಹು ಕೋಟಿ ಲಾಭದ ಅವಕಾಶ ತೆರೆದುಕೊಂಡಿದೆ ಎಂಬುದು ಗೊತ್ತೇ? ಅದು ಹೇಗೆ ಸಾಧ್ಯ? ವಿವರ ಇಲ್ಲಿದೆ ನೋಡಿ…
ಚೀನಾ, ವಿಶ್ವದ ಅತಿ ದೊಡ್ಡ ಸಿನಿಮಾ ಮಾರುಕಟ್ಟೆಯಲ್ಲಿ ಒಂದು. ಚೀನಾ ಒಂದರಲ್ಲೇ 90 ಸಾವಿರಕ್ಕೂ ಹೆಚ್ಚು ಪರದೆಗಳು ಇವೆ. ಭಾರತದಲ್ಲಿ ಬಹಳ ಮಂದಿ ಇಲ್ಲಿ ಸಿನಿಮಾ ನೋಡುತ್ತಾರೆ. ಆದರೆ ಭಾರತದ ಸಿನಿಮಾಗಳು ಚೀನಾದಲ್ಲಿ ಬಿಡುಗಡೆ ಆಗುತ್ತಿದ್ದದ್ದೇ ಬಹಳ ಕಡಿಮೆ. 1951ರಲ್ಲಿ ರಾಜ್ ಕಪೂರ್ ಅವರ ‘ಆವಾರ’ ಸಿನಿಮಾ ಇಲ್ಲಿ ‘ಸಾಂಸ್ಕೃತಿಕ ವಿನಿಮಯ’ ಯೋಜನೆ ಪ್ರದರ್ಶನಗೊಂಡು ದೊಡ್ಡ ಹಿಟ್ ಆಗಿತ್ತು. ಇದೇ ಸಿನಿಮಾ ರಷ್ಯಾ, ಜಪಾನ್ಗಳಲ್ಲಿಯೂ ಭಾರಿ ಹಿಟ್ ಆಗಿದೆ. ಆದರೆ ಈ ಆ ಬಳಿಕ ಚೀನಾದಲ್ಲಿ ಭಾರತೀಯ ಸಿನಿಮಾಗಳು ಹೆಚ್ಚು ಸದ್ದು ಮಾಡಿರಲಿಲ್ಲ. ಆದರೆ 2009-10ರಲ್ಲಿ ಚಿತ್ರಣವೇ ಬದಲಾಯ್ತು. ಅದು ಒಂದು ಪೈರಸಿ ಲಿಂಕ್ ನಿಂದ.
2009 ರಲ್ಲಿ ಅಮೀರ್ ಖಾನ್ ನಟನೆಯ ‘3 ಇಡಿಯಟ್ಸ್’ ಸಿನಿಮಾ ಬಿಡುಗಡೆ ಆಯ್ತು. ಭಾರತದಲ್ಲಿ ಇದು ದೊಡ್ಡ ಹಿಟ್, ಚೈನಾದಲ್ಲಿ ಸಿನಿಮಾ ಬಿಡುಗಡೆ ಆಗಲಿಲ್ಲ. ಆದರೆ ಅಲ್ಲಿ ಕಾಲೇಜೊಂದರಲ್ಲಿ ಈ ಸಿನಿಮಾವನ್ನು ಪೈರಸಿ ಲಿಂಕ್ ಮೂಲಕ ಡೌನ್ ಲೋಡ್ ಮಾಡಿಕೊಂಡು ಕೆಲವು ಭಾರತೀಯ ವಿದ್ಯಾರ್ಥಿಗಳು ನೋಡಿದ್ದಾರೆ. ಅದು ಜೊತೆ ಹಬ್ಬಿತು. ಯಾವ ಮಟ್ಟಿಗಾಯಿತೆಂದರೆ ‘3 ಇಡಿಯಟ್ಸ್’ ಸಿನಿಮಾ ಚೀನಾದಲ್ಲಿ ಬಿಡುಗಡೆ ಆಗದಿದ್ದರೂ ಸಹ ‘ಚೀನಾದ ಅತ್ಯುತ್ತಮ ಸಿನಿಮಾಗಳಲ್ಲಿ 3 ಇಡಿಯಟ್ಸ್’ 12ನೇ ಸ್ಥಾನದಲ್ಲಿದೆ. ಭಾರತದ ರೀತಿಯಲ್ಲೇ ಶಿಕ್ಷಣಕ್ಕಾಗಿ ಅತಿಯಾಗಿ ಒತ್ತಾಯ ಮಾಡುವ, ಬಲವಂತದ ಶಿಸ್ತು ಹೇರುವ ದೇಶ ಚೀನಾ, ಇದರ ವಿರುದ್ಧ ಮಾತನಾಡುವ ‘3 ಇಡಿಯಟ್ಸ್’ ಸಿನಿಮಾ ಸಹಜವಾಗಿಯೇ ಅಲ್ಲಿನ ಜನರಿಗೆ ಬಹಳ ಇಷ್ಟವಾಯ್ತು.
ಇದನ್ನೂ ಓದಿ:ಚೀನಾದ ಡೆಹುವಾದದಲ್ಲಿ ಭೀಕರ ಅಗ್ನಿ ಅವಘಡ
ಆಮಿರ್ ಖಾನ್ ಅವರು ಚೀನಾದ ದೊಡ್ಡ ಸ್ಟಾರ್ ಆಗಿಬಿಟ್ಟರು. ಚೀನಾ ಜನ ಅಮೀರ್ ಅವರನ್ನು ‘ಅಂಕಲ್ ಅಮೀರ್’ ಎಂದು ಕರೆಯುತ್ತಾರೆ. ಚೀನಾದಲ್ಲಿ ಸೃಷ್ಟಿಯಾಗಿರುವ ತಮ್ಮ ಜನಪ್ರಿಯತೆಯಿಂದಾಗಿ ಆಮಿರ್ ತಮ್ಮ ಮುಂದಿನ ಸಿನಿಮಾ ‘ಪಿಕೆ’ಯನ್ನು ಅಲ್ಲಿ ರಿಲೀಸ್ ಮಾಡಿದರು. ಆ ಸಿನಿಮಾ ಸುಮಾರು 100 ಕೋಟಿ ಮಾಡಿತು. ಆದರೆ ಅದಾದ ಬಳಿಕ ‘ದಂಗಲ್’ ಸಿನಿಮಾ ಬಿಡುಗಡೆಯಾಯಿತು. ಅದು ಬ್ಲಾಕ್ ಬಸ್ಟರ್ ಆಯ್ತು. ಭಾರತದಲ್ಲಿ ಮತ್ತು ಇಡೀ ವಿಶ್ವದಲ್ಲಿ ಸಿನಿಮಾಗಳಿಗೆ ಮಾಡಿದ್ದ ಹೆಚ್ಚಿನ ಹಣವನ್ನು ‘ದಂಗಲ್’ ಸಿನಿಮಾ ಕೇವಲ ಚೀನಾದಲ್ಲಿ ಮಾತ್ರವೇ ಗಳಿಕೆ ಮಾಡಿದೆ. ಇದೇ ಕಾರಣಕ್ಕೆ 2016 ರಿಂದ ಈಗಿನ ವರೆಗೆ ‘ದಂಗಲ್’ ಭಾರತದ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ ಎನಿಸಿಕೊಂಡಿದೆ. ‘ಬಾಹುಬಲಿ’, ‘ಧುರಂಧರ’ ಸಹ ಅದನ್ನು ಬ್ರೇಕ್ ಮಾಡಲು ಆಗಿಲ್ಲ.
‘ದಂಗಲ್’ ಹಿಟ್ ಆಗಲು ಸಹ ಕಾರಣ ಇತ್ತು. ಚೀನಾದ ಸಿಂಗಲ್ ಚೈಲ್ಡ್ ಸಮಾಜದಿಂದಾಗಿ ಅಲ್ಲಿ ಹೆಣ್ಣು ಮಕ್ಕಳ ಪೋಷಕರಾದವರನ್ನು ತುಚ್ಛವಾಗಿ ನೋಡುತ್ತಿದ್ದರು, ಆದರೆ ‘ದಂಗಲ್’ನಲ್ಲಿ ಅಮೀರ್, ಹೆಣ್ಣು ಮಕ್ಕಳನ್ನೇ ಗಂಡು ಮಕ್ಕಳಂತೆ ಬೆಳೆಸಿದ ಸಿನಿಮಾ ಸಹಜವಾಗಿಯೇ ಚೀನಾದ ಪೋಷಕರಿಗೆ ತುಂಬಾ ಇಷ್ಟವಾಯ್ತು. ಸಿನಿಮಾ ಭಾರಿ ದೊಡ್ಡ ಗಳಿಕೆ ಮಾಡಿದೆ. ಅಮೀರ್, ಚೀನಾದಲ್ಲಿ ಇನ್ನೂ ದೊಡ್ಡ ಸ್ಟಾರ್ ಆಗಿಬಿಟ್ಟರು. ಬಳಿಕ ಅಮೀರ್ ಅವರ ‘ಸೀಕ್ರೆಟ್ ಸೂಪರ್ಸ್ಟಾರ್’ ಭಾರತದಲ್ಲಿ ಫ್ಲಾಪ್ ಆಯ್ತು, ಆದರೆ ಚೀನಾದಲ್ಲಿ ದೊಡ್ಡ ಹಿಟ್.
ಕೇವಲ ಅಮೀರ್ ಸಿನಿಮಾ, ಎಲ್ಲ ಒಳ್ಳೆಯ ಭಾರತೀಯ ಸಿನಿಮಾಗಳನ್ನು ಚೀನಾ ಜನ ನೋಡಲು ಆರಂಭಿಸಿದರು. ವಿಜಯ್ ಸೇತುಪತಿ ನಟನೆಯ ‘ಮಹಾರಾಜ’ ಸಿನಿಮಾ ಚೀನಾ ಬಾಕ್ಸ್ ಆಫೀಸ್ನಲ್ಲಿ ಮ್ಯಾಜಿಕ್ ಅನ್ನೇ ಮಾಡಿತು. 500 ಕೋಟಿಗೂ ಹೆಚ್ಚು ಮೊತ್ತವನ್ನು ಆ ಸಿನಿಮಾ ಚೀನಾದಲ್ಲಿ ಗಳಿಕೆ ಮಾಡಿತು. ಭಾರತದಲ್ಲಿ ಫ್ಲಾಪ್ ಆದ ‘ಹಿಂದಿ ಮೀಡಿಯಂ’ ಸಿನಿಮಾ ಸಹ ಚೀನಾದಲ್ಲಿ ದೊಡ್ಡ ಹಿಟ್, ಏಕೆಂದರೆ ಅದು ಇಂಗ್ಲಿಷ್ ಭಾಷೆಯ ಕಲಿಕೆ, ವಿಶೇಷ ಮತ್ತು ಮಕ್ಕಳ ನಡುವಿನ ಕತೆ ಹೊಂದಿತ್ತು.
ಸಲ್ಮಾನ್ ಖಾನ್ ನಟನೆಯ ‘ಭಜರಂಗಿ ಭಾಯಿಜಾನ್’, ‘ಅಂದಾಧುನ್’, ‘ಟಾಯ್ಲೆಟ್: ಏಕ್ ಪ್ರೇಮ್ ಕಥಾ’ ಇನ್ನೂ ಹಲವು ಸಿನಿಮಾಗಳು ಚೀನಾದಲ್ಲಿ ಭಾರಿ ಹಿಟ್ ಆದವು. ಇದಕ್ಕೆಲ್ಲ ಕಾರಣವಾಗಿದ್ದು ಒಂದು ಪೈರಸಿ ಲಿಂಕ್.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
