ಚಿನ್ನದ ಬೆಲೆ ಏರಿಕೆಯಿಂದಾಗಿ ಐತಿಹಾಸಿಕ ನಾಣ್ಯಗಳ ಮೇಲೆ ಆಸಕ್ತಿ ಬೆಳೆಸಿಕೊಂಡ ಲೇಖಕರು, ಆನ್ಲೈನ್ ಹರಾಜಿನಲ್ಲಿ ವಿಜಯನಗರ ಸಾಮ್ರಾಜ್ಯದ ಅಪರೂಪದ ನಾಣ್ಯಗಳನ್ನು ಹುಡುಕಲು ಆರಂಭಿಸುತ್ತಾರೆ.
ಎಚ್.ಟಿ. ಶಶಿಕಾಂತ್ ಇಂಗ್ಲೆಂಡ್
ಒಂದು ಸಮಯದಲ್ಲಿ ಜಾಗತಿಕ ಮಟ್ಟದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಏರಿಕೆಯಾಗುತ್ತಿದ್ದವು. ಆ ಸಮಯದಲ್ಲಿ ಅವು ನನಗೆ ಕೇವಲ ಅಂಕೆಗಳಷ್ಟೇ ಅನಿಸುತ್ತಿದ್ದವು. ಆದರೆ ಆ ಬೆಲೆಗಳು ನಿರಂತರವಾಗಿ ಏರಲು ಶುರುವಾದಾಗ, ನನ್ನೊಳಗೆ ಒಂದು ಹೊಸ ಆಸಕ್ತಿ ಹುಟ್ಟಿತು. ಹೀಗೆ ನಾನು ಆನ್ಲೈನ್ ಹರಾಜು ತಾಣಗಳನ್ನು ಗಮನಿಸಲು ಆರಂಭಿಸಿದ. ಹಣ ಹೂಡಿಕೆಗೆ ಮಾತ್ರವಲ್ಲ, ಇತಿಹಾಸವನ್ನು ಹಿಡಿದಿಟ್ಟಿರುವ ನಾಣ್ಯಗಳನ್ನು ಹುಡುಕಲು.
ಆ ಹರಾಜುಗಳಲ್ಲಿ ಕೆಲವು ಸಾಮಾನ್ಯ ಮಾದರಿಗಳು ಕಾಣಿಸುತ್ತಿದ್ದವು. ಗುಪ್ತರ ಕಾಲದ ನಾಣ್ಯಗಳು, ಮುಘಲರ ಸಾಮ್ರಾಜ್ಯದ ನಾಣ್ಯಗಳು, ಮತ್ತು ಟಿಪ್ಪು ಅವರ ಕಾಲದ ನಾಣ್ಯಗಳು ಸಾಮಾನ್ಯವಾಗಿ ದೊರೆಯುತ್ತವೆ. ಇನ್ನೂ ಮುಂದೆ ನೋಡಿದರೆ ರೋಮನ್ ಮತ್ತು ಬೈಜಾಂಟೈನ್ ನಾಣ್ಯಗಳೂ ಕಾಣಿಸುತ್ತವೆ. ಅವುಗಳೂ ಅದ್ಭುತವಾಗಿದ್ದರೂ, ನನಗೆ ಏನೋ ಅಪೂರ್ಣತೆ ಅನಿಸುತ್ತಿತ್ತು.
ವಿಜಯನಗರ ಸಾಮ್ರಾಜ್ಯದ ನಾಣ್ಯಗಳ ಅಪರೂಪತೆ
ನನ್ನನ್ನು ಅತ್ಯಂತ ಆಕರ್ಷಿಸಿದದ್ದು ವಿಜಯನಗರ ಸಾಮ್ರಾಜ್ಯದ ನಾಣ್ಯಗಳ ಅಪರೂಪತೆ. ದಕ್ಷಿಣ ಭಾರತದ ಸಾಂಸ್ಕೃತಿಕ ಮತ್ತು ಆರ್ಥಿಕ ಶಕ್ತಿಯ ಪ್ರತೀಕವಾಗಿದ್ದ ಆ ಮಹಾಸಾಮ್ರಾಜ್ಯದ ನಾಣ್ಯಗಳು ಹರಾಜುಗಳಲ್ಲಿ ವಿರಳವಾಗಿ ಮಾತ್ರ ಕಾಣಿಸುತ್ತಿದ್ದವು. ಇದೇ ಅಪರೂಪತೆ ನನ್ನ ಆಸಕ್ತಿಯನ್ನು ಮತ್ತಷ್ಟು ಹೆಚ್ಚಿಸಿತು.
ಅದೇ ಸಮಯದಲ್ಲಿ, ಲಕ್ಕುಂಡಿ ಎಂಬ ಐತಿಹಾಸಿಕ ಸ್ಥಳದಲ್ಲಿ ಪತ್ತೆಯಾದ ಖಜಾನೆಗಳ ಕುರಿತು ಓದಿದೆ. ಕರ್ನಾಟಕದ ಮಣ್ಣಿನಲ್ಲಿ ಇಷ್ಟು ವರ್ಷಗಳ ನಂತರವೂ ಚಿನ್ನದ ನಾಣ್ಯಗಳು ಸಿಗುತ್ತಿವೆ ಎಂಬ ವಿಚಾರವೇ ನನ್ನನ್ನು ಭಾವುಕರನ್ನಾಗಿಸಿತು. ಇದು ಇತಿಹಾಸವು ಇನ್ನೂ ಜೀವಂತವಾಗಿದೆ ಎಂಬ ಭಾವನೆ ನೀಡಿತು.
ಒಂದು ದಿನ, ನಾನು ಕಾಯುತ್ತಿದ್ದ ಕ್ಷಣ ಬಂತು.
ಹರಾಜಿನಲ್ಲಿ ವಿಜಯನಗರ ಸಾಮ್ರಾಜ್ಯದ ಚಿನ್ನದ ನಾಣ್ಯವೊಂದು ಕಾಣಿಸಿಕೊಂಡಿತು.ಅದು ಕೇವಲ ಒಂದು ನಾಣ್ಯವಲ್ಲ—it was the coin. ನನ್ನಲ್ಲಿ ಆಗಿದ್ದ ಉತ್ಸಾಹ, ಆತುರ, ಮತ್ತು ಅದನ್ನು ಪಡೆದುಕೊಳ್ಳಬೇಕೆಂಬ ತೀವ್ರ ಆಸೆ ಇನ್ನೂ ನೆನಪಿದೆ. ಇದು ಚಿನ್ನದ ಮೌಲ್ಯಕ್ಕಿಂತ ಹೆಚ್ಚಾಗಿ ಒಂದು ಇತಿಹಾಸದ ತುಣುಕಾಗಿತ್ತು. ವಿಜಯನಗರ ಕಾಲದಲ್ಲಿ ಇಂತಹ ಚಿನ್ನದ ನಾಣ್ಯಗಳು ಕೇವಲ ವ್ಯಾಪಾರಕ್ಕೆ ಮಾತ್ರ ಬಳಕೆ.
