ಗ್ಯಾಸ್ ಬೇಗ ಖಾಲಿಯಾಗುತ್ತಿದೆಯೇ? ಈ 5 ಸಿಂಪಲ್ ಟ್ರಿಕ್ಸ್ ಪಾಲಿಸಿದ್ರೆ 2 ವಾರ ಎಕ್ಸ್ಟ್ರಾ ಬರುತ್ತೆ

<p>Gas saving tips Kannada: ಅಡುಗೆ ಮಾಡುವಾಗ ನಾವು ಮಾಡುವ ಸಣ್ಣಪುಟ್ಟ ತಪ್ಪುಗಳಿಂದಾಗಿ ತಿಂಗಳು ಪೂರ್ತಿ ಬರಬೇಕಾದ ಗ್ಯಾಸ್ ಕೇವಲ ಇಪ್ಪತ್ತು ದಿನಕ್ಕೇ ಖಾಲಿಯಾಗುತ್ತಿದೆ. ಆದರೆ ಕೆಲವೇ ಕೆಲವು ಸರಳ ಬದಲಾವಣೆಗಳು ಸಿಲಿಂಡರ್ ಅನ್ನು ಒಂದಿಷ್ಟು ದಿನಗಳ ಕಾಲ ಉಳಿಸಬಹುದು.</p><img><p>ಇತ್ತೀಚಿನ ದಿನಗಳಲ್ಲಿ ಗ್ಯಾಸ್ ಬೆಲೆ ಏರಿಕೆ ಮತ್ತು ಪೂರೈಕೆಯ ಸಮಸ್ಯೆಯಿಂದಾಗಿ ಗ್ಯಾಸ್ ಅನ್ನು ಮಿತವಾಗಿ ಬಳಸುವುದು ಅನಿವಾರ್ಯವಾಗಿದೆ. ನಿಮ್ಮ ಮನೆಯ ಸಿಲಿಂಡರ್ ಅತಿ ಹೆಚ್ಚು ದಿನ ಬರಬೇಕೆಂದರೆ ಈ ಕೆಳಗಿನ ಸುಲಭ ವಿಧಾನಗಳನ್ನು ಅನುಸರಿಸಿ.</p><img><p>ಒಂದು ಬಟ್ಟೆಯನ್ನು ನೀರಿನಲ್ಲಿ ನೆನೆಸಿ ಸಿಲಿಂಡರ್ ಸುತ್ತಲೂ 2-3 ನಿಮಿಷ ಸುತ್ತಿಡಿ. ನಂತರ ಬಟ್ಟೆ ತೆಗೆದಾಗ ಸಿಲಿಂಡರ್‌ನ ಯಾವ ಭಾಗ ಬೇಗ ಒಣಗುತ್ತದೆಯೋ ಅಲ್ಲಿ ಗ್ಯಾಸ್ ಖಾಲಿಯಾಗಿದೆ ಎಂದು ಅರ್ಥ. ಎಲ್ಲಿ ತೇವಾಂಶ ಉಳಿದಿದೆಯೋ ಅಲ್ಲಿ ಗ್ಯಾಸ್ ಇದೆ ಎಂದು ನೀವು ಸುಲಭವಾಗಿ ಪತ್ತೆಹಚ್ಚಬಹುದು.</p><img><p>ಗ್ಯಾಸ್ ಸ್ಟೌವ್‌ನ ಬರ್ನರ್ ರಂಧ್ರಗಳಲ್ಲಿ ಕೊಳೆ ಅಥವಾ ಎಣ್ಣೆ ಅಂಶವಿದ್ದರೆ ಉರಿ ಸರಿಯಾಗಿ ಬರುವುದಿಲ್ಲ. ಇದರಿಂದ ಗ್ಯಾಸ್ ವ್ಯರ್ಥವಾಗುತ್ತದೆ. ಆದ್ದರಿಂದ ನಿಯಮಿತವಾಗಿ ಬರ್ನರ್ ಅನ್ನು ಸ್ವಚ್ಛಗೊಳಿಸುತ್ತಿರಿ.</p><img><p>ಅಡುಗೆ ಮಾಡುವಾಗ ಯಾವಾಗಲೂ ಗ್ಯಾಸ್ ಉರಿಯನ್ನು ಹೆಚ್ಚಾಗಿ ಇಡಬೇಡಿ. ಸಾಧ್ಯವಾದಷ್ಟು ಕಡಿಮೆ ಅಥವಾ ಮಧ್ಯಮ ಉರಿಯಲ್ಲಿ ಅಡುಗೆ ಮಾಡುವುದರಿಂದ ಗ್ಯಾಸ್ ಉಳಿತಾಯವಾಗುತ್ತದೆ ಮತ್ತು ಆಹಾರವೂ ಚೆನ್ನಾಗಿ ಬೇಯುತ್ತದೆ.</p><img><p>ಅಡುಗೆ ಮಾಡುವಾಗ ಪಾತ್ರೆಯ ಮೇಲೆ ಯಾವಾಗಲೂ ತಟ್ಟೆ ಅಥವಾ ಮುಚ್ಚಳವನ್ನು ಮುಚ್ಚಿಡಿ. ಇದರಿಂದ ಹಬೆಯು (Steam) ಒಳಗೇ ಉಳಿದು ಆಹಾರ ಬೇಗ ಬೇಯುತ್ತದೆ, ಇದರಿಂದ ಗ್ಯಾಸ್ ಬಳಕೆಯೂ ಕಡಿಮೆಯಾಗುತ್ತದೆ.</p><img><p>ಸಿಲಿಂಡರ್ ಖಾಲಿಯಾಗುವ ಹಂತದಲ್ಲಿದ್ದಾಗ ಉರಿ ಸಣ್ಣದಾಗಿ ಬರುತ್ತದೆ. ಅಂತಹ ಸಮಯದಲ್ಲಿ ಒಂದು ಬಕೆಟ್‌ನಲ್ಲಿ ಬಿಸಿ ನೀರು ಹಾಕಿ ಅದರೊಳಗೆ ಸಿಲಿಂಡರ್ ಇಟ್ಟರೆ, ಒಳಗಿರುವ ಗ್ಯಾಸ್ ಪೂರ್ತಿಯಾಗಿ ಬಳಕೆಯಾಗುತ್ತದೆ. ಇದರಿಂದ ಇನ್ನೂ 1-2 ದಿನಗಳ ಕಾಲ ಗ್ಯಾಸ್ ಪಡೆಯಬಹುದು.</p>



Source link