ಜನವರಿ, ಏಪ್ರಿಲ್ 2: ಭಾರತದಲ್ಲಿ ಎರಡನೇ ಅತಿದೊಡ್ಡ ಟೆಲಿಕಾಂ ಆಪರೇಟರ್ ಎನಿಸಿರುವ ಭಾರ್ತಿ ಏರ್ಟೆಲ್ (ಭಾರತಿ ಏರ್ಟೆಲ್), ವಿಶ್ವದಲ್ಲೂ ನಂಬರ್ 2 ಎನಿಸಿದೆ. ಏರ್ಟೆಲ್ ಜಾಗತಿಕ ಗ್ರಾಹಕರ ಸಂಖ್ಯೆ (ಚಂದಾದಾರರ ಆಧಾರ) 65 ಕೋಟಿ ಗಡಿ ದಾಟಿದೆ. ಈ ಭಾರ್ತಿ ಏರ್ಟೆಲ್ ಸಂಸ್ಥೆಯು ಮಾಹಿತಿಯನ್ನು ಪ್ರಕಟಿಸಿದೆ. ಅತಿಹೆಚ್ಚು ಬಳಕೆದಾರರನ್ನು ಹೊಂದಿರುವ ಕಂಪನಿಗಳಲ್ಲಿ ಏರ್ಟೆಲ್ ಎರಡನೇ ಸ್ಥಾನದಲ್ಲಿದೆ. ಆ ಸ್ಥಾನಕ್ಕೆ ಜಿಯೋವನ್ನು ಹಿಂದಿಕ್ಕಿದೆ. ಏರ್ಟೆಲ್ ಸಂಸ್ಥೆ ಭಾರತದಲ್ಲಿ 368 ಮಿಲಿಯನ್ ಮೊಬೈಲ್ ಯೂಸರ್ಗಳನ್ನು ಹೊಂದಿದೆ. ಉಳಿದವರು ಆಫ್ರಿಕಾದ ವಿವಿಧ ದೇಶಗಳಲ್ಲಿದ್ದಾರೆ.
ಭಾರತಿ ಏರ್ಟೆಲ್ನ ಅಂಗಸಂಸ್ಥೆಯಾದ ಏರ್ಟೆಲ್ ಆಫ್ರಿಕಾ 14 ದೇಶಗಳ ಗ್ರಾಹಕರ ಬಳಗ. ಅಂದರೆ, ಆಫ್ರಿಕಾ ಖಂಡದ 14 ವಿವಿಧ ದೇಶಗಳಲ್ಲಿ ಏರ್ಟೆಲ್ ಆಫ್ರಿಕಾ ಟೆಲಿಕಾಂ ಸರ್ವಿಸ್ ಇದೆ. ಆ 14 ದೇಶಗಳಲ್ಲಿ ಏರ್ಟೆಲ್ ಗ್ರಾಹಕರು ಸಂಖ್ಯೆ 17.9 ಕೋಟಿಯಷ್ಟಿದೆ. ಇದು ಜಿಎಸ್ಎಮ್ಎ ಇಂಟೆಲಿಜೆನ್ಸ್ ಸಂಸ್ಥೆ ಬಿಡುಗಡೆ ಮಾಡಿದ ದತ್ತಾಂಶದಿಂದ ಷೇರುಗಳು.
ಇದನ್ನೂ ಓದಿ: ಕಮರ್ಷಿಯಲ್ ಬ್ಯಾಂಕ್ಗಳ ಎಫ್ಡಿಗಿಂತ ಹೆಚ್ಚು ರಿಟರ್ನ್ಸ್ ಕೊಡುತ್ತೆ ಈ ಪೋಸ್ಟ್ ಆಫೀಸ್ ಡೆಪಾಸಿಟ್
ಕೋಟಕ್ ಈಕ್ವಿಟೀಸ್ ನ ವರದಿಯ ಪ್ರಕಾರ ಏರ್ಟೆಲ್ನ ಸಬ್ ಸ್ಕ್ರೈಬರ್ ಬೇಸ್ ಸ್ಥಿರವಾಗಿ ಹೆಚ್ಚುತ್ತಿದೆ. ಅದರ ಡಾಟಾ ಬಳಕೆದಾರರ ಪ್ರಮಾಣ ವರ್ಷಕ್ಕೆ ಶೇ. 9.7ರ ದರದಲ್ಲಿ ಹೆಚ್ಚುತ್ತಿದೆ. ಇದು ಏರ್ಟೆಲ್ ಬ್ಯುಸಿನೆಸ್ ಲಾಭವನ್ನು ಹೆಚ್ಚಿಸುತ್ತಿದೆ.
ಭಾರತದಲ್ಲಿ ಜಿಯೋ ನಂಬರ್ ಒನ್
ಭಾರತದಲ್ಲಿ ರಿಲಯನ್ಸ್ ಜಿಯೋ ಸಂಸ್ಥೆ ನಂಬರ್ ಒನ್ ಟೆಲಿಕಾಂ ಆಪರೇಟರ್ ಎಂಬ ದಾಖಲೆ ಮುಂದುವರಿಸಿದೆ. ಜಿಯೋದ ಗ್ರಾಹಕರ ಬಳಗ 50 ಕೋಟಿಗೂ ಅಧಿಕ. ಏರ್ಟೆಲ್ನ ಹೊಚ್ಚ ಹೊಸ ದತ್ತಾಂಶ ಪ್ರಕಟವಾಗುವವರೆಗೂ ಜಿಯೋ ವಿಶ್ವದ ಎರಡನೇ ಅತಿದೊಡ್ಡ ಟೆಲಿಕಾಂ ಆಪರೇಟರ್ ಎನಿಸಿತ್ತು. ಈಗ ಅದು ಮೂರನೇ ಸ್ಥಾನಕ್ಕೆ ಇಳಿದಿದೆ. ಆದರೆ, ಭಾರತದಲ್ಲಿ ಮಾತ್ರ ನಂಬರ್ ಒನ್ ಎನಿಸಿದೆ.
ಇದನ್ನೂ ಓದಿ: ಏಪ್ರಿಲ್ 2026 ನಿಯಮಗಳ ಬದಲಾವಣೆಗಳು: ಡಿಜಿಟಲ್ ಪಾವತಿ, ಪ್ಯಾನ್ ಇತ್ಯಾದಿ ನಿಯಮಗಳಲ್ಲಿ ಬದಲಾವಣೆ; ಆರ್ಬಿಐಯಿಂದ ಹೊಸ ಗೈಡ್ಲೈನ್ಸ್ ತಿಳಿದಿರಿ
ವಿಶ್ವದ ಟಾಪ್ ಟೆಲಿಕಾಂ ಕಂಪನಿಗಳು ಮತ್ತು ಗ್ರಾಹಕ ಬಳಗ
- ಚೈನಾ ಮೊಬೈಲ್: 100 ಕೋಟಿಗೂ ಅಧಿಕ ಗ್ರಾಹಕರು
- ಭಾರತಿ ಏರ್ಟೆಲ್: 65 ಕೋಟಿಗೂ ಅಧಿಕ ಗ್ರಾಹಕರು
- ರಿಲಯನ್ಸ್ ಜಿಯೋ: 50 ಕೋಟಿಗೂ ಅಧಿಕ ಗ್ರಾಹಕರು
- ಚೈನಾ ಟೆಲಿಕಾಂ: 42 ಕೋಟಿಗೂ ಅಧಿಕ ಗ್ರಾಹಕರು
- ಚೈನಾ ಯೂನಿಕಾಂ: 35 ಕೋಟಿ ಗ್ರಾಹಕರು
- ಟೆಲಿಫೋನಿಕಾ, ಬ್ರಿಟನ್: 34 ಕೋಟಿಗೂ ಅಧಿಕ ಗ್ರಾಹಕರು
- ಅಮೆರಿಕ ಮೋವಿಲ್, ಮೆಕ್ಸಿಕೋ: 32 ಕೋಟಿಗೂ ಅಧಿಕ ಗ್ರಾಹಕರು
- ವೊಡಾಫೋನ್ ಗ್ರೂಪ್, ಬ್ರಿಟನ್: 30 ಕೋಟಿಗೂ ಅಧಿಕ ಗ್ರಾಹಕರು
- ಎಂಟಿಎನ್ ಗ್ರೂಪ್, ದಕ್ಷಿಣ ಆಫ್ರಿಕಾ: 29 ಕೋಟಿಗೂ ಅಧಿಕ ಗ್ರಾಹಕರು
- ದ್ಯೂಷೆ ಟೆಲಿಕಾಂ (Deutshe Telekom), ಎಟಿ ಅಂಡ್ ಟಿ, ವೆರಿಜಾನ್
ಹೆಚ್ಚಿನ ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
