ಚಂದ್ರನ ಬಳಿ ಪ್ರಯಾಣ ನಡುವೆ ಬಾಹ್ಯಾಕಾಶದಿಂದ ಭೂಮಿಯ ಅದ್ಭುತ ದೃಶ್ಯ ಸೆರೆ ಹಿಡಿದ ನಾಸಾ

<p>ಚಂದ್ರನ ಬಳಿ ಪ್ರಯಾಣ ನಡುವೆ ಬಾಹ್ಯಾಕಾಶದಿಂದ ಭೂಮಿಯ ಅದ್ಭುತ ದೃಶ್ಯ ಸೆರೆ ಹಿಡಿದ ನಾಸಾ, ವಿಜ್ಞಾನಿಗಳ ತಂಡ ಆರ್ಟಮೆಸ್ 2 ಮೂಲಕ ಮಹತ್ತರ ಸಂಶೋಧನೆಯಲ್ಲಿ ತೊಡಗಿದ್ದಾರೆ. ಇದರ ನಡುವೆ ಭೂಮಿ ದೃಶ್ಯ ಕುತೂಹಲಕ್ಕೆ ಕಾರಣವಾಗಿದೆ.</p><img><p>ಬಾಹ್ಯಾಕಾಶದಿಂದ ಈಗಾಗಲೇ ನಾಸಾ, ಇಸ್ರೋ ಭೂಮಿಯ ಹಲವು ದೃಶ್ಯಗಳನ್ನು ಸೆರೆ ಹಿಡಿದಿದೆ. ಇದೀಗ ನಾಸಾದ ಆರ್ಟೆಮಿಸ್ 2 ನೌಕೆ ಮಹತ್ತರ ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿದೆ. ಚಂದಿರನ ಬಳಿಗೆ ತೆರಳಿರುವ ಈ ಗಗನಯಾತ್ರಿಗಳು ಬಾಹ್ಯಾಕಾಶದಿಂದ ಭೂಮಿ ದೃಶ್ಯ ಸೆರೆ ಹಿಡಿದು ಕಳುಹಿಸಿದ್ದಾರೆ. ಭೂಮಿಯ ಅದ್ಭುತ ಚಿತ್ರ ಕುತೂಹಲಕ್ಕೆ ಕಾರಣಾಗಿದೆ.</p><img><p>ಆರ್ಟೆಮಿಸ್ 2 ಮಿಷನ್ ಭಾಗವಾಗಿ ಗಗನಯಾತ್ರಿಗಳು ಒರಿಯನ್ ಕ್ಯಾಪ್ಸೂಲ್ ನೌಕೆಯಲ್ಲಿ ಪ್ರಯಾಣ ಬೆಳೆಸಿದ್ದಾರೆ. ಎರಡು ಫೋಟೋಗಳನ್ನು ಹಂಚಿಕೊಳ್ಳಲಾಗಿದೆ. ಮೊದಲ ಫೋಟೋದಲ್ಲಿ ಭೂಮಿಯ ಒಂದಷ್ಟು ಭಾಗ ಕಾಣಿಸುತ್ತಿರುವ ಫೋಟೋ ಇದಾಗಿದೆ. ಒರಿಯನ್ ನೌಕೆಯಿಂದ ಇಣುಕಿ ನೋಡಿದಾಗ ಭೂಮಿಯ ಒಂದು ಸಣ್ಣ ಭಾಗ ಕಾಣಿಸುವ ಫೋಟೋ ಇಧಾಗಿದೆ.</p><img><p>ಮತ್ತೊಂದು ಫೋಟೋದಲ್ಲಿ ಸಂಪೂರ್ಣ ಭೂಮಿಯ ಚಿತ್ರವಿದೆ. ನೀಲಿ ಬಣ್ಣದ ಭೂಮಿಯ ಮೇಲೆ ಬಿಳಿ ಮೋಡಗಳು ಆವೃತಗೊಂಡಿದೆ. ವಿಶಾಲದ ಪ್ರದೇಶವೂ ಗೋಚರಿಸುತ್ತಿದೆ. ಕೆಲೆವೆಡೆ ಹಸಿರು ಹಾಗೂ ಬಹುತೇಕ ಭಾಗ ನೀಲಿ ಬಣ್ಣದಿಂದ ಕೂಡಿದೆ. ಭೂಮಿಯ ಈ ದೃಶ್ಯ ಸಂಶೋಧಕರಿಗೂ ಅಧ್ಯಯನಕ್ಕೆ ಮಹತ್ವದ ದಾಖಲೆಯಾಗಿದೆ.</p><img><p>ಈ ಕುರಿತ ಅನುಭವವನ್ನು ನಾಸಾ ಗಗನಯಾತ್ರಿಗಳು ಹಂಚಿಕೊಂಡಿದ್ದಾರೆ. ಮಿಷನ್ ಕಮಾಂಡರ್ ರೀಡ್ ವೈಸ್‌ಮನ್ ಸಂತಸ ವ್ಯಕ್ತಪಡಿಸಿದ್ದಾರೆ. ನಮ್ಮ ಮನೆ ಭೂಮಿಯನ್ನು ಇಷ್ಟು ಎತ್ತರಿಂದ ನೋಡುತ್ತಿದ್ದೇವೆ. ಸೂರ್ಯನ ಬೆಳಕಿನಲ್ಲಿ ಭೂಮಿ ಮಿನುಗುತ್ತಿರುವುದು ಅತ್ಯಂತ ಸುಂದರವಾಗಿ ಕಾಣಿಸುತ್ತಿದೆ ಎಂದಿದ್ದಾರೆ.</p><img><p>ಆರ್ಟೆಮಿಸ್ 2 ಮಿಷನ್ ಗಗನಯಾನ ಸುಮಾರು 10 ದಿನಗಳ ಕಾಲ ನಡೆಯಲಿದೆ. ಏಪ್ರಿಲ್ 1 ರಂದು ನಾಲ್ಕು ಗಗನಯಾತ್ರಿಗಳ ನಾಸಾ ತಂಡ ಬಾಹ್ಯಾಕಾಶ ಪ್ರಯಾಣ ಬೆಳೆಸಿದೆ. ಚಂದ್ರನ ಹತ್ತಿರಕ್ಕೆ ತೆರಳಿ ಪ್ರದಕ್ಷಿಣೆ ಹಾಕಿ ಮರಳಲಿದ್ದಾರೆ. ಚಂದ್ರನ ಮೇಲೆ ಈ ತಂಡ ಇಳಿಯುತ್ತಿಲ್ಲ. ಶೀಘ್ರದಲ್ಲೇ ಚಂದ್ರನ ಹತ್ತಿರದ ಫೋಟೋಗಳನ್ನು ಈ ತಂಡ ಕಳುಹಿಸಲಿದೆ.</p>



Source link