ಬೆಂಗಳೂರು, ಏ.6: ದೇಶದ ಗ್ಯಾಸ್ ಕೊರತೆಗಳು. ಇರಾನ್, ಇಸ್ರೇಲ್, ಅಮೆರಿಕ ಯುದ್ಧದಿಂದ ಜಗತ್ತು ಸಂಕಷ್ಟಕ್ಕೆ ಸಿಲುಕಿದೆ. ಇದರ ಪರಿಣಾಮ ಭಾರತದಲ್ಲಿ ಕಂಡು ಬಂದಿದೆ. ಇನ್ನು ಬೆಂಗಳೂರಿನಲ್ಲಿ ಈ ಸಮಸ್ಯೆಯ ಬಗ್ಗೆ ಕೇಳುವುದೇ ಬೇಡ. ಅದರಲ್ಲೂ ಆಟೋ ಚಾಲಕರು ಇದರಿಂದ ಭಾರೀ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ದಿನ ಪೂರ್ತಿ, ಆಟೋಗೆ ಗ್ಯಾಸ್ ಹಾಕಲು ಕ್ಯೂ ನಿಲ್ಲಬೇಕು. ಅದು ಕೂಡ ಸಿಗುತ್ತದೆ ಎಂಬ ಗ್ಯಾರಂಟಿ ಇಲ್ಲ. ಬೆಂಗಳೂರಿನ ಜೀವನನಾಡಿ ಎನಿಸಿರುವ ಆಟೋ ರಿಕ್ಷಾ ಚಾಲಕರು ಇದೀಗ ಭೀಕರ ಎಲ್ಪಿಜಿ ಅಭಾವದಿಂದ ಕಂಗಾಲಾಗಿದ್ದಾರೆ. ಇಂಧನ ಕೇಂದ್ರಗಳಲ್ಲಿ ಕಿಲೋಮೀಟರ್ ಗಟ್ಟಲೆ ಉದ್ದದ ಸಾಲು ಮತ್ತು ಅನಿಶ್ಚಿತ ಪೂರೈಕೆಯಿಂದಾಗಿ ದೈನಂದಿನ ಜೀವನ ನಡೆಸುವುದು ಕಷ್ಟಕರವಾಗಿದೆ.
ಈ ಬಿಕ್ಕಟ್ಟು ಈಗ ಅನೇಕ ಚಾಲಕರು ಇಟಿಕ್ಲಿಕ್ ಆಟೋಗಳ ಬಗ್ಗೆ ಗಂಭೀರವಾಗಿ ಯೋಚಿಸುವಂತೆ ಮಾಡಿದೆ. ಬನಶಂಕರಿಯ ಇಕ್ಬಾಲ್ ಸಾಬ್ ಎಂಬ ಇಟಿಕ್ಲಿಕ್ ಆಟೋ ಚಾಲಕನ ಪ್ರಕಾರ, ಪ್ರತಿದಿನ ಅನೇಕ ಎಲ್ಪಿಜಿ ಆಟೋ ಚಾಲಕರು ಬಂದು ಇವಿ ಆಟೋದ ಬೆಲೆ, ಚಾರ್ಜಿಂಗ್ ಸಮಯ ಮತ್ತು ಮೈಲೇಜ್ ವಿಚಾರಿಸುತ್ತಿದ್ದಾರೆ. ಒಮ್ಮೆ ಚಾರ್ಜ್ ಮಾಡಿದರೆ 5 ಗಂಟೆ ಹೆಚ್ಚು ಕಾಲ ಓಡಿಸಬಹುದು ಮತ್ತು ಕಿಲೋಮೀಟರ್ಗೆ ಕೇವಲ 50 ಪೈಸೆ ಖರ್ಚಾಗುತ್ತದೆ ಎಂದು ಅವರಿಗೆ ಮಾಹಿತಿ ನೀಡಲಾಗುತ್ತದೆ.
ಇನ್ನು ಈ ಎಲಿಲಿಕ್ ಆಟೋಗಳು ತಿಂಗಳಿಗೆ ಕೇವಲ 500 ರೂಪಾಯಿಗಿಂತ ಕಡಿಮೆ ಮೆಂಟೆನೆನ್ಸ್ ಖರ್ಚು. ಪಶ್ಚಿಮ ಏಷ್ಯಾದ ಸಂಘರ್ಷದಿಂದಾಗಿ ಏರುತ್ತಿರುವ ಇಂಧನ ಬೆಲೆಗಳಿಂದ ಇದು ಮುಕ್ತವಾಗಿದೆ ಎಂಬುದು ಅನೇಕರ ಯೋಚನೆಯಾಗಿದೆ. ಶಬ್ದರಹಿತ, ಹೆಚ್ಚು ಸ್ಥಳಾವಕಾಶ ಮತ್ತು ಉತ್ತಮ ಸಸ್ಪೆನ್ಷನ್ ಪ್ರಯಾಣಿಕರಿಗೂ ಇದು ಇಷ್ಟವಾಗುತ್ತಿದೆ. ಇಲಿಟಿಕ್ ಆಟೋಗಳ ಬಗ್ಗೆ ಆಸಕ್ತಿ ಹೆಚ್ಚಿದ್ದರೂ, ಅದರ ಬೆಲೆ ದೊಡ್ಡ ಹೊರೆಯಾಗಿದೆ.
ಇದನ್ನೂ ಓದಿ: ಹುಬ್ಬಳ್ಳಿಯಲ್ಲಿ ಲವ್ ಜಿಹಾದ್ ಪ್ರಕರಣ: ಸಮೀರ್ ಲೀಲೆಗಳು ಒಂದಾಗಿ ಬಯಲು: ಮತ್ತೊಂದು ವಿಡಿಯೋ ವೈರಲ್
ಎಲಿಟಿಕ್ ಆಟೋ ಬೆಲೆಯೂ 3.33 ಲಕ್ಷ ರೂ.ಯಿಂದ 3.47 ಲಕ್ಷ ರೂ ವರೆಗೆ ಇದೆ. ಎಲ್ಪಿಜಿ ಆಟೋ ಬೆಲೆ 2.22 ಲಕ್ಷದಿಂದ, 2.53 ಲಕ್ಷ ರೂ. ವರೆಗೆ ಇದೆ. ಸುಮಾರು 80 ಸಾವಿರದಿಂದ 1.25 ಲಕ್ಷ ರೂಪಾಯಿಗಳ ವ್ಯತ್ಯಾಸವು ಸಾಮಾನ್ಯ ಚಾಲಕರಿಗೆ ಭರಿಸಲಾಗದ ಮೊತ್ತವಾಗಿದೆ. ಹಳೆಯ ಆಟೋಗಳನ್ನು ಮಾರಿ ಹೊಸದನ್ನು ಕೊಳ್ಳುವುದು ಸದ್ಯದ ಪರಿಸ್ಥಿತಿಯಲ್ಲಿ ಸವಾಲಾಗಿದೆ. ಇಲಿಟಿಕ್ ವಾಹನಗಳ ಬಗ್ಗೆ ಕೆಲವು ಟೀಕೆಗಳೂ ಇವೆ. ಚಾರ್ಜಿಂಗ್ ಸ್ಟೇಷನ್ಗಳ ಕೊರತೆ, ಬ್ಯಾಟರಿ ಬಾಳಿಕೆ ಮತ್ತು ಮೆಕಾನಿಕ್ಗಳ ಅಲಭ್ಯತೆ ಚಾಲಕರನ್ನು ಕಾಡುತ್ತಿದೆ. ಜೊತೆಗೆ, ಭಾರತದಲ್ಲಿ ಹೆಚ್ಚಿನ ವಿದ್ಯುತ್ ಕಲ್ಲಿದ್ದಲಿನಿಂದ ತಯಾರಾಗುವುದರಿಂದ ಪರಿಸರಕ್ಕೆ ಆಗುವ ಲಾಭ ತೀರಾ ಕಡಿಮೆ ಎಂಬ ವಾದವೂ ಇದೆ.
ರ್ನಾಟಕದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
