ಪ್ಯಾನ್ ಇಂಡಿಯಾ (ಪ್ಯಾನ್ ಇಂಡಿಯಾ) ಸಿನಿಮಾಗಳ ಹವಾ ಜೋರಾದ ಮೇಲೆ ಸ್ಟಾರ್ ನಟರು ಬೇರೆ ಬೇರೆ ರಾಜ್ಯಗಳಲ್ಲಿ ಸಿನಿಮಾ ಪ್ರಚಾರ ಮಾಡುವುದು ಕಡ್ಡಾಯ ಆಗಿಬಿಟ್ಟಿದೆ. ಆದರೆ 22 ಅಧಿಕೃತ ಭಾಷೆಗಳಲ್ಲಿ ಇರುವ ಎಲ್ಲರನ್ನು ಅವರ ಸ್ವಂತ ಮೂಲಕ ತಲುಪುವುದು ಬಹಳ ಕಷ್ಟ. ಎಷ್ಟೋ ಮಂದಿ ಸ್ಟಾರ್ ನಟರು, ತಮ್ಮ ಭಾಷೆಯ ಮಿತಿಯಿಂದಾಗಿಯೇ ಬೇರೆ ರಾಜ್ಯಗಳಿಗೆ ಪ್ರಚಾರಕ್ಕೆ ಹೋಗುವುದಿಲ್ಲ. ಆದರೆ ಇದೀಗ ಯುವ ನಟನೊಬ್ಬ ಬುದ್ಧಿವಂತಿಕೆ ತೋರಿಸಿದ್ದು, ಐ ಬಳಸಿ ಬೇರೆ ರಾಜ್ಯದಲ್ಲಿ ಪ್ರಚಾರ ಮಾಡಿರುವುದು, ಸಖತ್ ಜನ ಸ್ಪಂದನೆಯನ್ನೂ ಸಹ ಪಡೆದಿದ್ದಾರೆ.
ತಮಿಳಿನ ಸ್ಟಾರ್ ಯುವನಟ ಪ್ರದೀಪ್ ರಂಗನಾಥನ್ ನಟನೆಯ ‘ಎಲ್ಐಕೆ’ ಸಿನಿಮಾ ಇದೇ ವಾರ ಬಿಡುಗಡೆ ಆಗುತ್ತಿದೆ, ಸಿನಿಮಾದ ಪ್ರೀ ರಿಲೀಸ್ ಕಾರ್ಯಕ್ರಮವನ್ನು ಹೈದರಾಬಾದ್ನಲ್ಲಿ ಆಯೋಜಿಸಲಾಗಿದೆ. ಪ್ರದೀಪ್, ಪ್ರತಿಬಾರಿಯೂ ತಮ್ಮ ಸಿನಿಮಾ ಬಿಡುಗಡೆ ಆಗುವಾಗ ತೆಲುಗು ರಾಜ್ಯಗಳಿಗೆ ಬಂದು ಪ್ರಚಾರ ಮಾಡುತ್ತಾರೆ. ಆದರೆ ತೆಲುಗು ಸರಿಯಾಗಿ ಬರದ ಕಾರಣ ಈ ಹಿಂದೆ ಕೆಲವು ಸಮಸ್ಯೆಗಳನ್ನು ಅವರು ಎದುರಿಸಿದ್ದರು.
ಇದೇ ಕಾರಣಕ್ಕೆ ಈ ಬಾರಿ ಪ್ರೀ ರಿಲೀಸ್ ಕಾರ್ಯಕ್ರಮದಲ್ಲಿ ಅವರು ಪ್ರೀ ರಿಲೀಸ್ ಭಾಷಣದ ವೇಳೆ ಐ ಮೊರೆ ಹೋಗಿದ್ದಾರೆ. ‘ಕಳೆದ ಬಾರಿ ನಾನು ತೆಲುಗಿನಲ್ಲಿ ಮಾತನಾಡಿದಾಗ ಸಾಕಷ್ಟು ಸಮಸ್ಯೆಯಾಗಿದೆ. ನನಗೆ ತೆಲುಗು ಸರಿಯಾಗಿ ಬರದು, ಇಲ್ಲ ನಾನು ತಮಿಳಿನಲ್ಲಿ ಹೇಳಿದ್ದು ಎಐ ತೆಲುಗಿನಲ್ಲಿ ಹೇಳಲಿದೆ ಎಂದು ಹೇಳಿ. ತಮ್ಮ ಮೊಬೈಲ್ ನ ಎಐ ಆಪ್ ಬಳಸಿ ಪ್ರದೀಪ್ ರಂಗನಾಥ್ ಭಾಷಣ ಮಾಡಿದರು.
ಇದನ್ನೂ ಓದಿ:ಎಐನಿಂದ ಮಾಡಲ್ಪಟ್ಟ ರಾಮಾಯಣದ ಬಿಟಿಎಸ್
ಪ್ರದೀಪ್ ರಂಗನಾಥನ್ ಅವರು ‘ಎಲ್ ಐಕೆ’ ಹೆಸರಿನ ತಮಿಳು ಸಿನಿಮಾದಲ್ಲಿ ನಟಿಸಿದ್ದಾರೆ. ಇದು 2040ರ ಕತೆಯನ್ನು ಒಳಗೊಂಡಿದೆ. ಪ್ರಪಂಚ ಬಹಳ ಅಡ್ವಾನ್ಸ್ ಆಗಿಬಿಟ್ಟಿದೆ, ಮಾನವ ಸಂಬಂಧಗಳು ಬಹಳ ಕಡಿಮೆ. ಅಂಥಹ ಸಂದರ್ಭದಲ್ಲಿ ಯುವಕನೊಬ್ಬನ ಪ್ರೀತಿಯನ್ನು ಅರಸಿ ಹೋಗುವ ಕಥೆ ಈ ಸಿನಿಮಾ ಒಳಗೊಂಡಿದೆ. ಸಿನಿಮಾದಲ್ಲಿ ಕೃತಿ ಶೆಟ್ಟಿ ನಾಯಕಿ, ಎಸ್ಜೆ ಸೂರ್ಯ ವಿಲನ್.
ಪ್ರದೀಪ್ ರಂಗನಾಥನ್ ಭಿನ್ನ ರೀತಿಯ ನಟ. ಈವರೆಗೆ ಮೂರು ಸಿನಿಮಾಗಳಲ್ಲಿ ಪ್ರದೀಪ್ ನಟಿಸಿದ್ದು, ಮೂರೂ ಸಿನಿಮಾಗಳು ದೊಡ್ಡ ಹಿಟ್ ಆಗಿವೆ. ಪ್ರದೀಪ್ ನಟಿಸಿರುವ ಮೂರೂ ಸಿನಿಮಾಗಳು ಬಾಕ್ಸ್ ಆಫೀಸ್ ನಲ್ಲಿ ನೂರು ಕೋಟಿಗೂ ಹೆಚ್ಚು ಚಿತ್ರ ಮಾಡಿವೆ. ಇದೀಗ ನಾಲ್ಕನೇ ಸಿನಿಮಾ ‘ಎಲ್ ಐಕೆ’ (ಲವ್ ಇನ್ ಶ್ಯೂರೆನ್ಸ್ ಕಂಪನಿ)ಯಲ್ಲಿ ನಟಿಸುತ್ತಿದ್ದಾರೆ. ಸಿನಿಮಾ ಇದೆ ಶುಕ್ರವಾರ ಬಿಡುಗಡೆ ಆಗಲಿದೆ. ಸಿನಿಮಾ ನಿರ್ದೇಶನ ಮಾಡಿರುವುದು ನಯನತಾರಾ ಪತಿ ವಿಘ್ನೇಶ್ ಶಿವನ್.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
