ನವದೆಹಲಿ, ಏಪ್ರಿಲ್ 9: ಅಲಿಗ ಮುಸ್ಲಿಂ ವಿಶ್ವವಿದ್ಯಾಲಯದ (AMU) ಹಾಸ್ಟೆಲ್ ಕೊಠಡಿಯಿಂದ ಜೀವಂತ ಕಾರ್ಟ್ರಿಡ್ಜ್ಗಳು ಮತ್ತು ನಕಲಿ ಕರೆನ್ಸಿ ಸೇರಿದಂತೆ ಹಲವು ಅಪರಾಧ ಸಾಮಗ್ರಿಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಬುಧವಾರ ಪೊಲೀಸರಿಗೆ ಸಿಕ್ಕ ಸುಳಿವಿನ ಬಗ್ಗೆ ಕಾರ್ಯಾಚರಣೆ ನಡೆಸಲಾಗಿದೆ. ಆಗ ಸರ್ ಜಿಯಾವುದ್ದೀನ್ ಹಾಲ್ನ ಕೊಠಡಿಯಿಂದ 32 ಬೋರ್ ಪಿಸ್ತೂಲ್ ಗುಂಡುಗಳು, 12 ಬೋರ್ ಕಾರ್ಟ್ರಿಡ್ಜ್ಗಳು, ನಕಲಿ ಕರೆನ್ಸಿ, 8 ಮೊಬೈಲ್ ಫೋನ್ಗಳು ಮತ್ತು ಖಾಲಿ ಮ್ಯಾಗಜೀನ್ ಕವರ್ಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಆರೋಪಿ ಶೇವಾಜ್ ಆ ಕೋಣೆಯಲ್ಲಿ ವಾಸವಾಗಿದ್ದನು. ಅವನು ಅಲ್ಲಿದ್ದ ನಿವಾಸಿಗಳನ್ನು ಬಲವಂತವಾಗಿ ಹೊರಗೆ ಕಳುಹಿಸಿದ್ದನು. ಹಲವಾರು ತಿಂಗಳುಗಳಿಂದ ಅಲ್ಲಿಯೇ ವಾಸಿಸುತ್ತಿದ್ದನು ಎಂದು ಎಎನ್ಯು ಪ್ರಾಕ್ಟರ್ ನವೇದ್ ಖಾನ್ ಹೇಳಿದ್ದಾರೆ.
ಆ ಮನೆಯ ಅಧಿಕೃತ ನಿವಾಸಿಗಳಲ್ಲಿ ಒಬ್ಬರನ್ನು ಬಂಧಿಸಿ ಪ್ರಶ್ನಿಸಿದರು. ಆ ಕೊಠಡಿಯಿಂದ ವಶಪಡಿಸಿಕೊಂಡ ದಾಖಲೆಗಳು ಆರೋಪಿಯು ಅನಿವಾಸಿ ವಿದ್ಯಾರ್ಥಿಯಾಗಿ ಎಂಯುಗೆ ಪ್ರವೇಶ ಪಡೆದಿದ್ದಾನೆ ಎಂದು ಪೊಲೀಸರು ಹೇಳಿದ್ದಾರೆ.
ಇದನ್ನೂ ಓದಿ: 100 ವರ್ಷಗಳ ಇತಿಹಾಸದಲ್ಲಿ ಮೊದಲ ಮಹಿಳಾ ಕುಲಪತಿ ಪಡೆದ ಅಲಿಗಢ ಮುಸ್ಲಿಂ ವಿಶ್ವವಿದ್ಯಾಲಯ
ಏಪ್ರಿಲ್ 6 ರಂದು ಅಲಿಗಢದ ಸಿವಿಲ್ ಲೈನ್ಸ್ ಪ್ರದೇಶದಲ್ಲಿ ನಡೆದ ಗುಂಡಿನ ದಾಳಿಯ ಘಟನೆಯ ತನಿಖೆಯ ನಡುವೆ ಈ ಬೆಳವಣಿಗೆ ಸಂಭವಿಸಿದೆ. ಏಪ್ರಿಲ್ 6 ರಂದು ಅಲಿಘಡದ ಸಿವಿಲ್ ಲೈನ್ಸ್ ಪ್ರದೇಶದಲ್ಲಿ ವರದಿಯಾದ ಗುಂಡಿನ ದಾಳಿಯ ತನಿಖೆಗೆ ಇದು ಸಂಬಂಧಿಸಿದೆ. ಈ ಹಿಂದೆ ಆರೋಪಿ ಶಂಕಿತರನ್ನು ಬಂಧಿಸಿದ್ದರು. ಅದರ ವಿಚಾರಣೆಯ ಸಮಯದಲ್ಲಿ ಶೆವಾಜ್ ಹೆಸರು ಕೇಳಿಬಂದಿತ್ತು.
ಮಂಗಳವಾರ ಆ ಪ್ರಕರಣಕ್ಕೆ ಆರೋಪಿ ಮೂವರನ್ನು ಬಂಧಿಸಿ ವಿಚಾರಣೆ ನಡೆಸಿದ್ದರು. ಆ ಸಮಯದಲ್ಲಿ ಆರೋಪಿಯ ಹೆಸರು ಬೆಳಕಿಗೆ ಬಂದಿದ್ದು, ತನಿಖಾಧಿಕಾರಿಗಳು ಹಾಸ್ಟೆಲ್ ಕೋಣೆಗೆ ತೆರಳಿದರು. ಈ ಪ್ರಕರಣದ ವಿವರವಾದ ತನಿಖೆ ನಡೆಯುತ್ತಿದೆ ಎಂದು ತಿಳಿದು ಬಂದಿದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
