ಸತ್ತರೂ ಮುಖ ನೋಡಲ್ಲ-14 ವರ್ಷದಿಂದ ಬೀದಿಗೆ ಬಂದು ಜಗಳ ಆಡಿದ್ದ ಸ್ಟಾರ್‌ ನಟನ ಮನೆ ಸಮಸ್ಯೆ ಬಗೆಹರಿತು!

<p>Actor Govinda News: ಬಾಲಿವುಡ್ ನಟ ಗೋವಿಂದ ಮತ್ತು ಅವರ ಅಳಿಯ ಕೃಷ್ಣ ಅಭಿಷೇಕ್ ಕುಟುಂಬದ ನಡುವಿನ ಮುನಿಸು ಕೊನೆಗೂ ಮುಗಿದಿದೆ. ತಮ್ಮ ಅತ್ತೆ ಸುನೀತಾ ಜೊತೆ ಕಾಣಿಸಿಕೊಂಡ ಕೃಷ್ಣ ಮತ್ತು ಪತ್ನಿ ಕಾಶ್ಮೀರಾ, ನಮ್ಮ ವನವಾಸ ಮುಗಿಯಿತು ಎಂದು ಹೇಳಿದ್ದಾರೆ.</p><p>&nbsp;</p><img><p>ಬಾಲಿವುಡ್ ನಟ ಗೋವಿಂದ (Govinda) ಮತ್ತು ಅವರ ಅಳಿಯ, ಖ್ಯಾತ ಹಾಸ್ಯನಟ ಕೃಷ್ಣ ಅಭಿಷೇಕ್ (Krushna Abhishek) ನಡುವಿನ ಮುನಿಸು ಕೊನೆಗೂ ಮುಗಿಯುವ ಲಕ್ಷಣ ಕಾಣಿಸುತ್ತಿದೆ. ಸುಮಾರು 7 ವರ್ಷಗಳಿಂದ ಈ ಇಬ್ಬರ ಕುಟುಂಬಗಳ ನಡುವೆ ಜಗಳವಿತ್ತು. ಈ ಬೆಳವಣಿಗೆಯಿಂದ ಅಭಿಮಾನಿಗಳಿಗೂ ಬೇಸರವಾಗಿತ್ತು. ಆದರೆ ಈಗ ಪರಿಸ್ಥಿತಿ ಬದಲಾಗಿದೆ.&nbsp;</p><p>ಇತ್ತೀಚೆಗೆ ಒಂದು ಕಾರ್ಯಕ್ರಮದಲ್ಲಿ ಗೋವಿಂದ ಪತ್ನಿ ಸುನೀತಾ ಅಹುಜಾ (Sunita Ahuja) ಕಾಣಿಸಿಕೊಂಡಿದ್ದರು. ಇದೇ ಕಾರ್ಯಕ್ರಮದಲ್ಲಿ ಕೃಷ್ಣ ಅಭಿಷೇಕ್ ಮತ್ತು ಅವರ ಪತ್ನಿ ಕಾಶ್ಮೀರಾ ಶಾ (Kashmera Shah) ಕೂಡ ಇದ್ದರು. ಈ ವೇಳೆ ಮೂವರ ನಡುವಿನ ಬಾಂಧವ್ಯ ನೋಡಿದರೆ, ಕುಟುಂಬದಲ್ಲಿ ಎಲ್ಲವೂ ಸರಿಹೋದಂತಿದೆ.</p><img><p>ಕಾರ್ಯಕ್ರಮದ ವೇಳೆ ಕೃಷ್ಣ ಮತ್ತು ಕಾಶ್ಮೀರಾ, ತಮ್ಮ ಮಾಮಿ ಸುನೀತಾರನ್ನು ಪಾಪರಾಜಿಗಳ ಮುಂದೆ ಕರೆತಂದು ಒಟ್ಟಿಗೆ ಫೋಟೋಗೆ ಪೋಸ್ ಕೊಟ್ಟರು. ಈ ಸಂದರ್ಭದಲ್ಲಿ ಅವರ ನಡುವೆ ನಗು, ತಮಾಷೆ ಮತ್ತು ಆತ್ಮೀಯತೆ ಎದ್ದು ಕಾಣುತ್ತಿತ್ತು. ಇದು ಅಭಿಮಾನಿಗಳ ಮನಗೆದ್ದಿದೆ. ಈ ವೇಳೆ ಮಾತನಾಡಿದ ಸುನೀತಾ ಅಹುಜಾ, "ಇವರ 14 ವರ್ಷದ ವನವಾಸ ಈಗ ಮುಗೀತು" ಎಂದು ಹೇಳಿದರು. ಅವರ ಈ ಹೇಳಿಕೆ, ಸಂಬಂಧದಲ್ಲಿನ ಬಿರುಕು ಮಾಯವಾಗಿದೆ ಎಂಬುದರ ಸ್ಪಷ್ಟ ಸಂಕೇತ ನೀಡಿತು.&nbsp;</p><p>ಅಷ್ಟರಲ್ಲೇ, ಕಾಶ್ಮೀರಾ ಶಾ ತಮಾಷೆಯಾಗಿ, "ನಮ್ಮ ವನವಾಸ ಮುಗೀತು, ಇನ್ನೊಬ್ಬರದ್ದು ಶುರುವಾಯ್ತು" ಎಂದರು. ಆದರೆ ತಕ್ಷಣವೇ ತಮ್ಮ ಮಾತನ್ನು ಸರಿಪಡಿಸಿಕೊಂಡು ನಗುತ್ತಾ ಸುನೀತಾರನ್ನು ಅಪ್ಪಿಕೊಂಡರು.</p><img><p>ಇನ್ನೊಂದೆಡೆ, ಗೋವಿಂದ ಮತ್ತು ಸುನೀತಾ ದಾಂಪತ್ಯದ ಬಗ್ಗೆಯೂ ಕಳೆದ ಕೆಲವು ಸಮಯದಿಂದ ಹಲವು ವದಂತಿಗಳು ಹರಿದಾಡುತ್ತಿವೆ. ಮಾಧ್ಯಮ ವರದಿಗಳಲ್ಲಿ ಇಬ್ಬರ ನಡುವೆ ಮನಸ್ತಾಪ ಉಂಟಾಗಿದ್ದು, ವಿಚ್ಛೇದನದ ಮಾತುಕತೆ ನಡೆಯುತ್ತಿದೆ ಎನ್ನಲಾಗಿತ್ತು. ಅಷ್ಟೇ ಅಲ್ಲ, ಗೋವಿಂದ ಅವರ ಅಫೇರ್ ಬಗ್ಗೆಯೂ ಚರ್ಚೆಗಳು ಜೋರಾಗಿದ್ದವು. ಆದರೆ, ಈ ಸುದ್ದಿಗಳು ಇದುವರೆಗೂ ಅಧಿಕೃತವಾಗಿ ದೃಢಪಟ್ಟಿಲ್ಲ. ಸದ್ಯಕ್ಕೆ, ಕೃಷ್ಣ ಅಭಿಷೇಕ್ ಮತ್ತು ಅವರ ಮಾಮಿ ಸುನೀತಾ ನಡುವಿನ ಸಂಬಂಧ ಮತ್ತೆ ಸಿಹಿಯಾಗಿರುವುದು ಅಭಿಮಾನಿಗಳಿಗೆ ಸಮಾಧಾನ ತಂದಿದೆ.&nbsp;</p><img><p>ಇಷ್ಟು ದಿನಗಳ ನಂತರ ಕುಟುಂಬವನ್ನು ಮತ್ತೆ ಒಟ್ಟಾಗಿ ನೋಡಿ ಎಲ್ಲರೂ ಖುಷಿಪಟ್ಟಿದ್ದಾರೆ. ಈಗ ಎಲ್ಲರ ಕಣ್ಣು ಗೋವಿಂದ ಮತ್ತು ಸುನೀತಾ ಸಂಬಂಧದ ಬಗ್ಗೆ ಹಬ್ಬಿರುವ ವದಂತಿಗಳ ಮೇಲಿದೆ. ಈ ಬಗ್ಗೆ ಯಾವಾಗ ಸತ್ಯಾಂಶ ಹೊರಬೀಳಲಿದೆ ಎಂದು ಕಾದು ನೋಡಬೇಕಿದೆ.</p>



Source link