ಗೂಗಲ್ ಪೇ- ಫೋನ್ ಪೇ ಸೇವೆ ಉಚಿತವಾಗಿದ್ದರೂ ಮಾಸಿಕ ಐದು ಸಾವಿರ ಕೋಟಿ ರೂಪಾಯಿಗೂ ಅಧಿಕ ಲಾಭ ಮಾಡುತ್ತಿವೆ ಎನ್ನುವುದು ಗೊತ್ತಾ? ಅದ್ಹೇಗೆ ನೋಡಿ… ಕುತೂಹಲದ ವಿಷ್ಯ ಇಲ್ಲಿದೆ…
ಏಕೀಕೃತ ಪಾವತಿ ಇಂಟರ್ಫೇಸ್ (UPI) ಭಾರತದಲ್ಲಿ ಹೊಸ ಕ್ರಾಂತಿಯನ್ನೇ ಸೃಷ್ಟಿಸಿದೆ. ಬೀದಿ ವ್ಯಾಪಾರಿಗಳಿಂದ ಹಿಡಿದು ದೊಡ್ಡ ವ್ಯವಹಾರಗಳವರೆಗೆ, ಲಕ್ಷಾಂತರ ಜನರು Google Pay ಮತ್ತು PhonePe ನಂತಹ UPI ಅಪ್ಲಿಕೇಶನ್ಗಳನ್ನು ಯಾವುದೇ ಶುಲ್ಕವನ್ನು ಪಾವತಿಸದೆ ಹಣವನ್ನು ಕಳುಹಿಸಲು ಮತ್ತು ಸ್ವೀಕರಿಸಲು ಬಳಸುತ್ತಾರೆ. ಆದರೆ ಈ ಸೇವೆಯನ್ನು ಉಚಿತವಾಗಿ ನೀಡುತ್ತಿದ್ದರೂ, ಎರಡೂ ಪ್ಲಾಟ್ಫಾರ್ಮ್ಗಳು ಕಳೆದ ವರ್ಷ ಒಟ್ಟು 5,065 ಕೋಟಿ ರೂಪಾಯಿ ಗಳಿಸಿವೆ ಎನ್ನುವುದು ಗೊತ್ತೆ? ತಮ್ಮ ಬಳಕೆದಾರರಿಗೆ ಶುಲ್ಕ ವಿಧಿಸದೆ ಈ ರೀತಿಯ ಹಣವನ್ನು ಹೇಗೆ ಗಳಿಸುತ್ತಾರೆ ಎನ್ನುವುದು ಗೊತ್ತಾ?
ಆದಾಯದ ಗಮನಾರ್ಹ ಭಾಗವು ಭಾರತದಾದ್ಯಂತ ಲಕ್ಷಾಂತರ ಸಣ್ಣ ಅಂಗಡಿಗಳು ಮತ್ತು ಕಿರಾಣಿ ಅಂಗಡಿಗಳಿಂದ ಬರುತ್ತಿದೆ. ಈ ಅಂಗಡಿಗಳು ಸಾಮಾನ್ಯವಾಗಿ ಧ್ವನಿ-ಸಕ್ರಿಯಗೊಳಿಸಿದ ಸ್ಪೀಕರ್ಗಳನ್ನು ಬಳಸುತ್ತವೆ. ನೀವು ಇಂತಿಷ್ಟು ಹಣ ಕೊಟ್ಟಿರುವುದಾಗಿ ಅಲ್ಲಿರುವ ಮಷಿನ್ ದನಿ ಮೂಲಕ ಹೇಳುತ್ತದಲ್ಲ, ಅದೇ ಇವುಗಳ ಬಂಡವಾಳ. ಈ ಸ್ಪೀಕರ್ಗಳನ್ನು ಗೂಗಲ್ ಪೇ ಮತ್ತು ಫೋನ್ ಪೇ ಆ್ಯಪ್ಗಳು ಮಾಸಿಕ ಬಾಡಿಗೆ ಆಧಾರದ ಮೇಲೆ ಒದಗಿಸುತ್ತವೆ, ಸಾಮಾನ್ಯವಾಗಿ ತಿಂಗಳಿಗೆ 100 ರೂಪಾಯಿ ವಿಧಿಸುತ್ತದೆ. ಇದರ ಅರ್ಥ ಸ್ಪೀಕರ್ಗಳನ್ನು ಬಾಡಿಗೆಗೆ ನೀಡುವುದು ಇದೇ ಆ್ಯಪ್ಗಳು. ಆ ಸ್ಪೀಕರ್ಗಳಿಂದ ಕನಿಷ್ಠ 100 ರೂಪಾಯಿ ಮಾಸಿಕವಾಗಿ ಪಡೆಯುತ್ತವೆ ಅಷ್ಟೇ. ಆದರೆ ಇದೇ ಸಹಸ್ರಾರು ಕೋಟಿ ರೂಪಾಯಿಗಳ ವ್ಯವಹಾರ ನಡೆಸುತ್ತದೆ.
ವರದಿಗಳ ಪ್ರಕಾರ, ಮೂರು ದಶಲಕ್ಷಕ್ಕೂ ಹೆಚ್ಚು ಅಂಗಡಿಗಳು ಫೋನ್ಪೇ- ಗೂಗಲ್ ಪೇ ಸೇವೆಗಳನ್ನು ಬಳಸುತ್ತವೆ, ಇದು PhonePe ನಂತಹ ಪ್ಲಾಟ್ಫಾರ್ಮ್ಗಳು ಪ್ರತಿ ತಿಂಗಳು 30 ಕೋಟಿ ರೂಪಾಯಿ ಗಳಿಸಲು ಸಹಾಯ ಮಾಡುತ್ತದೆ, ಇದು ವಾರ್ಷಿಕವಾಗಿ 360 ಕೋಟಿ ರೂಪಾಯಿಗಳವರೆಗೂ ತಲುಪುತ್ತವೆ. ಈ ಸ್ಪೀಕರ್ಗಳು ಅಂಗಡಿಯವರಿಗೆ ವಹಿವಾಟುಗಳನ್ನು ಸುಗಮಗೊಳಿಸುವುದಲ್ಲದೆ, ಯಶಸ್ವಿ ಪಾವತಿಗಳನ್ನು ದೃಢೀಕರಿಸುವ ಮೂಲಕ ಗ್ರಾಹಕರೊಂದಿಗೆ ನಂಬಿಕೆಯನ್ನು ಬೆಳೆಸುತ್ತದೆ.
ಬಳಕೆದಾರರು UPI ಪಾವತಿಗಳನ್ನು ಮಾಡಿದ ನಂತರ ಪಡೆಯುವ ಸ್ಕ್ರ್ಯಾಚ್ ಕಾರ್ಡ್ಗಳು ಕೇವಲ ಕ್ಯಾಶ್ಬ್ಯಾಕ್ ಗಿಮಿಕ್ಗಿಂತ ಹೆಚ್ಚಿನದಾಗಿ ಮಾರ್ಪಟ್ಟಿವೆ. ಇವು ಈಗ ಜಾಹೀರಾತು ಸಾಧನವಾಗಿ ಕಾರ್ಯನಿರ್ವಹಿಸುತ್ತಿವೆ. ಬಳಕೆದಾರರು ಸ್ಕ್ರ್ಯಾಚ್ ಕಾರ್ಡ್ಗಳನ್ನು ಗೆದ್ದಾಗ, ಅವರು ಹೆಚ್ಚಾಗಿ ಬ್ರ್ಯಾಂಡ್ ಹೆಸರುಗಳು ಮತ್ತು ರಿಯಾಯಿತಿ ಕೊಡುಗೆಗಳನ್ನು ನೋಡುತ್ತಾರೆ. ಇದು ಕೂಡ ಈ ಆ್ಯಪ್ಗಳು ಸಹಸ್ರಾರು ಕೋಟಿ ರೂಪಾಯಿ ಗಳಿಸುವ ಮಾರ್ಗವಾಗಿದೆ. ಬ್ರ್ಯಾಂಡ್ಗಳು ಈ ಕಾರ್ಡ್ಗಳ ಮೂಲಕ ತಮ್ಮ ಪ್ರಚಾರಗಳನ್ನು ಪ್ರದರ್ಶಿಸಲು Google Pay ಮತ್ತು PhonePe ಗೆ ಪಾವತಿಸುತ್ತವೆ.
ಈ ವಿಧಾನವು ಬ್ರ್ಯಾಂಡ್ಗಳು ಲಕ್ಷಾಂತರ ಅಪ್ಲಿಕೇಶನ್ ಬಳಕೆದಾರರಿಂದ ಗಮನ ಸೆಳೆಯಲು ಸಹಾಯ ಮಾಡುತ್ತದೆ. ಬಳಕೆದಾರರನ್ನು ಬಹುಮಾನಗಳು ಮತ್ತು ಗೇಮಿಫೈಡ್ ಅನುಭವ ಪಡೆಯುವ ಮೂಲಕ ಅದರಲ್ಲಿ ತೊಡಗಿಸಿಕೊಳ್ಳುತ್ತಾರೆ. ಈ ಮೂಲಕವೂ ಇವು ಆದಾಯ ಗಳಿಸುತ್ತವೆ. ಮೂಲ ವಹಿವಾಟುಗಳನ್ನು ಮೀರಿ, ಈ ಅಪ್ಲಿಕೇಶನ್ಗಳು ಸಣ್ಣ ವ್ಯವಹಾರಗಳಿಗೆ ಮೌಲ್ಯವರ್ಧಿತ ಸೇವೆಗಳನ್ನು ನೀಡಲು ಪ್ರಾರಂಭಿಸಿವೆ. ಇದರಲ್ಲಿ GST ಫೈಲಿಂಗ್ ಬೆಂಬಲ, ಇನ್ವಾಯ್ಸ್ ರಚನೆ ಪರಿಕರಗಳು ಮತ್ತು ಸಣ್ಣ ಸಾಲಗಳಿಗೆ ಪ್ರವೇಶದಂತಹ ವೈಶಿಷ್ಟ್ಯಗಳು ಸೇರಿವೆ. ತಜ್ಞರ ಪ್ರಕಾರ, ಈ ಸೇವೆಗಳನ್ನು ಸಾಫ್ಟ್ವೇರ್-ಆಸ್-ಎ-ಸರ್ವಿಸ್ (SaaS) ಮಾದರಿಯ ಅಡಿಯಲ್ಲಿ ಮಾಡಲಾಗಿದೆ. ಈ ವಿಧಾನವು Google Pay ಮತ್ತು PhonePe ನಂತಹ ಅಪ್ಲಿಕೇಶನ್ಗಳು ಬೆಲೆ ಸೂಕ್ಷ್ಮವಾಗಿರುವ ದೇಶದಲ್ಲಿ ತಮ್ಮ ವ್ಯವಹಾರವನ್ನು ವಿಸ್ತರಿಸಲು ಸಹಾಯ ಮಾಡಿದೆ ಮತ್ತು ಬಳಕೆದಾರರು ಡಿಜಿಟಲ್ ಸೇವೆಗಳು ಉಚಿತವಾಗಿರಬೇಕು ಎಂದು ನಿರೀಕ್ಷಿಸುತ್ತಾರೆ.
